Siðferðilegur heigulsháttur

Kommúnistinn Guterres reyndi að knýja fram einhliða vopnahlé í þágu Hamas. Bandaríkin beittu neitunarvaldi. Bretar sýndu "siðferðilegan heigulshátt" eins og segir í ritstjórnargrein DT um þá afstöðu þeirra að sitja hjá í stað þess að standa með Bandaríkjamönnum. Að sjálfsögðu sýndu forsætisráðherrar Norðurlanda sama siðferðilega heigulsháttinn með afstöðu sinni. 

Í tillögunni var engin krafa gerð á hendur Hamas um að skila gíslum og láta þá Hamas liða sæta ábyrgð, sem tóku þátt í og bera ábyrgð á hryðjuverkaárásinni á Ísrael 7.október. 

Á sama tíma er ríkisstjórn Abu Dhabi að vinna að vopnahléi á grundvelli samninga, sem er mun vitrænni nálgun en upphlaup Guterres, sem Katrín Jakobsdóttir studdi. Ekki er vitað um afstöðu utanríkisráðherra, þar sem hann hefur kosið þögnina.

Það komst á vopnahlé fyrir tilstuðlan Abu Dhabi fyrir nokkru. Hamas rauf það vopnahlé, þegar þeir töldu sér henta. En nú þegar þrengist að þeim, þá rísa Gyðingahatarar, nytsamir sakleysingjar og þeir sem sýna siðferðilegan heigulshátt, upp og krefjast þess að það verði vopnahlé, án þess að árásaraðilarnir, Hamas sem hófu þessa vegferð þurfi að gera eitt eða neitt og megi halda áfram að stela neyðaraðstoð frá fólkinu á Gasa og halda þeim 140 gíslum, sem þeir eru búnir að misþyrma, pína og nauðga eins og ekkert hafi í skorist. 

Á hvaða vegferð eru stjórnmálamenn, sem taka afstöðu með hryðjuverkasamtökum, án þess að fordæma gerðir þeirra og án þess að benda á hvað þurfi að gerast verði vopnahléi komið á. 

Svo má spyrja á hvaða vegferð er fréttastofa RÚV sem birtir einhliða fréttir til stuðnings Hamas og hamast við að auglýsa fámenna mótmælafundi og göngur stuðningsfólks Hamas á Íslandi. Þessi fréttamennska er fyrirlitleg og allrar gagnrýni verð en því miður ekkert annað en við má búast af þessari fréttastofu sem virðist hafa það helsta markmið andstætt lögum um RÚV að brjóta niður íslenska þjóðmenningu og fylla landið af innflytjendum frá múslimaríkjum svo gáfulegt svo sem það nú er.

 

 

Athugasemdir

[Sigurður Kristján Hjaltested, 11.12.2023 kl. 16:35]

Tek undir allt sem þú segir hér Jón.

Takk fyrir að þora að birta sannleikann um

þessi hryðjuverkasamtök Hamas og vesalinganaa

sem þá styðja.

[Ásgrímur Hartmannsson, 11.12.2023 kl. 16:44]

Þetta dregur náttúrlega athyglina frá yfirstandandi þjóðarmorði Kínverja á sínu fólki.

Og það er alvöru þjóðarmorð.  Uygur liðinu fækkar frá ári til árs.

[Jón Magnússon, 11.12.2023 kl. 21:19]

Þakka þér fyrir Sigurður. 

[Jón Magnússon, 11.12.2023 kl. 21:21]

Takk fyrir Ásgrímur. Að sjálfsögðu er allt tal um þjóðarmorð Ísraela á Palestínumönnum á Gasa rugl. Stríðið við Hamas kostar óeðlilegar mannfórnir almennra borgara vegna þess að Hamas liðar hafa helstu bækistöðvar sínar í og við skóla og sjúkrahús. Það féllu margir í Mósúl og öðrum borgum, sem Isis hreiðraði um sig í af því að þeir gerðu eins og Hamas liðar. Notuðu mannlega skildi.