Áróður mál og málnotkun

Í grein sem hernaðarsérfræðingurinn Richard Kemp dálkahöfundur Daily Telegraph(DT) skrifar, kemur fram, að Varnarsveitir Ísrael hafa náð að eyðileggja að mestu leyti hernaðarvæng Hamas og hafi fellt 20.000 Hamasliða í sókn sinni á Gaza.

Ófriðurinn hefur staðið í tæpt ár, sem sýnir hvað vel Hamas var undirbúið þegar þeir frömdu svívirðileg hryðjuverk í Ísrael, þar sem börn voru steikt lifandi, konum nauðgað og síðan drepnar og lík þeirra svívirt auk margs annars. 

Í fréttamiðlum eins og RÚV hefur aldrei verið fjallað um hve vel Hamas liðar voru undirbúnir, sem er ástæða þess hve hægt sókn Ísrael hefur gengið eða gang styrjaldarinnar sem slíkrar. Ekki er sagt hve margir hermenn Ísrael hafa fallið.

Stöðugt er klifað á einhliða upplýsingum frá Hamas um fjölda látinna. Miðað við tölur Hamas af föllnum á Gasa þá er um helmingur Hamas liðar. Mannfall óbreyttra borgara sem hlutfall af föllnum er því mun minna en í sambærilegum styrjöldum í Írak og Sýrlandi þar sem þurfti að sækja inn í borgir sem hermdarverkasamtökin ÍSIS réðu t.d. Aleppo og Raqqa. 

Allt tal um þjóðarmorð er fjarstæða en staðreyndin sú að stöðugt er haldið að okkur áróðursfréttum og falsfréttum. 

Orðaval RÚV vekur sérstaka athygli. Málvenja er að tala um að fólk falli í styrjöldum. RÚV hefur breytt þessu  og segir að svo og svo margir hafi verið myrtir eða drepnir. Sýnir betur en margt annað einbeittan brotavilja RÚV gegn því að bera sannleikanum vitni.

Í sjálfu sér er ekki við öðru að búast en að nokkur hópir þykkist við þegar svo einhliða áróðurskenndur fréttaflutningur er hafður uppi og samsami sig  með hryðjuverkamönnunum eins og því miður allt of margir hafa glæpst til að gera á Vesturlöndum. 

Janvel grandvart fólk hugsar því ekki um hvað vígorðið sem það kyrjar  "from the river to the sea" þýðir í raun. En það er herhvöt til að drepa alla gyðinga þ.e. þjóðarmorð. Í hvaða skyni? Til að koma á nýju Talibana ríki á Gasa, þar sem konur fá ekki að mennta sig eða vinna og samkynhneigðum er hent fram af húsþökum. 

Hvað þá að fólkið hugsi út í það eða fréttamiðlar eins og RÚV bendi á að yfirlýst stefna og markmið Hamas er að drepa alla Gyðinga þ.e. fremja þjóðarmorð á Gyðingum, sem mun stórfelldari aðgerð í glæp gegn mannkyninu en nasistar framkvæmdu nokkru sinni eða höfðu á stefnuskrá sinni svo slæmir svo sem þeir nú voru. 

 

 

Athugasemdir

[Guðmundur Örn Ragnarsson, 20.9.2024 kl. 15:32]

Ekki er annað hægt en að vera sammála þér, Jón Magnússon, því 7. október s.l. hófu Hamas og fylgifiskar þeirra atlögu að Ísraelsmönnum í því skini að fremja á þeim þjóðarmorð og útrýma þeim.

Það skýtur því skökku við að Steinunn Þóra Árnadóttir, þingmaður Vinstri hreyfingarinnar græns framboðs, leggur til að við Íslendingar hættum að versla við Ísrael þar sem þeir vogi sér að verjast innrásarliðinu.

Hefði ekki verið eðlilegra, hjá Steinunni, að leggja til að þeim fjármunum sem varið er til kaupa á vopnum fyrir Úkraínu, færu í að hjálpa Ísrael?

[Guðjón E. Hreinberg, 20.9.2024 kl. 16:37]

Gangið varlega á hurðastafi.

[Ómar Geirsson, 20.9.2024 kl. 18:07]

Blessaður Jón og takk fyrir að halda staðreyndum til haga í þokumistri áróðurs og blekkinga þeirra afla sem þrá og vinna að allsherjarstyrjöld fyrir botni Miðjarðarhafs.

Því átökin þar sem hafa sprottið uppúr engu, eru ekki lengur einleikin, og blekkingarleikurinn sem um þau eru ofin, getur ekki endalaust sprottið uppúr engu.  Ekki að ég eigi skýringu, en vitsmunir mínir hafna því sem okkur er talið í trú um.

