Gætið að svo ekki hendi annað verra

Það kom á óvart að lesa skýrslu ríkislögreglustjóra, sem sagði að hægri öfgamenn væntanlega hvítir, væru líklegastir til að fremja hryðjuverk á Íslandi. Þetta "woke" hjal stenst enga skoðun, en það er víðar sem lögreglan fær falleinkun.

Yfirmaður West Yorkshire lögreglunnar í Bretlandi hefur lokað fyrir umsóknir hvítra umsækjenda „til að auka fjölbreytni í lögreglunni“ þ.e. ekki farið eftir hæfi heldur litarhætti.

Thames Valley lögreglan sendir lögreglumenn á "jafnréttis" námskeið, til að upplýsa þá um að þeir séu hvít forréttinda stétt. Lögreglumenn eiga þá væntanlega að handtaka fólk eftir litarhætti til að sýna jafnrétti á grundvelli kynþáttahyggju.

Michael Deacon spyr í blaðgrein: „ef lögreglan trúir því, að „hvít“ forréttindi séu raunveruleg; „Hvað þá með fórnarlömb nauðgunargengjanna? Þúsundum barnungra hvítra stúlkna var nauðgað, hópnauðgað og hnepptar í kynlífsánauð af hörundsdökkum múslímskum afbrotamönnum, bendir það til þess, að þessar stúlkur hafi notið „hvítra forréttinda“ meðan þær voru dópaðar upp, nauðgað og kallaða „hvítar druslur“ og „hvítar hórur“?

Sé svo gæti það e.t.v. útskýrt af hverju lögreglan sýndi algjört áhugaleysi og hlustaði ekki á kvartanir þeirra og gerði ekkert til að draga glæpamennina, nauðgarana til ábyrgðar.“ Deacon segir: „þrátt fyrir að vera hvítar, þá nutu þessar stúlkur engra forréttinda,„hvít forréttindi“ eru í raun ekki til og slík staðhæfing er í ekkert annað en tilhæfulaust haturs bull,“

Að hverjum beinist þetta hatur? Það beinist að hvítu fólki. Lögreglan í Bretlandi má þakka fyrir það að hvítt fólk skuli ekki hafa gripið til aðgerða gegn þeirri kynþáttahyggju gagnvart því sem hefur heltekið lögregluna og allt „woke“ liðið. Þeir sem standa að baki „woke“ hugmyndafræðinni hafa fyrst og fremst í huga að eyðileggja grunnstoðir vestrænna lýðræðisþjóðfélaga og hefur orðið vel ágengt.

Í dag er forsætisráðherra í Bretlandi maður, sem vanrækti þá starfsskyldu sína að bregðast við til að vernda barnungar hvítar unglingsstúlkur frá því að vera dópaðar upp, hópnauðgað og svívirtar af múslimum vegna litarháttar síns. Hann berst nú af öllu afli gegn því að ítarleg rannsókn málsins fari fram.

Hvar skyldu þá hvítu forréttin vera þar sem hvítt fólk sem hefur orðið fórnarlömb svívirðilegra glæpa, fær mál sín ekki rannsökuð.

Einu sinni var lögreglan í Bretlandi fyrirmynd en ekki lengur.

Það er illt til þess að vita að Ríkislögreglustjóri virðist ætla að feta í fótspor þeirrar blindu andþjóðfélagslegu kynþáttahyggju sem breska lögreglan er heltekin af. Hvað svo ef hvítt fólk bregst til varnar til að geta notið borgaralegra réttinda, sem lögreglan sér ekki um að verja vegna kynþáttahyggju?

Er það fólk þá hvítir hægri öfgamenn?

Athugasemdir

[Arnar Þór Jónsson, 13.4.2025 kl. 09:14]

Sæll Jón, í stjórnkerfi sem er gegnsýrt af hugmyndafræðilegri kreddu sem umber enga gagnrýni og engin frávik er ekki nema lógískt að fótgönguliðar rétttrúnaðarins reyni að stimpla alla efasemdamenn sem "öfgamenn". Stjórnmálin á Íslandi - og reyndar í ESB - eru djúpt sokkin allir eiga að syngja í einum og sama kreddu-kórnum. Ég ræði þetta nánar í þessu samtali við Gústaf A. Skúlason, sem birtist í gærkvöldi: https://thjodolfur.is/hver-vill-vera-pilatus/

[Ingólfur Sigurðsson, 13.4.2025 kl. 17:49]

Oft hefur þú skrifað góða og jafnvel frábæra pistla Jón, en þessi er með þeim albeztu. Maður getur verið sammála hverju einasta orði. Þú stingur á þessu kýli samfélagsins nákvæmlega og hittir í mark.

Þessir gjörsamlega áttavilltu stjórnmálamenn ættu að hugsa sinn gang. Því annars munu flokkar eins og afD og Svíþjóðardemókratar stjórna Evrópu í framtíðinni, og jafnvel koma fram alvöru öfgaflokkar eins og þekktust á 20. öldinni, og hafa mikil áhrif.

Frábær grein, takk fyrir, þetta er nákvæmlega að gerast.

[Ásgrímur Hartmannsson, 13.4.2025 kl. 18:57]

Brezka ríkið er vísvitandi að rústa eigin samfélagi, til þess að öðlast meiri völd - þeas *öll* völdin.

Breyta landinu í N-Kóreu.

Í því skyni eru þeir að fylla landið af glæpamönnum og handahófskennt refsa almenningi fyrir ímyndaða glæpi.

Það mun ekkert koma frá þeim eftir 5 ár.

Það er að verða ljóst að það á að gera það sama hér.

[Guðjón E. Hreinberg, 14.4.2025 kl. 11:41]

Þetta er ágætist mælistika á þegar útdregin firring marxískrar menntastéttar yfirtekur menningarlegt raunsæi og breytir í rökrétt óraunsæi.

Hljómar e.t.v. betur á ensku, í landi deyjandi túngu; exemplary measure of when abstract alienation, by marxist intelligencia, occupies cultural realism and converts to logical surrealism.

Bestu kveðjur.

[Jón Magnússon, 14.4.2025 kl. 21:30]

Þakka ykkur öllum sem tjáið ykkur um þessa færslu. Góð hvatning.