Fyrirmyndarríkið sem hvarf

Fyrir nokkrum áratugum var Svþjóð í hópi ríkustu þjóða heims. 

Þegar mín kynslóð var að alast upp var vísað til Svíþjóðar sem fyrirmyndarríkisins, þar sem jöfnuður væri mikill, réttindi karla og kvenna þau sömu og talað var um sænska gæðframleiðslu og gæðavörur hvort heldur bílar, skyrtur og allt þar á milli.  

Glæpatíðni var lág og fátítt að konum væri nauðgað. Svo breyttist þetta. Svíþjóð hvarf úr hópi fyrirmyndarríkisins og það mátti ekki tala um orsökina, stefnu Svía í málum innflytjenda. Mikilli fjöldi innflytjenda frá múslimaríkjum breytti þessari paradís í það sem Svíþjóð er núna.

Í dag eru flestar nauðganir á konum í Evrópu í Svíþjóð. Framleiðsla dregst saman og um daginn var talað um að Svíar væru að dragast aftur úr efnahagslega. Gengjastríð geisa á götum í Gautaborg og Stokkhólmi og í hverfum þar sem mikið af múslimum búa er árviss viðburður að farið er með eldi um bílaflota hverfisbúa. Velferðarfarþegar múslimska samfélagsins taka síðan sinn toll.

Sum hverfi í Stokkhólmi og víðar eru þannig, að lögregla eða sjúkralið fer ekki inn í þau nema með aðstoð þungvopnaðs herliðs. 

Svona hefur stefna góða fólksis í Svíþjóð leikið landið. Svona vill góða fólkið á Íslandi líka leika Ísland með fréttastofu Ríkisútvarpsins í broddi fylkingar. 

En við skulum ekki láta það gerast. Við skulum tala um vandamálin og bregðast við þeim. Lokum landinu á þessa hlaupastráka og mótum löggjöfina í innflytjendamálum miðað við hagsmuni íslensku þjóðarinnar en ekki gerviflóttamanna.

Við ætlum okkur að standa vörð um íslenska tungu, íslensk gildi og menningararf það er skylda okkar við börnin okkar og framtíðina

 

Athugasemdir

[Grímur Kjartansson, 7.12.2023 kl. 15:00]

Maður hefur horft með hryllingi á ástandið breytast hratt í Svíþjóð og í sumar var í alvöru talað um að herinn mundi aðstoða lögreluna í stríðinu gegn glæpagengjunum

Því er síðasta fréttin um að USA sé komið með leyfi til að nýta vissar herstöðvar í Svíþjóð næstum spaugileg

Olaf Palme veltir sér eflaust við í gröfinni yfir þessu samkomulagi
Här är militärbaserna som USA får tillgång till | SVT Nyheter

[Sigurður I B Guðmundsson, 7.12.2023 kl. 18:33]

Er Ísland ekki á sömu leið??

[Guðjón E. Hreinberg, 7.12.2023 kl. 21:07]

Það er fleira sem er áhugavert í þessu samhengi, og það er reisn Svíja og saga síðan þeir voru eitt helsta stórveldi Evrópu, sem t.d. alla tuttugustu öldina stóðu sem klettur í hafi fyrstu og annarrar heimsstyrjaldar og síðan kalda stríðsins. Mörgum yfirsést að sænska elítan sem haldið hefur utan um órofa stefnu og menningarrækt í að minnsta kosti átta aldir, virðist hafa á tveim áratugum breyst í andhverfu sína og keppist þar hver um annan að rífa Svíþjóð í tætlur innanfrá.

Mjög áhugavert, og þá ekki síst að á sama tíma fundu þeir upp eitt hugvitsamasta stríðstól sem smíðað hefur verið síðan 1945!

[Jónatan Karlsson, 8.12.2023 kl. 06:22]

Sæll Jón.

Þessi pistill þinn sannar enn og aftur að íslenskir ráðamenn og kannski alveg sérstaklega allar konurnar, sem við höfum stutt til dáða, eru fífl sem hlusta ekki á rök og aðvaranir og ekki bara á þessu afmarkaða sviði sem þú tekur sem dæmi, heldur að því virðist allstaðar.

Það verður líka því miður að viðurkennast að þetta spillta og vanhæfa pakk er lýðræðislega kjörið til valda af engum öðrum en okkur sjálfum.