Áhersla á það mikilvægasta

Við höfum fylgst með hræðilegum gróðureldum í Los Angeles (LA) undanfarna daga. Eldurinn eirir engu og æðir áfram. Ótrúleg vandamál koma upp í slökkvistarfi m.a. vantar vatn á brunahana. LA er ekki landlukt, þess vegna er með ólíkindum að það skuli skorta vatn til slökkvistarfs.

Að vonum hlupu hamfarahlýnunarfólk upp með loftslagsvána og sögðu þetta dæmi um hamfarahlýnun af mannavöldum. Raunar bendir allt til að um manngerða íkveikju sé að ræða. 

Það er hins vegar ekki með öllu rangt aldrei þessu vant, að loftslagsváin svokölluð eigi sinn þátt í því hversu illa er komið í LA. Ekki vegna hlýnandi veðurs heldur áherslna stjórnvalda í LA og Kaliforníu sem hafa dregið saman fjárframlög til slökkvuliðsins, en aukið framlög til "loftslagsmála". 

Í pólitík er alltaf spurning um hvernig er forgangsraðað. Sömu krónunni verður aldrei eytt tvisvar. Þegar náttúruvá ber að höndum, þá er það iðulega svo að stjórnmálamönnum er ranglega kennt um. Nú háttar hins vegar svo til í LA, að stjórnendum borgarinnar öfgafólkinu úr Demókrataflokknum er að nokkru um að kenna hvernig komið er.  Yfirvöld í LA ákváðu nefnilega að greiða gríðarlegar fjárhæðir til svonefndra loftslagsmála á sama tíma og slökkviliðið var fjársvelt. 

Dyggðaflöggun vinstri sinnaðra "woke" stjórnmálamanna virðist því miður girða fyrir augsýn þeirra á heilbrigða skynsemi og nauðsynleg úrlausnarefni og hvað skipti öryggi borgaranna mestu máli. 

Athugasemdir

[Grímur Kjartansson, 14.1.2025 kl. 17:21]

Gríðarlegar fjárhæðir hafa líka verið sendar til Úkraínu
enda býðst Selenski til að hjálpa sbr Morgunblaðið í morgun
"Selenskí býður fram aðstoð Úkraínumanna í slökkvistarfi"

Annars hélt ég að ef ríki í USA lýsa yfir neyðarástandi þá losnaði sjálfkrafa um fé og mannauð en í staðinn þurfa þau þá sennilega að lúta stjórn alríkisstjórnarinnar í Wasington meðan á neyðarástandinu stendur ?

[Ómar Geirsson, 14.1.2025 kl. 17:53]

Blessaður Jón.

Eins ágæt og þessi færsla þín er sem ádeila á vanhæfni Góða fólksins til að gera eitt eða neitt, þá skaðar það alltaf góð orð, þegar meintur áróður, sem má alveg tengja við misskilning þeirra sem dreifa honum, jákvætt orð misskilningur svo maður móðgi ekki hreinlega hálfvita bullsins sem vellur frá fábjána-hægrinu sem vellur frá Bandaríkjunum.

Það eru loftslagsbreytingar sem skýra þessa hamlausu gróðurelda sem ógna byggð og fólki, á stærra skala sem áður hefur sést og þekkst.

Ég ætla ekki að vísa í fáviskuna sem þú vitnar í Jón, bið þig aðeins að muna að íhaldsfólk er ekki heimskt, það er salt jarðar svo ég vitni í hina helgu bók.

Við knésetjum ekki Rétthugsun Góða fólksins, hina algjöru vanhæfni þess með því að vitna í bull og vitleysu.

Hlýnun jarðar er staðreynd, sama hve fáfrótt ómenntað fólk í lokuðum herbergjum trúandi allra samsæriskenninga, bullar út í eitt, til dæmis að bruninn mikli í Los Angeles stafi af íkveikju, þá gerum við ekki heimsku þess og fávisku, að okkar rökum.

Það er eins og að upphefja Dag B. Eggertsson og alla hans óhæfu í stjórnun Reykjavíkur undanfarin 10 ár eða svo.

Vitleysa og fáviska eru ekki rök Jón.

Ekki frekar en græna skrímslið sé dæmi um góða stjórnsýslu.

Maður stendur ekki ístaðið gegn forheimskunni með því að taka undir hana.

Kveðja að austan.