Þjóðfjandsamlegar yfirlýsingar utanríkisráðherra

Það eru vonbrigði, að hlusta á utanríkisráðherra segja ítrekað, að Ísrael sé að fremja þjóðarmorð og séu sekir um stríðsglæpi. Ummælin eru bæði Gyðingafjandsamleg og andstæð hagsmunum Íslands. Yfirlýsingar utanríkisráðherra eru mun fjandsamlegri Ísrael en annarra ríkisstjórna í Evrópu hvað þá Bandaríkjanna og þjóna ekki utanríkispólitískum hagsmunum Íslands.  

Í leiðara breska stórblaðsins Daily Telegraph fyrir nokkru sagði um hugmyndafræði fólks eins og utanríkisráðherra Íslands;

„Siðferðilega andhverfan og umsnúningurinn er alger. Leiðtogar Ísrael eru lögsóttir fyrir glæpi gegn mannkyninu og stríðsglæpi sem er fráleit og fjarri því að haft sé í huga að þeir urðu að grípa til vopna í sjálfsvörn eftir að svívirðilegustu og mestu Gyðingamorð frá lokum síðari heimstyrjaldar.

Hamas hryðjuverkasamtökin frömdu stríðsglæpina. Kerfi alþjóðalaga var sett upp í lok síðari heimstyrjaldar til að koma í veg fyrir að „Helförin“ gæti átt sér stað aftur. En nú horfum við á land þar sem lýðræði ríkir, land sem reynir að koma í veg fyrir annað fjöldamorð á íbúum sínum, af hálfu samtaka, sem hafa á stefnuskrá sinni að útrýma öllum Gyðingum.

Óhjákvæmileg innrás Ísrael á Gasa hefur því miður leitt til dauða óbreyttra borgara. Það er átakanlegt að horfa upp á, jafnvel þó að hlutfall Hamas liða sem hafa fallið sé hærra en almennt gerist í stríði þar sem hryðjuverkamenn fela sig meðal óbreyttra borgara og tala fallina óbreyttra borgara sé hlutfallslega lægra en almennt gerist í stríði í borgum eins og í stríði Bandaríkja,Breta og Kúrda við ISIS.

Um helmingur fallinna eru Hamas vígmenn. Hamas felur sig á bakvið óbreytta borgara og hafa ekki áhyggjur þó að óbreyttir borgarar falli.

Hamas ber siðferðilega ábyrgð á öllum sem hafa fallið í stríðinu á Gasa með sama hætti og þýskir nasistar báru ábyrgð á þeim sem féllu í síðari heimstyrjöld og japanska keisaraveldið á þeim Japönum sem féllu." Síðar segir í leiðaranum;

“Vinstri sinnaðir lögfræðingar í alþjóðarétti hljóta þá að líta á öll dauðsföll óbreyttra borgra í síðari heimstyrjöld árin 1944 og 1945 sem stríðsglæpi og siðferðilega ámælisverða. Harry S. Truman, Winston Churchill, De Gaulle o.fl. hefði þá átt að lögsækja ásamt þeim leiðtogum nasista sem sóttir voru til saka í Nürnberg réttarhöldunum 1945-1946."

Hvílíkt fordæmi hefði það nú verið og andhverfa skynseminnar. Það er sú andhverfa sem utanríkisráðherra samsamar sig með og íslenska ríkisstjórnin og henni til jafn mikillar skammar. Svigurmæli og röng og fólskulegra ummæli í garð vinaþjóðar getur aldrei verið heilladrjúg framkoma smáríkis gegn vinaþjóð, sem nýtur órofa stuðnings þess ríkis,sem hefur tryggt varnir Íslands í tæp 80 ár og er eina ríkið sem við verðum að treysta til að gera það áfram. Það eru engin önnur ríki sem hafa áhuga vilja og getu til þess en Bandaríkin.

Sé Þorgerði Katrínu utanríkisráðherra og ríkisstjórn Kristrúnar Frostadóttur mikið í mun að huga að hagsmunum Múslima í veröldinni, þá er sérkennilegt að íslenska ríkisstjórnin skuli ekki ræða um málefni og ofsóknir gegn Uyghurum í Kína og Rohingyum í Myanmar, en báðir þessir þjóðflokkar múslima sæta ofsóknum. Já og hafa þegar sent frá sér bunka af yfirlýsingum um þær hraklegu aðfarir sem ríkisstjórnir umræddra landa beita þessa minnihlutahópa. En þetta fer einhverra hluta vegna algjörlega framhjá vökulu auga "réttlætisgyðjunnar" Þorgerðar Katrínar utanríkisráðherra og sú glöggskyggna Kristrún Frostadóttir horfir þögul og afskiptalaus á.

