Fórnarlamb allra fórnarlamba

Venjulegast er a.m.k. einni frétt í aðalfréttatíma RÚV sjónvarps, um meint fórnarlamb, sem telur sig órétti beitt, vegna skorts á aðhlynningu á kostnað skattgreiðenda.

Einstaka sinnum og bara einstaka sinnum eiga þessar fórnarlambafréttir erindi til almennings.

Í gær birtist á skjánum í fréttatímanum, fórnarlamb allra fórnarlamba Harry nokkur prins af Bretlandi.

Fórnarlambið Harry býr í 2 milljarða króna húsi, með þjóna á hverju strái og flýgur með einkaþotum hvort heldur heimsálfa á milli eða til að fara á næsta Póló leik. Hann óskapaðist yfir dómstólum í Bretlandi,sem hefðu synjað honum um að fá lífverði og öryggisgæslu á kostnað skattgreiðanda, þegar hann lætur svo lítið að koma til Bretlands. 

Eðlilegasta spurningin er af hverju ættu skattgreiðendur að borga fyrir þetta ömurlegasta fórnarlamb allra tíma? Að sjálfsögðu kemur þeim þetta ekkert við eins og dómurinn sagði.

Svo er það annað mál hvað verið er að gera með svona dúkkulísur í nútímanum.

Athugasemdir

[jósef Ásmundsson (IP-tala skráð) 4.5.2025 kl. 12:19]

Nú er ég sko sammála þér. Hvað er verið að gera með kónga og drottningar og prinsa og prinsessur á 21. öldinni. Þetta eru bara ævintýrapersónur sem heyra sögunni til. En það eru reyndar líka til ónytjungar í stjórnkerfinu kostaðar af almenningi sem gjarnan mættu missa sín.

[Jón Magnússon, 4.5.2025 kl. 18:29]

Við erum alveg sammála um þetta allta saman Jósef.

[Guðjón E. Hreinberg, 4.5.2025 kl. 20:07]

Ég elska þegar fólk sem hafnar samsæriskenningum, gleymir sannfæringu sinni.

Allra bestu kveðjur.