Með Trump glýju í augum

Þorgerður Katrín og Kristrún Frostadóttir koma heim af leiðtogafundi NATO með Trump glýju í augum, svo mjög heillaði forseti Bandaríkjanna þær fraukur. 

Þorgerður hefur sagt hin fúlustu orð um Trump á ráðherraferli sínum m.a. líkt honum við einræðisherrana Erdogan og Pútín. Nú segir hún, að henni finnist Trump vera heillandi. Kristrún var sama sinnis þó hún lýsti aðdáun sinni ekki eins opinskátt. 

Niðurstaða NATO fundarins var eining og eindrægni um leið og allt það sem Trump hefur barist fyrir var samþykkt, þá var honum þakkað framlag sitt til friðar og öryggis í heiminum. 

Fróðlegt verður að sjá með hvaða hætti þær Kristrún og Þorgerður útskýra nú fyrir flokksmönnum sínum aðdáun sína á Trump og fráhvarf frá illsku út í manninn í botnlitla aðdáun. 

Athugasemdir

[Jóhann Elíasson, 26.6.2025 kl. 09:36]

Þroskaferlið hjá þeim stöðvaðist á menntaskólaárunum eins og klukkan......

[Ragnhildur Kolka, 26.6.2025 kl. 11:58]

Stelpurnar gera bara eins og þeim er sagt og Þorgerður kyngir klígjunni. Svo virðist sem helsta samþykkta NATO fundarins hafi verið að dásama Trump. Það var hreinlega ógeðfellt að horfa á framkvæmdastjórann, Rutte, smjaðra fyrir honum, kinkandi kolli við öllu og sífellt vera að snerta hann. Kóróna niðurlægingarinnar var þegar hann kallaði Trump pabba (daddy). Það var eitthvað pervert við alla þessa sjúklegu aðdáun.