Glæsilegur við hliðina á ruslinu

Nýtt flokkunarkerfi á sorpi. Nýjar tunnur og aukið framlag íbúana við sorphirðu var tekið með fögnuði af ýmsum. 

Hér á heimilinu var ég ofurliði borinn og sakaður um að vera "grumpy old man" vegna athugasemda við þetta. Síðan hefur verið flokkað, en það hefur heldur komið babb í bátinn.

Bréfpokarnir fyrir matarúrgang eru varla boðlegir og valda vandamálum og ógeði. 

Sorphirða óviðunandi. Ekki hefur verið tæmt plast og pappír úr þeim hólfum, sem þessum úrgangi er ætlað í rúman mánuð og þau  blindfull og víða eru haugar af pappír og plasti við sorptunnur í hverfinu, sem Dagur ólst upp í. 

Á sama tíma og sorphirðan er í ólagi, mætir borgarstjóri til þykjustuvinnu til að láta taka af sér myndir, þar sem hann er sagður leggur gjörva hönd á plóg. 

Þetta trix er ekki nýlunda. Stjórnmálamenn hafa iðulega látið mynda sig við hliðina á sorpinu. Sbr. þekktur borgarstjóri í New York og þá var sagt,að þetta væri eina leiðin fyrir hann til að líta vel út á mynd.  Sennilega hefur Dagur frétta af þessu. 

Dagur reyndi fyrir sér við sorphirðu

Athugasemdir

[Hörður Þormar (IP-tala skráð) 3.8.2023 kl. 23:08]

Ég dáðist mikið að Degi Eggertssyni fyrir nokkrum árum þegar ég sá  hann í sjónvarpinu á dekkjaverkstæði við að skipta af nagladekkjum yfir á sumardekk, hugsaði að þetta starf myndi henta honum vel.    Þetta var reyndar áður en hann komst ekki í sjónvarpsviðtal um "braggamálið" fræga vegna gigtar.