Kyn- og trúvillta kirkjan, kyrjar lofsöng um Allah

Nokkrum tíðindum þykir sæta, að í drögum að nýrri handbók íslensku þjóðkirkjunar er hún með öllu orðin kyn- og trúvillt. 

Hæstiréttur Bretlands komst að þeirri niðurstöðu að vandlega athuguðu máli, að kynin væru bara tvö í samræmi við líffræðilegar staðreyndir. Íslenska þjóðkirkjan er ósammála og vill samsama sig hugmyndafræði transfræðinnar. 

Geir Waage þjóðkirkjuprestur í Reykholti til margra ára gagnrýnir þetta réttilega og vísar m.a. í orð Jesú, en boðskapur hans virðist koma handbókarhöfundunum lítið við og verður að víkja fyrir woke og transfræðinni. Enda hefur biskup sagt í podkasti hjá Pax vobis að Jesús sé bara milliliður.

Hvernig samræmist það kenningunni um þríeinan Guð?

Það dugar því ekki að breyta handbókinni það verður líka að breyta trúarjátningunni til samræmis við trúarskoðanir biskups. Vafalaust verður það næst á dagskrá þegar búið er að brjóta niður ýmsar fleiri meginstoðir kristilegrar boðunar.

Svo kemur óskiljanleg og dragúldin rússína í pylsuendanum. Lofsöngur til Allah. Hvaða erindi á það inn í handbók þjóðkirkjunnar. Telur íslenska þjóðkirkjan sig geta samsamað sig með þeim trúarhópi sem um aldir og enn í dag herjar á kristna söfnuði og stefnir að algjörum yfirráðum m.a. undirokun allra kristinna.

Sé sú læpuskaps ódyggð ríkjandi meðal presta þjóðkirkjunnar að hún láti þetta yfir sig ganga þá er best að biðja Guð að hjálpa sér eins og sr. Sigvaldi sagði þegar fokið var í öll skjól. Þá er spurning hvort ekki sé best að yfirgefa fleyið áður en strandkapteinar hinnar nýju boðunar sigla skipinu í strand kyrjandi lofsöng um Allah.  

 

Varar við boðun villutrúar biskups

Athugasemdir

[Guðjón E. Hreinberg, 16.6.2025 kl. 15:07]

Allah merkir Guð á Arameísku.

[Geir Ágústsson, 16.6.2025 kl. 21:01]

Þetta er orðið hápólitískt embætti. 

Yfirlýsing frá biskupafundi Þjóðkirkjunnar

Að skrá sig í Þjóðkirkjuna er orðið á pari við að skrá sig í stjórnmálaflokk. Allt í lagi að skrá sig í stjórnmálaflokk en maður hefði haldið að skráning í kirkjusöfnuð væri ávísun á stöðugleika, ekki eltingaleik við nýjustu umræðuna.

[Magnús J. (IP-tala skráð) 16.6.2025 kl. 21:07]

Allah er arabíska hugtakið yfir guð og er notað af kristnum jafnt sem múslimum. Það er að öllum líkindum skylt arameíska orðinu Elah sem er eitt af þeim nöfnum sem gyðingar eiga yfir guð

Sálmurinn sem hér er til umfjöllunar, Ya hamala Allah ’alhamel, er frá 1956. Hann er eftir  kristna sálmaskáldið Yusuf Khill (f. 1931), sem var tónlistarstjóri í Boðunarkirkjunni í Nasaret, en hún stendur þar sem talið er að heimili Maríu mey hafi verið.

Íslensk þýðing sálmsins, sem presturinn Kristján Valur Ingólfsson gerði, er ekki með öðrum hætti en textinn á frummálinu — en því halda þau fram, sem reka Frettin.is, og þykjast styðja það með google-þýðingu á umritun arabíska textans; skilja þau arabísku?. Þýðingin er þvert á móti í algjöru samræmi við enska þýðingu hans, eins og hann birtist í sálmasafni Calvin University í Michigan, sem er kristinn háskóli:

Holy Lamb of God,
you take away the sin of the world.
Have mercy on us.
Holy Lamb of God,
you take away the sin of the world.
Grant us your peace;
grant us your peace;
grant us your peace.

(Sjá hér: https://hymnary.org/hymn/GG2013/602)

Hvers vegna í ósköpunum viljið þið, sem kennið ykkur við kristni, ekki syngja guði til dýrðar með trúbræðrum ykkar og -systrum?