Barátta við styttur og málverk.

Í gær ákvað sósíalistinn Keir Starmer forsætisráðherra Bretlands að taka niður málverk af forvera sínum skörungnum Margréti Thatcher. Sósíalistum og öðrum sem vilja falsa söguna eða þola illa að horfast í augu við staðreyndir er gjarnt að ráðast gegn minnismerkjum og látnu fólki. 

Brjóstmynd af skörungnum Winston Churchill nánasta bandamanni Bandaríkjanna í síðari heimstyrjöld var komið fyrir á skrifstofu forseta Bandaríkjanna, en Obama gat ekki horfst í augu við styttuna og lét fjarlægja hana. Sama gerði Biden líka þegar hann tók við embætti.

Menn lítilla sanda lítilla sæva eiga iðulega erfitt með að horfast í augu við stórmenni jafnvel þó jarðvist þeirra sé löngu lokið og þau grópuð í málverk eða styttur. 

Við Íslendingar höfum ekki farið eins mikinn og engilsaxar í að fjarlægja styttur vegna pólitísks rétttrúnaðar, en þó varð almættinu í Reykjavík verulega á í messunni þegar samþykkt var samhljóða í Borgarstjórn Reykjavíkur að fjarlægja styttu af merkasta æskulýðsleiðtoga Íslands, sr. Friðrik Friðrikssyni vegna bæjarslúðurs.

Styttan af sr. Friðrik Friðrikssyni, sem var bæjarprýði við Lækjargötuna var reist að áeggjan allra helstu borgara þessa lands og með frjálsum samskotum þeirra. Þeir fengu listamann til að gera styttuna og Reykjavíkurborg sóttist eftir að setja hana upp við Lækjargötuna. 

Borgarráð samþykkti að taka styttuna niður og hvað svo? Reykjavíkurborg á ekki styttuna, en hefur neitað að afhenda hana. Af hverju? Eiginkona listamannsins hefur farið fram á að fá styttuna á grundvelli höfundar og sæmdarréttar listamannsins. Reykjavíkurborg neitar og ætlar sér að geyma hana í einhverjum kjallara bak við luktar dyr þar sem engin fær að sjá hana.

Gertæki Reykjavíkurborgar er verra en aumingjaskapur og fordómar Keir Starmer, Obama og Biden. Reykjavíkurborg vill ekki lengur hafa syttuna til sýnis en neitar síðan þeim sem eiga tilkall til hennar og vilja að hún fái veglegan sess um að fá hana. Hvers konar vinnubrögð eru þetta eiginlega?

Svona bolabrögð og tuddahátt er ekki hægt að líða.

Vonandi sér hinn nýji borgarstjóri ljósið hvað það varðar. 

 

Athugasemdir

[Óskar Helgi Helgason (IP-tala skráð) 30.8.2024 kl. 12:52]

Sæll Jón; æfinlega !

Fagnaðarefni eitt; að kratinn Keir Starmeer skyldi hafa döngun í sjer, að láta fjarlægja málverkið, af þessarri andstyggilegu kerlingu, sem Margrét Thatcher reyndist Brezkum almenningi, á sinni tíð.

Frjálshyggju andstyggð; sjerhagsmuna yfirstjettarinnar voru ær og kýr þessarrar leiðinda kerlingar, Jón minn.

Ekki skyldum við svo gleyma; fjandsamlegum yfirgangi Breta gagnvart Argentínumönnum í Falklandseyja stríðinu 1982 aukin heldur Jón, þar sýndi Thatcher sitt illa innræti, ekkert síður en gagnvart hagsmunum samlanda sinna:: heimafyrir.

Bezta mál; að Keir Starmer hafi sýnt þann manndóm, að hafa látið fjarlægja málverkið, af þessarri andstyggðar kerlingu.

Kannski; eina afrek kratans Starmer´s, á hans stjórnarferli, gott samt að hann hafi látið verða af því.

 

Leopoldo Galtieri Hershöfðingi:

Argentínuforseti 1981 - 1982

Með beztu kveðjum; sem jafnan, af Suðurlandi /

[Sigurður Kristján Hjaltested, 31.8.2024 kl. 10:13]

Efitt fyrir nýjan borgarstjóra að sjá ljósið

í myrkrinu frá Degi.

[Jón Magnússon, 1.9.2024 kl. 09:39]

Jæja Ólafur Helgi. Það er greinilegt að við erum á sitt hvorri blaðsíðunni varðandi skoðun á Thatcher. Óska þér til hamingju að vera búinn að fá skoðanabróður þinn í forsætisráðueneytið.  En heldur fannst mér nöturlegt fyrir utan allt sem þú rangfærðir um Thatcher að sjá þig birta myndir af einræðisherranum og fjöldamorðingjanum Galtieri, sem þú vilt greinilega að hefði fengið að hernema Falklansdeyjar. 

[Óskar Helgi Helgason (IP-tala skráð) 1.9.2024 kl. 11:47]

Sælir; á ný !

Jón. (Óskar Helgi - ekki Ólafur Helgi, reyndar)

Þjer að segja; var Thatcher enginn velunnari almanna hagsmuna á sinni tíð, og á því sneið mína fyllilega skilda.

Keir Starmer; kratinn Brezki mun seint teljazt til skoðanabræðra minna þó svo hann hafi látið taka niður myndina af kerlingunni, Jón minn.

Vona, að þú sjert ekki í öngum þínum yfir þeim ágæta gjörningi.

Galtieri; var einfaldlega Argentínuforseti á tíma Falklandseyja stríðsins - og fannst mjer ekkert af því að setja upp mynd af honum:: hjer hjá þjer, í tilefni tilvitnana minna, þó stjórnarhættir hans hefðu mátt vera mildari, gagnvart hans samlöndum.

Hvað; væri að því, að Bretar fengju reisupassann frá Falklandseyjum - og þær færu undir Buenos Aires stjórnina ?

Við erum; mjög líklega sammála um yfirgang Rússa víðs vegar / nær þeirra landamærum, sem fjær, en,. . . . af hverju ættu Bretar að fá að viðhalda Heimsvalda stefnu sinni óáreittir, umfram Rússa, t.d. ?

Með ekkert síðri kveðjum; þeim hinum fyrri /