Jón Magnússon

11.1.2025 | 09:36

Húsið brennur

Sænska stúlkan Gréta Túnberg byrjaði að skrópa í skólanum og mótmæla hlýnun í heiminum af mannavöldum fyrir rúmum 9 árum.

Vinstri elítan bar hana á höndum sér og tók hvert orð sem foreldrar hennar höfðu lagt henni í munn sem spádómsorðum.

Fyrir 6 árum ávarpaði hún Evrópuþingið og síðar alsherjarþing Sameinuðu þjóðanna (SÞ). Hún sagði að jörðin(húsið) væri að brenna og við hefðum eyðilagt æsku hennar ásamt öðrum vísdómsorðum um nauðsyn þess að snúa til baka og lifa sjálfþurftarbúskap í eymd og volæði. Sem hún gerir ekki.

Kommúnistinn framkvæmdastjóri SÞ tók undir hvert orð eins og Guð hefði sagt það og sama gerði öfgavinstri elítan og óprúttnir kaupahéðnar, sem sáu gróðafæri í bullinu, þar sem almenningur yrði skattlagður og þeir gætu grætt á öllu með sölu og kaupum á loftslagskvótum og fáránlegum aðgerðum eins og henda trjákurli í sjó eða dæla koltvísýringi niður í hraun á Íslandi.

Liðin eru 6 ár og Gréta verið upptekinn í mótmælum vinstra fólks og kommúnista við að mótmæla samkeppnisþjóðfélaginu.

Á sama tíma hefur komið í ljós að allt sem hún og Guterres framkvæmdastjóri sögðu var rugl. Ekkert af því hefur komið fram. Húsið er ekki að brenna. Ísbirnir lifa góðu lífi í Grænlandi, Svalbarða og víðar. Sjávaryfirborð hefur ekki hækkað. Ekkert eyland hefur farið á kaf. Grænlandsísinn er enn of mikill.

Þessi sjúka galna barátta gegn koltvísýringi hefur hins vegar haft þær afleiðingar að raforkuverð í Evrópu hefur hækkað svo mikið að sumt fólk á þann eina kost að velja að hita húsin sín eða hafa nóg að borða.

Það væri verðugt rannsóknarefni fyrir háskóla í Evrópu að kanna hvað mikið af eldra fólki hefur dáið vegna aðgerða í loftslagsmálum sem hefur leitt af sér hærra vöruverð og hærri skatta og margföldun raforkuverðs í álfunni. En slík rannsókn verður sennilega ekki gerð vegna þess að engin ríkisstjórn mun styðja hana á sama tíma og þær henda milljörðum í alls kyns rannsóknir um að allt sé að fara til helvítis vegna hlýnunar.

Sérkennilegt að stjórnmálaelítan í Evrópu og demókratar í Bandaríkjunum skuli telja það brýnasta í pólitík að gera lífskjör borgaranna verri.

Flokkur: Stjórnmál og samfélag | Facebook

Athugasemdir

Velkominn kæri Jón, í heim staðfestra samsæriskenninga.

Biðin var löng, en tímanum vel varið.

Bestu kveðjur.

Guðjón E. Hreinberg, 11.1.2025 kl. 18:47

Það þarf nú ekki að benda á aðra. Lítum okkur nær, sama þvælan uppi á borði hjá þjóð sem engin önnur kemst með tærnar þar sem við höfum hælana hvað varðar eilífðar orku. Samt skattlögð í drep vegna nákvæmlega þessa sem þú lýsir.

Sindri Karl Sigurðsson, 11.1.2025 kl. 20:46