E.t.v. er ríkisstjórn Kristrúnar mikið í mun að sýna fram á virka andstöðu sína gegn öllu sem tengist hægri, frjálshyggju eða kristnum viðhorfum og taka undir söng dauðasveita Hamas, Húta og Hezbollah um að þurrka Ísrael af kortinu.

Það er hið eina og raunverulega þjóðarmorð sem vofir yfir og það sem þessar dauðasveitir berjast fyrir að verði að veruleika. Þjóðarmorð á Gyðingum.

Vill íslenska ríkisstjórnin leggja sín lóð á vogaskálunum með hryðjuverkasamtökunum?

 

 

 

Athugasemdir

[Jónatan Karlsson, 5.5.2025 kl. 08:56]

Það eru mikil vonbrigði að lesa allar þessar rangfærslur þínar, líkt og að segja að Daily Telegraph hafi fjallað sérstaklega um orð Þorgerðar sem féllu þó mörgum dögum síðar.

Síðan nefnir þú að yfirlýsingar Utanríkisráðherra séu fjandsamlegri Ísrael en annara ríkisstjórna í Evrópu, en Ísrael er alls ekki í Evrópu, sem Rússland er þó.

Gyðingar eru því miður að ávinna sér óafturkræft hatur og fyrirlitningu gervallrar heimsbyggðarinnar nákvæmlega á þessari stundu, sem líklega er þó tilgangslaust að útskýra hér nánar.

[EINAR S HÁLFDÁNARSON (IP-tala skráð) 5.5.2025 kl. 09:49]

Sæll Jón

Forseti Palestínu kennir Hamas alfarið um hörmungarnar á Gaza. Það er erfitt að átta sig á stjórnmálamönnum sem ekki taka undir með honum. Svo þurfa allir að skoða stríðsástandið í Mið-Austurlöndum í ljósi afskipta hryðjuverkaríkisins sem Íran er. Búið er að losa Sýrland og Líbanon undan klerkunum. Nú þarf að ljúka verkinu.

[Gunnar Heiðarsson, 5.5.2025 kl. 10:24]

Ísrael hefur verið lögsótt fyrir stríðsglæpi, ekki dæmt. 

Síðast þegar ég vissi var ÞKG ekki starfandi dómari, en hún er samt dugleg að dæma. Væri svo sem allt í lagi, væri hún ekki utanríkisráðherra.

[Sigurður Kristján Hjaltested, 5.5.2025 kl. 10:43]

Frábær pistill Jón.

Það sorglega við þetta allt saman að fólk skilur ekki

munin á Hamas og frjálsri Palestínu.

Styð frjálsa Palestínu, en það verður aldrei á meðan

HAMAS er til eða við völd.

Öll hróp og yfirlýsingar er ekkert annað en stuðningur við HAMAS.

Og fólk og forynjur(valkyrjur fv.) sjá það ekki.

[Guðjón E. Hreinberg, 5.5.2025 kl. 12:06]

Veið eigum að vera hlutlaus í öllum heimsmálum - svo segja Almenn hegningarlög, og er byggt á fornum rétti allt aftur til 1264.

Að skipta þjóðinni í hópa eftir því hvort þeir styðja stríðsglæpi Zionista eða stríðsglæpi Terrorista, er kjánaskapur á þessari öld.

Annars bara allt gott.

[Tómas Ibsen Halldórsson, 5.5.2025 kl. 13:28]

Það er rétt að minna á texta úr 1.Mósebók 12.kafla en þar segir:

³ Ég mun blessa þá, sem þig blessa, en bölva þeim, sem þér formælir, og af þér skulu allar ættkvíslir jarðarinnar blessun hljóta."

Þá má einnig minna á orð Jesú og Opinberunarbókarinnar, þar segir frá því að allir þeir sem verja Ísrael muni blessun hljóta, en þeir sem andæva Ísrael munu bölvun hljóta.

Guð blessi Ísrael.

[Guðmundur Örn Ragnarsson, 5.5.2025 kl. 14:23]

Lýsing þín á orsök stríðsins fyrir botni Miðjarðarhafs er hárrétt og mjög skír.

En hver er skíringin á þessu Gyðingahatri í heiminum?

Fyrir mér er enginn vafi á því að hatrið gegn Ísrael og Gyðingum á sér andlegar rætur.

Jesús sagði: Hjálpræðið kemur frá Gyðingum.

Þess vegna hatar Djöfullinn Gyðinga og allir þeir sem honum tilheyra.

[Júlíus Valsson, 5.5.2025 kl. 14:46]

Við verðum að vona að næsti utanríkisráðherra Íslands verði með pung.