Verðugt verkefni

Það styttist í 29.loftslagsráðstefnu S.Þ. í Bakú. Þangað ætlar ríkið að senda 50 fulltrúa og styrkir annan eins fjölda frá allskyns sértrúarsöfnuðum í loftslagsmálum. 

Þessir fulltrúar íslenskra skattgreiðenda munu styðja tillögur  um að leggja meiri höft og takmanir á atvinnustarfsemi okkar, sem bitnar harðast á neytendum og atvinnurekstrinum. 

Ég tel upp á, að engin íslensku fulltrúana muni hafa burði til að segja sannleikann á þessari ráðstefnu. Menn munu veifa loftslagsbók Gulla ráðherra "Loftslagsþolið Ísland" og samþykkja frekari álögur á neytendur og fyrirtæki þessa lands. 

En hver er raunveruleikinn. Miðað við hitastig síðustu ára, þá er ekki að hlýna á Íslandi heldur kólna. Úr því má bæta með því að setja fleiri hitamæla á heitustu stöðum landsins eins og SÞ gerir varðandi sínar mælingar. 

Nýliðinn september var kaldasti september í 19 ár á Íslandi og árið í heild stefnir í að vera kaldasta árið á öldinni. En staðreyndir hafa aldrei verið til trafala fyrir þá loftslagspáfa, sem höndla með peninga og framtíð annarra. 

Mér er sagt að a.m.k. á fimmta hundrað manns hér á landi hafi verulegar atvinnutekjur eða jafnvel allar sínar tekjur af því að prédika hlýnun jarðar og nauðsynleg viðbrögð við því. Væri ekki rétt að segja þessu fólki upp ásamt þeim stjórnmálamönnum sem hugsa fyrst og fremst um að gera lífskjör fólksins í landinu verri og senda stöðugt fleiri milljarða úr landi til einhvers sem engin veit hvað er, en eru einhverskonar aflátsgreiðslur til einhverra sem síðan draga úr loftslagsvá með því að henda þúsundum tonna af trjákurli í sjóinn til að draga úr hlýnun og grafa  holur til að jarðsetja þar erlenda mengun. 

Burt með þetta endemis rugl. Veljum fólk sem vill bæta lífskjörin í landinu í stað þeirra sem vinna gegn hagsmunum almennings og fyrirtækja. 

Athugasemdir

[Ólafur Ágúst Hraundal, 4.10.2024 kl. 10:24]

Þeir ríða ekki við einteyming okkar fínu einfeldningar sem boða loftlagstrúna. Þeir kokgleypa hvert orð er þeir lesa og heyra, þar sem það kemur af framandi tungu. 

Er ekki komin tími á að við hættum að strjúka lampa sértrúarsöfnuð loftlagsmála og setjum tappann í. Þetta minnir óneytanlega á keðjubréfin sem heimurinn lét glepjast af, af borði svikarans. 

[Ásgrímur Hartmannsson, 5.10.2024 kl. 12:31]

Hver heldur þú að sé tilgangurinn með þessum endalausu kolefnissköttum annar en að fjármagna veilur fyrir þetta lið?

Er einhver þarna úti sem raunverulega trúir því að þetta sé til þess að breyta veðrinu? 

[Guðmundur Örn Ragnarsson, 5.10.2024 kl. 13:00]

Er þá ekki hinn nýi flokkur Arnars Þórs Jónssonar ákjósanlegur?

[Jón Magnússon, 5.10.2024 kl. 21:28]

Ólfur Ágúst ekki gleyma því að þetta fólk sem boðar þetta hvað ákafast er heldur betur á ofurlaunum við trúboðið. Sumir vinna ekki við neitt annað en að telja fólki trú um að það sé að stikna í frostinu.

[Jón Magnússon, 5.10.2024 kl. 21:29]

Já ég held það Ásgrímur að þetta fólk margt hvert trúi því sem það er að segja því miður.