Jón Magnússon

10.9.2024 | 09:19

Vondur stjórnmálamaður

Angela Merkel fyrrum kanslari Þýskalands hafði eitt mamarkmið í pólitík, að hanga á völdunum sem lengst. Að öðru leyti skorti hana framtíðarsýn. Helstu stjórnmálamenn Evrópu hafa hver um sig sömu sjálfhverfu (narcicísku) framtíðarsýnina.

Til dyggðaflöggunar ber að skreyta sig með woke hugmyndum ímyndarstjórnmálanna varðandi kyn og loftslag og taka vel á móti ólöglegum innflytjendum, en láta atvinnulíf og hag eigin borgara eiga sig nema upp komi vandamál sem ekki verður komist hjá að taka á.

Þannig gengur þetta í friðsælum heimi velsældar meðan ekkert bjátar á og engin ruggar bátnum. Þessi stjórnmálastefna hefur verið reynd fyrr í Evrópu m.a.af Lúðvík 15 Frakkakonungi.

Þar sem blöð og fréttastofur eru hættar að gera annað en að dansa með í gleðileik ímyndarstjórnmálanna, þá veita þau ekki það aðhald, sem ætlast er til og þau gerðu á árum áður.

Íslenskir stjórnmálamenn feta sama stíg og Angela Merkel gerði. Aumkunarverðasta og hlægilegasta dæmið er það sem Morgunblaðið hefur rifjað upp með sýningarnar og lúðrablásturinn um árabil vegna íþróttavalla og halla, sem eru eins og nýju fötin keisarans voru á sínum tíma í ævintýrinu.

Ekki hefur örlað á því í sýndarveruleika íslenskra stjórnmála að vilji sé til að taka á þeim alvarlegum teiknum sem eru á lofti vegna óhófseyðslu ríkisins á tímum náttúruhamfara og loðnubrests.

Í dag kemur Alþingi saman og fróðlegt verður að sjá hvort að fjárlagafrumvarpið tekur mið af þeim veruleika sem blasir við þjóðinni og reynt verði að sýna ráðdeild og sparsemi. Hægt er að telja upp á að svo verði ekki. Stjórnmálastétt sýndarverulekans hentar það ekki.

Ríkisstjórnin lætur engan bilbug á sér finna, þó innan hennar sé ekki samstaða um neitt sem máli skiptir og þar sitji hver á sviráðum við annan, en hugmyndafræði Merkel og Lúðvíks 15 stendur þar fyrir sínu.

Lúðvík 15 sagði hrunið kemur eftir minn dag og hafði engar áhyggjur. Það hafði Angela Merkel ekki heldur. Franska stjórnarbyltingin kom í kjölfar stjórnleysis Lúðvíks 15 og vaxandi vandamál eru í Þýskalandi vegna stjórnleysisins.

Ríkisstjórn Íslands telur samt hvað sem öðru líður rétt að feta sama veg í hugmyndafræðilegu tómarúmi að undanskildu því að hanga sem lengst á völdunum.

Flokkur: Stjórnmál og samfélag | Facebook

Athugasemdir

Ég verð nú að reyna að verja Angelu Merkel. Hún var einn helsti leiðtogi Evrópu í meira en áratug, það bendir ekki til að hún hafi verið vondur stjórnmálamaður. Hún var heiðarleg og lét ekki stjórnast af hroka eða valdagræðgi, en auðvitað má gagnrýna stjórnarstefnu hennar eftir á.

Angela Merkel horfði í austurátt, hún átti ættir að rekja til Póllands og var alin upp í DDR. Hún lagði áherslu á að sættast við Rússa og auka samskipti við þá, það má segja að þar hafi hún gengið of langt. Það má gagnrýna hana fyrir undanlátsemi við Pútín sem sýndi henni fyrirlitningu og dónaskap, sbr. uppistandið með hundinn.

Mesta gagnrýni mun Merkel þó hafa fengið fyrir stefnu sína í innflytjendamálum og orð sín "wir schaffen das" (við reddum því), þegar flóttamenn streymdu til Þýskalands haustið 2015. Þá held ég að hún hafi frekar látið hjartað ráða heldur en skynsemina.

Því miður reyndist hún ekki hafa rétt fyrir sér, hvorki Þjóðverjum né öðrum Evrópuríkjum hefur tekist ná stjórn á innflytjendamálum.

Hördur Thormar (IP-tala skráð) 10.9.2024 kl. 15:11

Því miður sjást merki um að margir í stjórnmálum séu undanfarin misseri að nota sömu aðferðafræði og fyrir 2020, að bíða átekta meðan slagsíðan réttir sig af og nota þá nýtt sóknarfæri.

Því miður, þá er aðferðafræðin 2019 og eldri, ekki lengur nothæf, og með þessum orðum er átt við, að við erum öll ráðlaus á þessum óvænt vonlitlu tímum, hinnar miklu Upplýsingar, Endurreisnar og Siðbótar sem hortuglega taldi sig ráða við allan alheiminn.

Ritningar allra trúarbragða, benda á hvað við mannfólk getum gert í þeirr stöðu sem komin er upp í heiminum, en það er eitt af táknum slíkrar stöðu, að það er hvergi rætt.

Bestu kveðjur.

Guðjón E. Hreinberg, 10.9.2024 kl. 20:01