Á hverju byggir Ríkissaksóknari?

Í gær var greint frá því að Ríkissaksóknari hefði mælst til þess við dómsmálaráðherra, að Vararíkissaksóknara Helga Magnúsi Gunnarssyni yrði leyst­ur frá störf­um tíma­bundið vegna kæru frá samtökunum Solaris á vegum Semu Erlu Serdoruglu.

Skv.því er ótvírætt að tilmæli Ríkissaksóknara eru sett fram til ráðherra vegna kærunnar en einskis annars. 

Í fréttum í dag vísar Ríkissaksóknari til annarra hluta m.a. að Helgi Magnús Gunnarsson hefði ekki bætt ráð sitt í kjölfar áminningarbréfs, sem hún sendi honum fyrir tveimur árum. En það mál er allt annað og kemur ákvörðunarástæðu Ríkissaksóknara ekki við þar sem fyrr hefur komið fram að tilmælin eru byggð á kæru Solaris. 

Áminning Ríkissaksóknara er síðan atriði sem er verð skoðunar. Hafði Ríkissaksóknari eitthvað með það að gera að veita Helga Magnúsi áminningu?  Helgi Magnús er skipaður af dómsmálaráðherra en ekki Sigríði Friðjónsdóttur Ríkissaksóknara. Var það þá ekki dómsmálaráðherra að veita honum áminningu ef ráðherra taldi tilefni til en ekki Sigríðar?

Í því sambandi verður að skoða hvort að áminnig Sigríður hefur nokkuð gildi í sjálfu sér varðandi embættismann, sem hún skipar ekki og veitir ekki lausn. Sigríður Ríkissaksóknari hefði þurft að vísa því máli til Dómsmálaráðherra eða veitingavaldsins til að fara fram á að umræddur starfsmaður yrði áminntur og í því sambandi ber að hafa í huga að það er Dómsmálaráðherra en ekki Ríkissaksóknari sem veitir Vararíkissasksóknara lausn frá embætti. 

Af þessu leiðir, að áminning Ríkissaksóknara fyrir 2 árum, hefur enga þýðingu varðandi það mál sem nú ræðir um.

Eftir stendur að eina gilda ástæðan sem Ríkissaksóknari teflir fram er sú, að látið skuli undan öfgaöflunum í Solaris,en stjórnarmenn þeirra samtaka eru undir kæru fyrir ólögmætt athæfi. 

Það er óhæfa að láta undan vinstri öfgaöflunum, sem vilja galopna landið fyrir hlaupastrákum og öðrum sem vilja lifa á góðmennsku íslenskra skattgreiðenda. Það er eðlilegt að sumum ofbjóði og segi sannleikann í því sambandi eins og vararíkissaksóknari gerði.

Það verður að spyrna við fótum og því verður ekki trúað að dómsmálaráðherra Sjálfstæðisflokksins láti undan öfgaöflunum með sama hætti og Ríkissaksóknari gerði. Það væru þá heldur betur stórpólitísk skilaboð. 

Segir Helga Magnús ekki hafa bætt ráð sitt

Athugasemdir

[Einar Sveinn Hálfdánarson, 30.7.2024 kl. 16:26]

Þetta er auðvitað laukrétt hjá þér. Ríkissaksóknari hefur þá tekið sér vald sem hún ekki hefur. Það er grafalvarlegt mál. Hvernig hefur þetta farið fram hjá dómsmálaráðuneytinu? Reyndar ætti það ekki að koma á óvart miðað við aðra stjórnsýsluframkvæmd á þeim bæ. Við hvern eiga neðangreind orð?

"Rétt er að veita embættismanni lausn um stundarsakir ef hann hefur sýnt í starfi sínu óstundvísi eða aðra vanrækslu, óhlýðni við löglegt boð eða bann yfirmanns síns, vankunnáttu eða óvandvirkni í starfi" -

[Júlíus Valsson, 30.7.2024 kl. 18:00]

Stöndum með Helga!

[Sigurjón Þórðarson, 30.7.2024 kl. 20:58]

Einmitt auðvitað átti ráðherra að afgreiða þetta mál samdægurs og að minnsta kosti fyrir næstu helgi og veita Helga Gunnari fullan stuðning.

[Helga Kristjánsdóttir, 30.7.2024 kl. 21:31]

Já sú! Er hún enn að? 

[Jón Magnússon, 31.7.2024 kl. 11:44]

Einar ég er sammála þér að þetta er grafalvarlegt mál og alvarlegt hvernig Ríkissaksóknari tekur á málinu. Í fyrsta lagi hefði verið eðlilegt að tala við vararíkissaksóknara áður en gripið var til aðgerða en gera þetta ekki eins og þjófur að nóttu. Í annan stað hefði verið rétt að ræða við ráðherrann áður. Í þriðja lagi þá þurfti að vera samkvæmni í því sem ríkissaksóknari ber fyrir sig. Annað hvort er hún að bregðast við kæru Solaris eða bera fyrir sig ákveðin ummæli Helga. Allt hið versta mál hjá Ríkissaksóknara. 

[Jón Magnússon, 31.7.2024 kl. 11:45]

Þó það nú væri Júlíus. Helgi á það fullkomlega skilið. 

[Jón Magnússon, 31.7.2024 kl. 11:45]

Sammála Sigurjón. En svo getur verið gott að bíða eftir Verslunarmannahelginni þegar allir eru komnir í frí. 

[Grímur Kjartansson, 31.7.2024 kl. 22:22]

Árið 2001 vann Sigríður dómsmál og viðkomandi fékk sekt

""Við ákvörðun refsingar var litið til þess að ákærði viðhafði ummæli sín sem forsvarsmaður ......... Á hinn bóginn yrði að taka tillit til þess að ummælin sjálf væru ekki gróf eða mjög alvarleg"

 

það er von að hún telji sig sigurvissa í dómssalnum