Mótmæli mótmælanna vegna

Hvað sérkennilegustu mótmæli Íslandssögunnar voru þegar ungar stúlkur skunduðu berbrjósta niður á Austurvöll undir enska kjörorðinu "Free the nipple" eða frelsum geirvörtuna. Alþingi Íslendinga hafði ekkert með geirvörtuna að gera og réði engu um frelsi eða frelsissviptingu hennar. 

Aðgerðarhópur dyggilega studdur af Íslömskum hælisleitendum mótmælir á Austurvelli og krefst þess af Alþingi að vopnahlé verði á Gasa og Ísraelsríki eytt. 

Í gærkvöldi mættu atvinnumótmælendurnir til starfa við Alþingi undir stjórn þingmanna galnasta stjórnmálaflokks Íslandssögunnar. Á þeim tíma höfðu allir aðilar samþykkt vopnahléstillögur öryggisráðs Sameinuðu þjóðanna nema Hamas samtökin. Kröfum mótmælendanna hefði því réttilega átt að beina að þeim en ekki Alþingi sem kemur málið alls ekki við, þó þingmenn Pírata séu svo skyni skroppnir að þeir telji svo vera.

Þeir nytsömu sakleysingjar sem mæta til að mótmæla á Austurvelli þessa daganna á forsendum hryðjuverkasamtaka virðast ekki átta sig á þeirri staðreynd, að sá sem hefur staðið hvað harðast gegn vopnahléi og varanlegum friði er maðurinn sem skipulagði hryðjuverkaárásina á Ísrael 7. október s.l.Yahya Sinwar, sem auk annars kyrkti eitt sinn liðsmann sinn, sem honum líkaði ekki við. Vilji mótmælendurnir á Austurvelli beina mótmælum til þeirra sem bera ábyrgð á því að vopnahlé er ekki gert þá eiga þeir að beina því að Hamas samtökunum og Yahya Sinwar en láta Alþingi í friði.

Það er brjóstumkennanleg fáviska mótmælendanna sem veldur mótmælum við Alþingishúsið og aðsókn að íslenskum ráðherrum. En hvað skyldi nú valda því að atvinnumótmælendurnir með  Hamas fánana skuli ekki beina mótmælum að þeim, sem reyna að koma í veg fyrir vopnahlé og varanlegan friði? Eða samsama mótmælendurnir sig algjörlega með Hamas og vilja vopnahlé á forsendum manndráparans Yahya Sinwar leiðtoga Hamas á Gasa.

 

Lögreglan beitti piparúða á mótmælendur

Athugasemdir

[Óskar Helgi Helgason (IP-tala skráð) 13.6.2024 kl. 16:46]

Sæll Jón; sem oftar og áður !

Þjer að segja; má kalla Ungverja (og nokkra fleirri)

aðdáunarverða fyrir það, að neita að hleypa Múhameðskum

óhindrað inn í sitt land - nokkuð:: sem íslenzk stjórnvöld

hefðu getað tekið sjer til fyrirmyndar, hefðu þau haft rænu

til - Flokkur fólksins og hinn sofandalegi Miðflokkur hafa

verið þeir einu, sem hafa viljað spyrna við fæti, hjer á

landi.

Sýnir; dauðyflishátt þorra alþingis manna / í þessu, sem

og flestu öðru.

= merkið; er algjört, á milli þeirra Yahya Sinwar´s og

Benjamíns Nethanyahú´s hvað ömurleikann í Austurlöndum

nær snertir, aftur á móti.

En; . . . . svo aðeins sje slegið á ljettari strengi -

jeg sármóðgaðizt fyrir hönd allra Brjóst- nippla heims

(það er að segja fittings nipplanna), að þeir skyldu

ekki vera bornir út á stræti og torg, þegar kvenfólkið

opinberaði sína efri parta, hjer um árið:: jafnt hjer á

landi sem og erlendis.

Þar; fengu mínir fyrrum fjelagar í Húsasmiðjunni mínus í kalddann, ekkert síður en : Barki - Landvélar - Bygginga vöruverzlun Kópavogs (BYKO), auk ýmissa annarra fyrir að

sýna ekki Brjóst- nippla:: Vatns - Lofts - Glussa og Olíu kerfa meiri virðingu, eins og efni stóðu til, þá allmargt

kvenna opinberuðu sína dirfzku, svo eftirminnilega.

Svo; aðeins fáeinir sjeu sýndir hjer:: lesendum þínum til

frekari fróðleiks og glöggvunar.

Með beztu kveðjum; sem endranær, af Suðurlandi /