Sótt að hinum seku?

Í dag áttu þeir fund forseti Bandaríkjanna(US) og Suður-Afríku(SA). Á fundinum sakaði Trump, Ramaphosa forseta um að stjórn hans hefi ekki brugðist við og veitt hvítum bændum vernd og í raun væri um þjóðarmorð gagnvart þeim að ræða. 

Í framhaldi af ásökunum Trump, er hamast að honum og fullyrt að hann fari með falsfréttir. Sé málið skoðað nánar, þá sést, að ummæli Trump hafa við rök að styðjast. Viðbrögðin því á sama grunni og þegar hann benti á að í Svíþjóð væru hverfi þar sem lögreglan færi ekki inn í öðru vísi en þungvopnuð, sem mótmælt var, en hið sanna kom í ljós. Þetta var rétt hjá Trump.

Fjöldi hvítra bænda í SA hefur mátt þola, að ráðist er á bú þeirra og þeir flæmdir á brott eða drepnir. Ríkisstjórn SA gerir lítið sem ekkert og svo virðist sem sama sagan sé að endurtaka sig og í Zimbabwe,þar sem hvítir bændur voru hundeltir ráðist á bú þeirra og þeir drepnir ásamt fjölskyldum sínum. 

Meir en 30 hvítir bændur frá SA hafa sótt um hæli í Bandaríkjunum og í fréttum spænska sjónvarpsins í kvöld var sagt frá rúmlega 50 hvítum bændum frá SA og fjölskyldum þeirra, sem hefðu sótt um hæli vegna ofsókna gegn þeim.

S-Afríka er gjörspillt ríki, þar sem glæpatíðni er hvað mest í heiminum. Ríkisstjórnin virðist hafa takmarkaðan áhuga á að vernda eigin borgara og alls ekki fólk sem er ljóst á hörund. 

Þetta glæpa ríki ákærði Ísrael fyrir Alþjóðadómstólnum, fyrir þjóðarmorð á Gasa á sama tíma og unnið er að skipulagðri útrýmingu hvítra bænda í SA. En íslenski utanríkisráðherrann hefur aldrei þessu vant ekki haft neitt um þetta mál að segja. 

SA verður vonandi neytt til að vernda eigin þegna óháð litarhætti þeirra eftir réttmæta árás Trump á fundi forseta ríkjanna í dag. Það fornkveðna gildir síðan fyrir SA:  

Þeir ættu ekki að kasta steinum sem í glerhúsi búa. 

 

Segir þjóðarmorð hafa verið framin gegn hvítu fólki

Athugasemdir

[wally boggis (IP-tala skráð) 22.5.2025 kl. 09:02]

40 ár síðan, sótti ég námskeið í Austur London. Þar var ungur maður frá South Africa som sagði um að hvítur bændur sem voru drepnir - 40 ár síðan það var vel þekkt.

[TJ (IP-tala skráð) 22.5.2025 kl. 20:29]

Í þessu máli eins og ýmsum öðrum gæti borgað sig að spara stóru orðin og varast alhæfingar.

Ég sendi (hvítum) einstaklingi sem ég þekki og býr á stóru býli í SA þessa spurningu (og tengil á frétt um fund forsetanna):

"So, what's the true story here?"

Svarið var þetta:

"It's a bit blown out of proportion! Farmers do get killed, but we do have a high murder rate generally. We all just have to be careful🙏🏻"

Með öðrum orðum eru morð á hvítum bændum hvorki betri né verri en öll hin morðin á jafnt hvítum sem öðrum.

Án alls þessa ofbeldis væri Suður-Afríka paradís á Jörðu, það er hins vegar ekki til nein einföld leið til að stöðva það.