Fólk innviðir og svonefndir hælisleitendur.

13.nóv. samþykkti Alþingi með ógnarhraða lög um vernd mikilvægra innviða á Reykjanesskaga. Engar skilgreiningar eru í lögunum hvað átt er við með innviðum eða almannahagsmunum, en svo virðist sem átt sé við að heimila skurðgröft ýmiskonar og byggingu varnargarða um veitumannvirki.

Margt er athyglisvert við þessa lagasetningu, en það þó helst, að í öllum asanum og látunum við að koma þessum lögum á koppinn, datt engum þingmanna í hug, að það væri líka mikilvægt að byggja vörn fyrir fólk ekki síður en innviði. 

Íbúar í Grindavík munu ekki geta búið heima hjá sér um ófyrirsjáanlega framtíð. Vonandi verður það stutt, en engin veit á þessari stundu hver framtíð byggðar í Grindavík verður. Meðan á því stendur er brýn nauðsyn að Alþingi setji lög og reglur sem tryggi sem best stöðu íbúa Grindavíkur og möguleika þeirra á að komast í mannsæmandi húsnæði og aðstöðu sem fyrst. 

Hér er mikill fjöldi ólöglegra innflytjenda, sem hafa fengið húsnæði, fæði, klæði, læknisaðstoð og meira að segja  farsíma á kostnað skattgreiðenda vegna fráleitrar löggjafar. Nánast undantekningarlaust er þetta fólk ekki raunverulegir flóttamenn.

Nú þurfum við á öllu okkar að halda til að tryggja mannsæmandi kjör íslenskra ríkisborgara í neyð. Þessvegna liggur beint við að setja lög, sem loka landinu algjörlega fyrir svonefndum hælisleitendum ótímabundið meðan við búum við það neyðarástand sem nú hefur skapast og flytja þá sem hér eru ólöglega af landi brott þegar í stað. 

Við erum í vanda og verðum því að taka til okkar ráða og hætta  að henda peningum skattgreiðenda í rugl eins og hælisleitendur þar sem meir en 99% eru á fölskum forsendum.

Það er nefnilega aldrei nóg til eins sumir hafa hafa haldið fram. Þannig hefur ríkisstjórnin stolið peningum úr hamfarasjóðum til að fjármagna dekur sitt við ólöglega innflytjendur og fleiri ónauðsynleg verkefni og reynt með því að fela framlög og kostnað.

Við verðum að beina öllum okkar krafti að því að fólkið í Grindavík njóti alls hins besta. Þau eiga það skilið. 

 

Athugasemdir

[Guðmundur Karl Þorleifsson, 19.11.2023 kl. 12:05]

Þakka þér fyrir stór góða grein, það er gott þegar þjóðernissinnar láta heyra í sér, þá er tími til komin að loka landamærunum fyrir hælisleitendum og flytja þá úr landi sem hér hafa komið ólöglega inn til Íslands.  En auðvitað koma meðvirkir og hagsmunatengdt landráðafólk á borð við Rauðakross Íslands til með að kvarta þegar að þeim verður þrengt, hafi ríkisstjórnin dug og eða hugrekki til að koma skikki á hlutina.  Það er löngu komin tími til að breyta bananalýðveldinu Íslandi í alvöru ríki þar sem eyðsla og ránsfingur alþingis fá ekki að leika lausum hala með fjármuni skattborgara.

[Guðjón E. Hreinberg, 19.11.2023 kl. 13:50]

Ég tók einmitt eftir - en gleymdi að setja í mína eigin gagnrýni á gjörninginn að það vantaði næar allar skilgreiningar. Sú fyrsta; hvar byrjar Reykjanesið?

[Jón Magnússon, 20.11.2023 kl. 08:50]

Þakka þér fyrir Guðmundur Karl. Við eigum mikið verk að vinna, en sem betur fer gera fleiri og fleiri sér grein fyrir hvaða helstefna hefur verið rekin hér undanfarin ár gegn þjóðinni og íslenskri þjóðmenningu. Þessvegna verðum við að láta til okkar taka eins og við getum til að tryggja framtíð íslenskrar þjóðar, menningu og þjóðtungu. 

[Jón Magnússon, 20.11.2023 kl. 08:50]

Einmitt góður punktun Guðjón.