Nú reynir á dómsmálaráðherra

Ríkissaksóknari hefur óskað eftir því við dómsmálaráðherra að vararíkissaksóknari Helgi Magnús Gunnarsson verði leystur tímabundið frá starfi vegna kæru Semu Erlu Serdarroglu og Solaris félaga á hendur honum vegna réttmætra ummæla sem Helgi Magnús lét falla um ólöglega innflytjendur. 

Áður hafði Helgi Magnús fengið áminningu frá ríkissaksóknara fyrir að segja satt nokkru fyrr um innflytjendamál. 

Ríkissaksóknari gat ekki séð til þess eða réttarvörslukerfið, veitti Helga Magnúsi nauðsynlega vernd fyrir glæpamanninum Múhammeð Thorlacius Jóhannesson, áður Kourani, en glæpamaðurinn fékk að breyta nafni sínu til að gera gys að ruglliðinu í framvarðasveit stjórnarráðsins með þessum hætti.

Samtökin Solaris og Sema Erla telja sig geta farið sínu fram enda hefur þeim verið sýnd ótrúleg linkind af yfirvöldum m.a. Ríkissaksóknara.

Á sínum tíma stóð Sema Erla og fylgisveinn hennar fyrir því að birta lista með nöfnum manna þ.á.m. mínu nafni, Davíðs Oddssonar, Páls Vilhjálmssonar o.fl. þar sem mönnum var raðað í röð helstu svonefndra nýrasista á Íslandi.  Eins og þar væri aftökulisti. Ekki hreyfðu yfirvöld sig vegna þessa. Engin sem var á lista Semu Erlu hafði eitt eða neitt til saka unnið annað en að segja sannleikann um innflytjendamálin.

Það yrði óásættanlegt að dómsmálaráðherra Sjálfstæðisflokksins hvikaði nú og yrði við kröfu Ríkissaksóknara og sendi þau skilaboð út í samfélagið að það megi ekki segja satt um innflytjendamálin og æðsti stjórnandi eða "master og ceremonies" eins og Engilsaxar mundu kalla það væru hér með skipuð Sema Erla Serdaroglu.

Hvað þá að fallist verði á það að ef einhver setur fram kæru á hendur opinberum embættismanni þá skuli honum samstundis vikið frá störfu. Hvað er þá orðið um réttarríkið sem dómsmálaráðherra á að gæta ef fallist yrði á kröfur Solaris.

Helgi verði leystur frá störfum tímabundið

Athugasemdir

[Geir Ágústsson, 29.7.2024 kl. 22:06]

Helgi Magnús er nagli. Hann veit vel af veikum hnjám ríkissaksóknara en velur samt að halda áfram að benda á mikilvæga hluti.

[Guðmundur Ásgeirsson, 29.7.2024 kl. 22:19]

Hafa "SOLARIS-hjálparsamtök fyrir hælisleitendur" sem starfa að eigin sögn til almannaheila við fólksflutninga yfir landamæri, uppfyllt skráningarskyldu sína sem slík?

119/2019: Lög um skráningarskyldu félaga til almannaheilla með starfsemi yfir landamæri

1. gr. Gildissvið.
Lög þessi gilda um félög til almannaheilla sem stofnað er til eða starfrækt eru í þeim tilgangi að safna eða útdeila fjármunum í almannaþágu og eru með starfsemi yfir landamæri.
Skylt er að skrá félag skv. 1. mgr. í almannaheillafélagaskrá sem ríkisskattstjóri starfrækir.

SOLARIS-hjálparsamtök f. hælisl (6002170380)

Rekstrarform: Félagasamtök

Og hvar er ársreikningurinn birtur skv. 10 gr. laganna?

[EINAR S HÁLFDÁNARSON (IP-tala skráð) 29.7.2024 kl. 23:04]

"Rétt er að veita embættismanni lausn um stundarsakir ef hann hefur sýnt í starfi sínu, óstundvísi eða aðra vanrækslu, óhlýðni við löglegt boð eða bann yfirmanns síns, vankunnáttu eða óvandvirkni í starfi, hefur ekki náð fullnægjandi árangri í starfi, sbr. meðal annars 38. gr., hefur verið ölvaður að starfi eða framkoma hans eða athafnir í því eða utan þess þykja að öðru leyti ósæmilegar, óhæfilegar eða ósamrýmanlegar því embætti sem hann gegnir." – Það eina sem hér kemur til greina er ósæmileg framkoma. Er það ósæmilegt að benda á meint, refsiverð brot Solaris sem flestir hljóta að telja augljós? Hann hefur auðvitað gert sig vanhæfan í væntanlegum sakamálum sem samtökin varða. En að það sé ósæmilegt er fjarstæða.

[Ólafur Ágúst Hraundal, 30.7.2024 kl. 09:46]

Það er vont að vera vitni af ofbeldi góða fólksins. Við sem samfélag verðum að rísa upp frá ótta við álithnekináungans. Það er ókei að vera ekki meðvirkur aumingi stefnunni. 

[Jón Magnússon, 30.7.2024 kl. 15:36]

Einmitt Ólafur það skiptir miklu máli ðað fólk þori að segja skoðanir sínar en lyppist ekki niður fyrir ofbeldi "góða fólksins."

[Ómar Geirsson, 30.7.2024 kl. 17:35]

Blessaður Jón.

Takk fyrir snögg viðbrögð og góðan pistil.

Svo vil ég einfaldlega minna á orð Einars Hálfdánarsonar hér að ofan, menn geta tekið debat við skoðanir hans, en en enginn rífst um að Einar er hæfur lögfræðingur.

Einar segir allt sem segja þarf um lögfræði ríkissaksóknara, tek undir orð hans að það sé fjarstæða að það sé ósæmilegt hjá vararíkissaksóknara að benda á meint, refsiverð brot Solaris.

Mættu fleiri eldri lögfræðingar stíga fram.

Kveðja að austan.