Til vansa fyrir Bandaríkin

Joe Biden tók við völdum sem forseti Bandaríkjanna fyrir ári. Valdatími hans hefur verið svo skelfilegur, að hann hefur orðið sér til vansa bæði heima og erlendis. 

Heilsteypta stefnu í utanríkismálum skortir. Sneypuleg endalok  í Afganistan og vanhæfni forsetans þar hafa leitt til þess, að andstæðingar Bandaríkjanna telja sig geta farið sínu fram. Rússar hóta innrás í Úkraínu og Kínverjar að innlima Taiwan. Prelátarnir í Íran telja sig geta farið sínu fram.

Stefna Biden inn á við, hefur ekki síður verið slæm. Áhersla hefur verið lögð á gegndarlausa eyðslu hins opinbera, sem hefur leitt til mestu verðbólgu í 40 ár eða 7%. Stefna vitifirrta vinstrisins í Demókrataflokknum í Bandaríkjunum m.a. að draga úr framlögum til lögreglu og andstöðu við störf hennar,hefur leitt til glæpaöldu. Í San Francisco og Los Angeles sem Demókratar hafa stjórnað í langa hríð eru rán og gripdeildir orðin svo algeng, að þau þykja ekki lengur fréttnæm.

Stefna Demókrata undir forustu Biden hefur leitt til efnahagslegs óstöðugleika, hnignunar borga,glæpaöldu og vaxandi innanlandsátaka. Í einu orði sagt þá hefur stjórn Biden verið skelfileg.

Vinsældir forsetans hafa hrapað og innan við þriðjungur kjósenda telur hann hafa staðið sig sæmilega eða vel í embætti. Þrátt fyrir að óstjórnin og glundroðin sem afleiðing af stefnu og stefnuleysi Biden og stjórnar hans, þá þegja helstu fjölmiðlar eins og þeir geta um það. En vandamálin hverfa ekki með því og dæmi eru um, að fjölmiðlum sem hafa stutt Demókrataflokkin er nóg boðið. 

Spurning er hvort að ein vinstri sinnaðasta fréttastofa lýðræðisríkja, fréttastofa RÚV tekur við sér og áttar sig á hvílílka skelfingu vinstri stefna Biden og bullukollustefna borgarstjóra Demókrata í Bandaríkjunum eru að leiða yfir þjóðina.

Hvað sem því líður eða eins og Biden segir, þegar hann tapar þræðinum "Anyway", þá eru kosningar í Bandaríkjunum í nóvember. Með sama áframhaldi munu Demókratar tapa meirihluta sínum bæði í fulltrúadeildinni og öldungadeildinni. Spurningin er bara hvað mikið tjón Biden og fylgifiskar hans geta unnið á meðan og hve miklu áliti og afli Bandaríkin tapa þangað til. 

En kjósendur sitja alltaf uppi með vanhæfa stjórnendur, sem þeir kunna að hafa glæpst á að kjósa. Þessvegna skiptir máli að kjósa og kjósa rétt.

Athugasemdir

[Grímur Kjartansson, 22.1.2022 kl. 16:32]

Fyrst að þú minnist á Afganistan þá er hér frétt um Talibana sem fréttist af á leið til Noregs til að hitta fylgismenn sína (norska ríkisborgara) þar

Her er Taliban på vei til Norge – VG

Einkaþota, dýrustu klæði, símar og úr sjást á myndinni
byssurnar eru sennilega í farangursrýminu

[Óskar Helgi Helgason (IP-tala skráð) 22.1.2022 kl. 19:00]

Sæll Jón; og þakka þjer samskipti liðinna ára: hjer á vef !

Tökum eftir Jón; hversu Bandaríkjamönnum er tamt, að gleyma niðurlægjandi hrakförum sínum í Víetnam 1975; sem og brotthvarfi þeirra sneypulegu frá Afghanistan í fyrrasumar.

Hefðu þeir ekki betur; fylgt leiðsögn Monroe´s heitins Forseta síns, um takmörkuð afskipti af málefnum annarra ríkja / vestan hafs, sem og austan:: yfirleitt ?

