Farsæl niðurstaða

Hvað svo sem líður stuðningi við eintaka frambjóðendur þar á meðal þess, sem þetta ritar, þá skal viðurkennt, að niðurstaðan þegar á allt er litið gat ekki orðið farsælli fyrir Sjálfstæðisflokkinn. Guðrúnar Hafsteinsdóttur formanns og Jens Garðars Helgasonar varaformanns bíða mörg og misjafnlega erfið verkefni varðandi endurreisn Sjálfstæðisflokksins til fyrri vegs og virðingar eins og þau orðuðu það bæði eftir að hafa náð kjöri, þó með mismunandi hætti væri. 

Þó Guðrún og Jens eigi ákveðinn hóp sameiginlegra stuðningsmanna, þá fengu þau þó aðallega stuðning frá sitt hvorri fylkingunni sem tókust á í formannskjöri. 

Báðum skal óskað farsældar í störfum sínum fyrir Flokkinn og nú reynir á að þau standi sig og nái að byggja Flokkinn upp á nýju. Allt Sjálfstæðisfólk hvar svo sem það stóð í fylkingu verður að gefa þeim nauðsynlegt svigrúm og styðja þau til allra góðra verka. 

Athugasemdir

[Guðjón E. Hreinberg, 3.3.2025 kl. 14:08]

Guðrún og Jens, eru bæði fínir valkostir til að viðhalda fyrirbærinu eins og það þróaðist 1970 til 1999. Áslaug og Diljá hefðu hins vegar gefið honum kraftinn til að verða aftur áhugavert afl.

Eina leiðin til að Sjálfstæði kommúnistaflokkurinn verði aftur marktækur stjórnmálaflokkur, er að íhaldsmenn yfirgefi hann og stofni Íhaldsflokk Jóns Þorlákssonar.