Það varanlega í því tímabundna

Katrín Jakobsdóttir réði Rósu Björk Brynjólfsdóttur fyrrum þingmann VG,nú varaþingmann Samfylkingarinnar til pólitískra bitlingastarfa í 6 mánuði við leiðtogafund Evrópu. Nú 9 mánuðum síðar er Rósa enn að störfum þó leiðtogafundinum sé löngu lokið og sögð vinna við úrvinnslu á því sem ekkert var.

Katrín Jakobsdóttir ætlar greinilega að sinna þessum fyrrum flokksmanni sínum vel og ræður hana ítrekað til að sinna dekurverkefnum, sem heyra frekar undir utanríkisráðuneytið en forsætisráðuneytið 

Katrín Jakobsdóttir fer engar troðnar slóðir þegar kemur að vinnumiðlun Vinstri grænna. Nú hefur Katrínu enn einu sinni tekist að sýna fram á með ítrekuðum ráðningum Rósu Bjarkar til lauslega skilgreindra dekurverkefna, að hana skiptir engu máli verkaskipting milli ráðuneyta.

Stjórnsýsla Katrínar og vinaráðningar til forsætisráðuneytisins eða stjórnsýslu sem hún tengir við það er komin yfir öll mörk.

Í tilviki Rósu Bjarkar Brynjólfsdóttur sannast enn á ný hið fornkveðna að það er ekkert eins varanlegt eins og tímabundið starf í ráðuneyti. 

Ráðning Rósu Bjarkar framlengd

Athugasemdir

[Guðjón E. Hreinberg, 3.12.2023 kl. 13:08]

Góðkunningi á FB sýndi mér í fyrrasumar fáein dæmi um ráðningar hins opinbera, á valdatíma Ógnarstjórnarinnar, sem gerðar voru án auglýsinga ... og í öllum tímum fólk úr gervigrasrót (Astroturf) öfga-vinstrisins. Katrín á að hafa sagt einhversstaðar að hún sé að breyta menningu landsins, hvort hún sagði það veit ég ekki, en að hún er að því er óumdeilanlegt - allir flokkar "þingsins" gætu með réttu kallað sig flokksdeildir VG úr því sem komið er.

Bestu kveðjur.

[Guðjón E. Hreinberg, 3.12.2023 kl. 13:08]

... gleymdi að hæla fyrir notkun á "temporal vs. perennial" :)