Ég veit samt það að Rúv er ekki á nokkurn hátt vefari þessa blekkingarleiks, hann er ofinn á fjarlægri ströndum, en hann er ofinn í trausti á forheimsku og fávitaháttar hinna nytsömu sakleysingja sem Rétthugsunin hefur alið af sér.

Myrt eða drepið í árásum, þetta er orðanotkun sem meir að segja hefði staðið í Göbbels þegar hann stappaði stálið í íbúa borga Þýskalands þegar loftárásirnar miklu stóðu yfir.  Vissulega voru það ómenni að hans sögn sem réðust á þýskar borgir, á saklausa borgara, en fólk féll samt í þeim árásum, það var ekki myrt, eða drepið, enda Göbbels það vel gefinn að hann vissi að slíkur áróður væri búmmerang sem myndi hitta Þjóðverja fyrir, sem sjálfir hefðu varpað sprengjum, bæði með flugvélum og stórskotaliði til að sigra borgir andstæðinga.

Enda þá engin þekkt dæmi um þá forheimsku og fávisku sem einkennir fréttaflutning Rúv og margra annarra vestrænna fjölmiðla af átökunum á Gasa í dag.

Hvað höfum við gert þeim spyrja aðstandendur fórnarlamba átakanna í beinni útsendingu þessara fjölmiðla hinna kostuðu Rétthugsunar, enginn að þeim fjölmiðlum spáir í eða birtir viðtöl við fólkið á Gasa sem spyr; Af hverju hóf Hamas þessi átök, af hverju skjóta liðsmenn Hamas eldflaugum á Ísrael frá þéttbýlum íbúðabyggðum okkar, eða verjast innrás Ísraela í athvörfum okkar, í skólum eða svæðum sem áttu að vera örugg fyrir okkur??

Kannski eru þessi viðtöl ekki birt af tillitsemi við viðkomandi, því allir sem eitthvað vita, að svona orð, geta kostað viðkomandi lífið því ógnarstjórn Hamas vofir yfir öllu.

Og í þau fáu skipti sem vestrænir blaðamenn birta þó sannleikann um viðhorf hinna óbreyttu íbúa Gasastrandarinnar, þá er sá sannleikur þaggaður niður í meinstrím fjölmiðlum vestrænna ríkja, hvaða afl er þar að baki, og munum að ekki mjög svo vel gefna fólkið á Rúv, sem og sambærilega heimskt fólk á öðrum meintum velmeinandi fjölmiðlum, er þar ekki gerendur.

Því heimskt fólk hefur í raun aldrei gert eitt eða neitt, annað en að vera heimskt.

Við getum síðan spurt okkur um ábyrgð þeirra sem þiggja laun af alþjóðasamfélaginu, laun sem reyndar byggjast á óbreyttu stríðsástandi á Gasa og Vesturbakkanum, sem tala um þjóðarmorð, eða árásir á skóla eða árásir á byggð flóttafólks á svæðum sem ísraelski herinn sagði að væri örugg. 

Þessi launuðu atvinnugóðmenni tala aldrei um tilefni árásanna, sem er að vígamenn Hamas eru fyrstir á vettvang hinna öruggu svæða, eða hreiðra um sig í skólum eða sjúkrahúsum þar sem fjöldi saklausra borgara hafa leitað sér skjóls.  Og þar herja þeir á innrásarliðið, vísvitandi um að það muni kosta samborgara þeirra lífið.

Það er búið að afhjúpa þessa hernaðarstefnu Hamas, vestrænn fjölmiðill birti tölvuskeyti æðstu ráðamanna samtakanna í aðdraganda voðaverkanna í október síðastliðnum. Það átti að fórna lífi tugþúsunda til að ná höggi á Ísrael í sýndarveruleik áróðursins, treyst var á fávitahátt og forheimsku þess fólks sem kennir sig við gæsku, en hefur í raun enga samúð með þjáningum meðbræðra sinna.

Því ef svo væri þá gengi það ekki erinda ómenna.

Sem það gerir.

Hafðu þökk fyrir pistil þinn Jón.

Kveðja að austan.

[Josef Gunnlaugsson (IP-tala skráð) 20.9.2024 kl. 19:08]

Sæll. Og vel skrifad.

Bara ein athugasemd. Hefur thu kynnt tjer hina alræmdu Hannibal Directive? Israela.

Vegna thess, ad Oktober 07 var ekki alveg allur, sem sagt er.

Takk fyrir god skrif.

[Jón Magnússon, 23.9.2024 kl. 10:04]

Þakka þér fyrir þitt innlegg og góðar kveðjur Ómar. 

[Jón Magnússon, 23.9.2024 kl. 10:04]

Nei ég hef ekki gert það Jósef. 

[Jón Magnússon, 23.9.2024 kl. 10:05]

Takk fyrir þitt innlegg Guðmundur.