Joe karlinn Biden (Jói Bætir) keppist nú við, að sannfæra landsmenn þar heimafyrir um beina og óbeina þátttöku í Úkraínu þráteflinu, undir dyggum lúðrablæstri Pentagon liðsins, að ógleymdum stríðsþorsta Jens nokkurrs Stoltenberg hins Norska, í NATÓ framvarðar línunni.

Spurning; hversu mál þróazt þar eystra á næstunni, en fagna má engu að síður aukinni samheldni Bandaríkjamanna, með þeim : Indverjum - Áströlum - Japönum o.fl. gagnvart frekju og yfirgangi Peking stjórnarinnar, gagnvart Taíwan og hinni ágætu þjóðernissinna stjórn, þar.

Vildu Bandaríkjamenn; setja sig niður á Sandgerðis (Keflavíkur) flugvelli á ný, eftir laumulegan brottfluttning þaðan 2006, ættu Íslendingar að bjóða Rússneska Sambandslýðveldinu aðstöðu norður á Langanesi, þó:: ekki væri nema upp á jafnvægið hjer á Norðurslóðum, Jón.

Mbkv.; sem oftar - af Suðurlandi / 

[Hörður Þormar (IP-tala skráð) 22.1.2022 kl. 23:48]

Í dag var Friedrich Merz kjörinn formaður CDU í Þýskalandi með 95% atkvæða. Þetta var þriðja tilraun hans til að komast í þetta embætti. Við fyrstu tilraun var það Annegret Kramp-Karrenbauer sem var kosin formaður, ágætis kona, en fann fljótlega að hún myndi ekki hafa vald á verkefninu, sagði hún þvi af sér. Því næst var Armin Laschet kjörinn og varð sér til skammar, olli það hruni flokksins við síðustu kosningar.

Friedrich Merz var áberandi í stjórnmálum fyrir allmörgum árum en dró sig til baka, líklega vegna ágreinings við Merkel. Fór hann þá að gefa sig að fjármálum. Hann hefur haft mikil viðskipti við Bandaríkin og er þar öllum hnútum kunnugur. Það vakti mikla athygli, árið 2020, þegar sonur hans kom fram og varaði við því að faðir sinn snéri aftur í stjórnmálin, taldi hann vera í of nánum tengslum við Black Rock, einn stærsta vogunarsjóð í heimi.

Friedrich Merz er mun hægrisinnaði heldur en Merkel. Hann er mjög ákveðinn og öruggur í framkomu. Ef Merz hefði orðið kanslari Þýskalands þá má öruggt telja að hann hefði haft afgerandi áhrif á þróun mála í Evrópu og víðar.

[Óskar Helgi Helgason (IP-tala skráð) 23.1.2022 kl. 14:11]

. . . . ekki minnist jeg þess; að við hjer á Vesturlöndum / sem og Suðurlandabúar og aðrir, hefðum nokkurn tímann fengið fullnægjandi skýringu á, að NATÓ skyldi ekki verða lagt niður, þegar Varsjárbandalag þáverandi Sovjetríkja og leppríkja þeirra lognaðizt útaf, árið 1991.

Það hentaði einfaldlega ekki; stríðsjálkunum í Pentagon og suður í Brussel, að svo yrði.

Sjáum svo; afrek NATÓ víðsvegar um heiminn, síðan.

Hún er; vægast sagt afkáraleg, linnulaus fjandsemi allt of margra hjer á Vesturlöndum í garð Rússa:: þrátt fyrir, löngu liðið tímaskeið Sovjetríkjanna, sem loksins varð þó, árið 1991.

Vill gleymazt mörgum; þá Moskvuhertogi tók upp merki og forn tákn Austur- Rómverska ríkisins, eftir fall Konstantínópel, 29. Maí 1453 - Rússum seinni tíma, má aldrei kenna um þá slysni, að þeir Lenín og Stalín kæmust til valda þar eystra, eftir ósigur Hvíta Hersins, árið 1922 svo fram komi, ekki síður.

ÓHH