Váboðarnir og Kári

Váboðarnir Víðir Reynisson og fyrrum sóttvarnarlæknir, sem um árabil voru með vinsælasta sjónvarpsþátt landsins, þar sem þeir upplýstu almenning iðulega um tóma vitleysu, vegna Kóvíd faraldursins hafa nú lagst á árar með öðrum stuðningsmönnum Katrínar Jakobsdóttur um að reyna að koma henni á Bessastaði. 

Veirutríóið er fullskipað, þó landlæknir hafi ekki enn tekið sér stöðu með þeim Víði og Þórólfi, þar sem Kári Stefánsson forstjóri, hvers fyrirtæki högnuðust hvað mest á ákvörðunum veirutríósins og ríkisstjórnarinnar í Kóvídinu hefur tekið sér stöðu sem millirödd í tríóinu í stað landlæknis. 

Greinilegt að mikil vá er fyrir dyrum, þar sem hætta getur verið á að almenningur hafi aðra skoðun en hin nýja stétt, Nómen Klatúra eins og það hét í Sovét á sínum tíma. Þessvegna eru þeir raftar sem hafa boðað ógn og hamfarir, verði þeim ekki hlýtt í einu og öllu, á sjó dregnir til að tryggja að almenningur lúti vilja Nómen Klatúrunnar hinnar nýju stéttar sem öllu vill ráða. 

Í tilviki hins nýja veirutríós sem syngur nú boðskap sinn í hefðubundinni "falsettó" eru menn vanir að þeim sé hlýtt hvort heldur það eru ráðherrar sem og óbreytt alþýðufólk. Þessvegna er Katrín Jakobsdóttir æskilegur frambjóðandi, þar sem þeir hafa reynslu af því að hún hlýði þeim, hvað sem líður þjóðarhag. 

Nú skal fólk hlýða Víði og forðast það sem sérfræðingarnir Kári og Þórólfur bannfæra.  

Í lýðræðisríki er það nú samt enn þannig, að við kjörborðið í lýðræðislegum kosningum erum við öll jöfn. Lýðræðið fer ekki í manngreinarálit og Víðir, Þórólfur og Kári eru ekkert merkilegri kjósendur eða leiðbeinendur í lýðræðislegu atferli en aðrir. 

Lýðræðisleg skylda fólks er að treysta eigin dómgreind og kjósa þann til forseta, sem við teljum hæfastan. Við látum ekki erkiklerka ofurvalds hinnar "Nýju stéttar" segja okkur eða skipa okkur fyrir verkum við kjörborðið. 

Lýsa yfir stuðningi við Katrínu

Athugasemdir

[Jónatan Karlsson, 10.5.2024 kl. 11:15]

Sæll vertu Jón.

Ég er þér algjörlega sammála í staðhæfingum þínum öllum, en verð að viðurkenna að það kemur mér á óvart að þú hlaupist undan merkjum sanntrúaðra Sjálfstæðismanna, sem virðast þó mynda kjarnan í sveit harðsnúnustu stuðningsmanna Katrínar Jakobsdóttur.

Mér heyrist orðið á götunni og umhverfi mínu vera að Arnar Þór njóti margfalt meiri stuðnings en þær skoðanakannanir sem kynntar eru fyrir þjóðinni herma og þar að auki þá hef ég ekki heyrt að einn einasti allra þessara viðmælenda minna hafi verið spurður í einhverri þessara sömu skoðanakannana - bara tilviljun?

[Tómas Ibsen Halldórsson, 10.5.2024 kl. 12:45]

Heill og sæll Jón.

Hvað sem þessir kumpánar vilja kalla sig þá eru atkvæði þeirra ekki meiri virði en þess sem lifir á götunni og hefur ekki hús í að venda. Við minnumst þess að þessir kumpánar voru einmitt þeir sem lugu að þjóðinni og fólk lét teyma sig í Laugardalshöll til að láta sprauta vitleysu í hönd sér. Við minnumst þess einnig að Katrín tók fullan þátt í lyginni með þeim og á alls ekki þess kost að setjast að á Bessastöðum.

[Sigurjón Þórðarson, 10.5.2024 kl. 18:55]

Það er áhugavert að sjá hvernig Katrín er orðin sameiningartákn gamla fjórflokksins og embættismannaaðalsins eins og þú bendir á.  Í stuðningsliðinu er forysta Framsóknar, Össur karlinn og  Steingrímur J. fylgir henni eins og skugginn.  Davíð Oddsson er greinilega í klappliði Katrínar sem er beinlínis hálfklikkað. Nú vantar aðeins Agnesi biskup og verktakann Boga Ágústsson til þess að allir séu mættir á vaktina.

[Jón Magnússon, 11.5.2024 kl. 08:23]

Jónatan ég veit ekki til þess að gefin hafi verið út flokksleg tilskipun til Sjálfstæðisfólks um að kjósa Katrínu. Við sem gerum það ekki erum því ekki að hlaupast undan neinum merkjum. Það er svo annað mál, sem mér kemur verulega á óvart, hvað margt Sjálfstæðisfólk ætlar að kjósa algjörlega til vinstri með því að kjósa Katrínu í stað þess að kjósa hægra fólk eins og þú bendir réttilega á. 

[Jón Magnússon, 11.5.2024 kl. 08:25]

Það er rétt Tómas. Hvorki Katrín né aðrir ráðamenn á Íslandi spurðu veirutríóið og Kára nauðsynlegra spurninga og taka síðan upplýsta ákvörðun. Í stað þess var það sem þau sögðu hið eina rétta og Katrín og aðrir ráðamenn beygðu sig í duftið fyrir þessum nýja aðli. Kostnaður ríkissjóðs vegna þessa er talinn nema rúmum 200 milljörðum. 

[Jón Magnússon, 11.5.2024 kl. 08:26]

Bíddu bara Sigurjón Agnes og Bogi verða dregin fram þegar að því kemur ásamt fleirum úr þessari nýju stétt eða Nomen Klatúru eins og menn kölluðu það í gamla Sovét.