Óvitar

Nigel Farage, fjölmiðlamaður og fyrrum stjórnmálamaður sagði frá því að árið 1992 hefði danska ríkið heimilað komu 300 Palestínumanna til Danmerkur. Af þeim hefðu 62% verið glæpamenn og 34% af börnum þeirra hefðu líka orðið glæpamenn. Farage sagði í sjálfu sér ekki vera að agnúast út í þennan hóp en vekja athygli á því að það skipti máli hvaðan inflytjendur kæmu. 

Þjóðir heims hafa reynt eins og þær geta, að losna við að fá til sín innflytjendur frá Gasa. Egyptaland, sem á landamæri að Gasa hefur rammlokað þeim, þangað til núna til að reyna að koma hjálp til almennra borgara og gæta þess að Hamas liðar steli henni  ekki. Þeim dettur ekki í hug að heimila stórum hópum Gasabúa að setjast að í Egyptalandi og það dettur Saudi Arabíu, Jórdaníu, Sýrlandi, Líbanon, Flóaríkjunum og Tyrklandi ekki heldur þó þar sé um líka menningu og sömu trúarbrögð að ræða. 

En litla Ísland rekur vitlausustu stefnu í útlendingamálum sem til er á þessari hnattkringlu. 

Dómsmálaráðherra sagði í fréttum RÚV sunnudaginn 10.desember: 

"Allir frá Gasa, sem hafa sótt um alþjóðlega vernd hér á landi, hafa nær undantekningarlaust fengið hana í 99% tilvikum."

Þá sagði hún að unnið væri að því að flýta og setja í forgang afgreiðslu fjölskyldusameiningar Palestínumanna. 

Er það virkilega svo, að við á litla Íslandi viljum helst fá þennan hóp til okkar og teljum við að þjóðarhagur batni við það eða öryggi íslenskra borgara. Já og erum við sem þurfum á næsta ári að eyða 200 milljörðum í greiðslu vaxta af yfirdráttarlánum íslenska ríkisins svo aflögufær, að við séum best til þess fallin að bjarga heimsbyggðinni og kalla til okkar þann hóp, sem aðrar þjóðir forðast sem best þær geta,að taka við? 

 

Athugasemdir

[Hördur Thormar (IP-tala skráð) 11.12.2023 kl. 23:23]

Því má bæta við að enda þótt írönsku klerkarnir standi á bak við hryðjuverk Hamas þá hleypa þeir engum palestínskum flóttamönnum inn í Íran.