Heim í sumarfrí

Fjöldi hælisleitenda, sem fengu alþjóðlega vernd vegna hættu sem þeim átti að vera búin í heimalandinu fara umvörpum í sumafrí til þeirra landa sem þeir neyddust til að fýja frá að eigin sögn. 

Reglur og viðmiðanir varðandi umsóknir um alþjóðlega vernd eiga ekki við lengur þær eru rugl. Það hefur aldrei verið eins auðvelt og ódýrt að ferðast heimshorna á milli. Meginhluti þeirra eða töluvert yfir 90% þeirra sem koma og sækja um alþjóðlega vernd hafa enga ástæðu til þess eða forsendur. 

Á árum áður voru raunverulegir flóttamenn, sem þurftu nauðsynlega að flýja heimaland sitt vegna þess að þeim var raunveruleg hætta búinn. Það má t.d. nefna menn eins og Karl Marx og franska skáldið Victor Hugo.  Báðir fluttu þeir til Bretlands og borguðu fyrir sig en fengu að njóta gistivináttu Breta. Það er mun eðlilegra kerfi en það sem nú er þar sem skattgreiðendur borga allt fyrir þessa hlaupastráka, sem njóta svo ríkilegra styrkja að þeir standa undir flugfarinu í sumarfríið "heim" þ.e. til landa sem þeir sögðust hafa neyðst til að flýja frá. 

Skv. fjárlögum er gert ráð fyrir 44 milljarða halla. Kostnaður við hælisleitendur er álíka mikill. Við erum að reka ríkissjóð með halla vegna þessarar vitleysu og taka lán hjá börnunum okkar til að viðhalda henni. 

Er ekki mál til komið að stoppa þetta endemis rugl?

Athugasemdir

[Ómar Geirsson, 30.9.2024 kl. 17:28]

Blessaður Jón.

Þá þarf fólk að segja sannleikann.

Svo við tökum dæmi um flokkinn sem þú hefur fylgt frá unga aldri, þá dó sannleikurinn einhvern tímann á síðasta áratug, hræið rífst hins vegar um hvort Kristrún eða Þórdís þjóni auð og auðmönnum, svo ég vísa í gjaldþrot hugmyndaheims þíns, betur.

Í því samhengi er aumastur kattarþvotturinn sem kennir niðurbrot samfélaga við vinstrimennsku, sérstaklega hjá fólki sem ungt las allt um það niðurbrot hjá Hayek og Friedman, og telur ennþá í dag að Reagan og Thatcher séu í guðatölu.

Auðurinn keypti vissulega fólkið til vinstri, fyrir mig miðjumanninn, sem samt leit oftar til vinstri en til hægri, var sárast að upplifa svik Steingríms, eða skoffínið sem tók undir fjárkúgun breta og Hollendinga, var norsk, var kvenmaður, var VinstriGræn í Noregi, var ráðherra, en út frá hugsjónum mennskunnar, algjör viðbjóður.

Keyptur viðbjóður, og þá þegar voru hinir meintir jafnaðarmenn Blair-ískunnar keyptir, þjónandi glóbal auðs og niðurbroti mennskunnar, með sérstakri áherslu á mannúð og gæsku vestrænna samfélaga.

Eftir stendur Jón aðeins eitt, kjarkurinn til að feisa sannleikann, raunveruleikann.

Í þínu tilviki að vera hægrimaður sem segir satt, tekst á við skipbrot sinna hugsjóna, en afsakar ekki það skipbrot með vísan í eitthvað annað.

Sálarstríð sem ég tókst á við 2009, þegar ég fattaði að fólkið sem ég trúði á og treysti, var í raun þjónar auðs og auðmanna.

Gerendur í niðurbroti samfélaga, ekki verjendur.

Núna er kominn tími til að þið hægrimenn, naktir á vergangi hugsjóna ykkar, feisi svik, og spyrjið, er þetta við??

Ætla ekki svara frá þér Jón frekar en birtingu, en mér þykir mjög vænt um þig, gáfur þínar og rökfærslur.

Að lesa þig er eins og að lesa von.

Með kveðju að austan.

[Jón Magnússon, 1.10.2024 kl. 09:01]

Þakka þér fyrir Ómar. Gott innlegg þó ég sé ekki sammála því nema að hluta.  Þetta kallar á skemmtilegar umræður okkar á milli, sem ég mundi feginn vilja eiga við þig. Einhvern veginn hefur mér fundist, að þó við séum ósammála um sumt, þá værum við í megindráttum sammála um aðalatriði bæði í því sem gerist úti í hinum stóra heimi og einnig því sem gerist á torfunni hjá okkur. 

Vænti þess að heyra í þér mailið hjá mér er [e-mail] og vona að þú hafir samband við mig áður en þú kemur næst í bæinn svo við getum átt stund saman.   Kveðja góð.