Íran er ekki á dagskrá bara Ísrael

Árum saman hefur klerkastjórnin í Íran unnið að því að gerð verði allsherjarárás á Ísrael úr mörgum áttum og eytt hundruðum milljarða í það verkefni.

Árásarhringurinn um Ísrael, sem klerkastjórnin hefur búið til er Hesbollah í Líbanon, Hamas á Gaza, Vígasveitir m.a. íranskar í Sýrlandi og vígasveitir á svokölluðum  Vesturbakka. Árás Hamas á Ísrael 7.okt.s.l. var skipulögð og fjármögnuð af Íran.

Vestrænir fjölmiðlar fjalla ekki um þessi mál og hvað mikið er lagt í sölurnar til að ná fram allsherjarútrýmingu á Gyðingum ekki bara Gyðingum í Ísrael heldur öllum Gyðingum. Klerkastjórnin í Íran og ofangreindir nótar þeirra eru mun róttækari en nasistarnir á miðri síðustu öld, en glæpur þeirra ætti að vera öllum víti til varnaðar. 

Á Vesturlöndum hefur engin mótmælt þessum hrikalega stríðs undirbúningi klerkana í Íran eða hvatt fólk til að sniðganga Íranskar vörur.

Árið 2022 leyfði 22 ára stúlka í Íran Masha Amin sér að ganga um án þess að hylja hár sitt. Hún var handtekin og drepin. Frelsi til að ráða klæðaburði sínum nær ekki til kvenna í Íran þrátt fyrir langa baráttu. Kvennasamtök um allan heim horfa framhjá því þegar þær hitta kvenkyns fulltrúa klerkana á ráðstefnum. 

Í kjölfar drápsins á Masha Amin urðu mikil mótmæli og klerkastjórnin drap fjölda fólks aðallega ungt fólk allt niður í 9 ára börn. Margir halda því fram, að fleiri hafi verið drepnir vegna mótmælanna í Íran en fallið hafa á Gasa. 

Á Vesturlöndum hafa mótmæli verð óveruleg vegna þessarar kúgunar, illmennsku og morða í Íran. Ekki eru gerðar kröfur um að fólk kaupi ekki vörur frá Íran og þessi hryðjuverkastjórn verði sniðgengin. Á sama tíma æða þúsundir vinstri sinnaðs fólks og nytsamra sakleysingja í mótmælum gegn Ísrael og er orðið að fimmtu herdeild Írana í  fyrirhuguðu útrýmingarstríði þeirra gagnvart Ísrael. Þetta fólk tekur undir hugmyndir Hamas, Hesbollah og Íran um að má Ísrael út af landakortinu. Þess er krafist að fólk hætti að kaupa vörur frá Ísrael og sniðgangi fyrirtæki eins og Rapid, sem ekkert hefur til saka unnið, út frá rasískum forsendum.

Þetta er krafa af sama meiði og nasistarnir á síðustu öld beittu gegn Gyðingum. Þeir sem þekkja þá sögu blöskrar það sem nú er að gerast meðal vinstri sósíalista í Evrópu. Þeir hafa tekið sér þjóðernissósíalistanna á síðustu öld til fyrirmyndar. Gegn slíkum útrýmingar rasisma verður að bregðast af hörku. 

Þeir sem hingað til hafa jafnan haft rasistaheiti á hraðbergi gagnvart fólki sem vill vernda þjóðleg gildi og takmarka aðgengi ólöglegra hælisleitenda til landsins er fólkið sem nú gerir sig sekt um að vera hinir raunverulegu rasistar. Til dæmis um það má benda á,að engin af þessu liði setur fram kröfu á hendur Hamas að þeir láti eftirlifandi gísla sem voru á sínum tíma meir en 200 lausa. Enginn.

Er það ekki sérkennilegt að kröfur þessa fólks skuli bara vera á annan veginn og beinast á rasískum forsendum að Gyðingum. 

 

 

 

Athugasemdir

[Guðmundur Örn Ragnarsson, 14.3.2024 kl. 13:23]

Jón Magnússon, ég held að þú vitir svarið við spurningu þinni í lok pistils þíns hér.

Gyðingar eru útvaldir af Guði til að færa þjóðunum hjálpræðið. Það eru orð Jesú sjálfs.(Jóh. 4:22). Þess vegna hatar Höfðingi þessa heims Gyðinga og ríki þeirra Ísrael.

Samkvæmt spám Ritningarinnar lifum við á síðustu tímum. Jesús segir um þessa tíma:

Þá munu menn framselja yður til pyndinga og taka af lífi, og allar þjóðir munu hata yður vegna nafns míns. Margir munu þá falla frá og framselja hver annan og hata. Fram munu koma margir falsspámenn og leiða marga í villu. Og vegna þess að lögleysi magnast, mun kærleikur flestra kólna. En sá sem staðfastur er allt til enda, mun hólpinn verða. Og þetta fagnaðarerindi um ríkið verður prédikað um alla heimsbyggðina öllum þjóðum til vitnisburðar. Og þá mun endirinn koma. (Matt. 24:9-14).

[Guðjón E. Hreinberg, 14.3.2024 kl. 17:04]

Eru nú samsæriskenningar hins opinbera orðnar veruleiki?

Bestu kveðjur.

[Tómas Ibsen Halldórsson, 14.3.2024 kl. 21:59]

Í Íran hefur verið að eiga sér stað mikil trúarvakning, fjöldi Írana eru að snúa sér til Jesú Krists sem frelsara og lausnara. Þetta fólk hefur þrátt fyrir miklar ofsóknir ráðamanna verið tilbúið að ganga í dauðann fyrir sína nýu trú, en ofsóknir yfirvalda hafa verið mjög svo grimmilegar þar sem fjöldi manns eru pyntaðir og drepnir.

Enn mætti benda þessu rasíska liði, en Gyðinga hatarar eru einhver mestu rasistar sem til eru, að það ætti að hætta að notast við síma sem það gengur með daglega og getur vart litið augum af og sjónvörp sem fyrirfinnast á flestum heimilum. Málið er að helstu tækniatriði í þessum tækjum eru tilkomin vegna uppfyndninga Gyðinga og eru þá tækniatriði þeirra ekki upptalin vegna þeirra tækja sem við notum dags daglega.

Ótrúleg er hræsni þessa fólks.