Sólstöðustjórnin

Ríkisstjórn Kristrúnar Frostadóttur tekur við völdum í dag á vetrarsólstöðum. Sólstöður er það kallað þegar sólin stendur kyrr. Eftir vetrarsólstöður fer sólin að hækka á lofti. 

Því má líkja við þær væntingar sem margir hafa fyrirfram til væntanlegrar ríkisstjórnar. Ríkisstjórnin fær gott leiði og þjóðhagslega skiptir öllu máli að hún spili vel úr sínum spilum.  

En sem komið er vitum við lítið um áherslur væntanlegrar ríkisstjórnar, en það gæti komið í ljós í stjórnarsáttmálanum og vonandi er þar greint á milli aðalatriða og aukaatriða í þeirri moðsuðu sem stjórnarsáttmálar almennt eru.  

Okkur er gjarnt að búa til sérstök nöfn á ríkisstjórnir. Um er að ræða ráðuneyti Kristrúnar Frostadóttur. Morgunblaðið kallar hana valkyrjutjórnina. Valkyrjur höfðu það aðal hlutverk, að sækja fallna hermenn og flytja þá til Valhallar. Ekki góð tivísun fyrir ríkisstjórn.

Miðað við væntingar til hinnar nýju ríkisstjórnar væri eðlilegra að vísa til skapanorna. En skapanornir vísa til þeirra sem búa til nýja hluti, verk og hugmyndir. 

Skapanornirnar voru þrjár. Urður, Verðandi og Skuld og þeirra hutverk var að ausa vatni á lífsins tré "Ask Yggdrasil" svo það visnaði ekki. Urður er myndgervingur fortíðar, sem gæti átt við Þorgerði Katrínu, Verðandi nútímans sem sómir þá Ingu Sæland og Skuld vísar til framtíðarinnar, sem er þá Kristrúnar, en gengi og/eða gengisleysi ríkisstjórnarinnar veltur fyrst og fremst á því hve vel henni tekst til við að móta framtíðina. 

Hvað sem þessu tilgangslitla hjali líður þá tekur alvaran við.

Þrátt fyrir að vera í stjórnarandstöðu, þá óska ég nýrri ríkisstjórn velfarnaðar í vandasömu hlutverki. 

Athugasemdir

[Bjarni Jónsson, 21.12.2024 kl. 18:14]

Ég mundi fremur tala um sólhvarfastjórnina.  Það eru ýmsir meinbugir á þessari þriggja flokka ríkisstjórn, innbyrðis ólíkir flokkar og furðufuglar í þingliði, svo að ég óttast, að hér verði þegar á næsta ári allt á hverfanda hveli.  

[L. (IP-tala skráð) 21.12.2024 kl. 23:20]

Sólstaða og nornirnar þrjár.

Vísbending um enn meiri sundrungu?

Loforð formanns Samfylkingar um að innganga í ESB yrði ekki í forgrunni?

Eða var líklega aldrei loforð enda alltaf hægt að fela sig á bakvið hrossakaup.

Hrossakaup ...

Að heyra fyrrum stjórnar þingmanns Sjálfstæðisflokks segja ekki mikin mun á stjórnarsáttmála hlýtur að benda til þess að Sjálfstæðisflokkurinn hafi alltaf verið ESB sinnaðir, bara þegar aðstæður hentuðu fyrir inngongu.

Sjálfstæðisflokkur hefur aldtei staðið fyrir sjálfstæði Íslands, né aðrir flokkar, enn sem komið er.