Landvarnarfólk

Í gær héldu samtökin "Þvert á flokka" þriðja mótmælafund sinn á Austurvelli. Allir fundirnir hafa farið vel fram. Þeim er vel stjórnað og gætt er að öllum öryggismálum út í hörgul. Kröfur okkar eru að Íslendingar gæti að eigin hagsmunum en týnist ekki í þjóðarhafinu, tapi tungumáli sínu og menningu vegna háskalegrar, þjóðfjandsamlegrar stefnu í innflytjenda- og hælisleitendamálum.

Fundirnir eru  vel sóttir, hvað sem líður fullyrðingum ákveðinna fréttamiðla um annað. 

Þegar ég mætti á fyrsta samstöðufundinn til varnar íslenskri þjóð og menningu kom mér þrennt á óvart. Í fyrsta lagi hvað margir voru mættir,fundarmenn þverskurður þjóðarinnar ungir og eldri. Ungar konur með barnavagna,háskólamenntaðir og minna menntaðir o.s.frv. Í öðru lagi gott skipulag og í þriðja lagi hvað ræðufólkið var málefnalegt og laust við allar öfgar.

Í gær fór fundurinn einstaklega vel fram og það var fræðandi og um leið sorglegt að hlusta á unga konu þriggja barna móður, sem var ræðumaður á fundinum segja frá því að hún hafi ekki efni á því að gæta að tannheilsu sinni vegna kostnaðar á meðan hælisleitendur fá allar tannviðgerðir greiddar af ríkinu. 

Er það afsakanlegt í siðaðra manna samfélagi, að mismuna fólki með þeim hætti sem Alþingi og ríkisstjórnir til margra ára gera þar sem hælisleitendur fá ókeypis læknisaðstoð,mat, húsnæði og  ferðast um í leigubílum á kostnað skattgreiðenda. Á sama tíma er dugandi fólk í þessu okurþjóðfélagi nánast gefið á Guð og gaddinn og getur ekki notið þeirra lífsgæða sem ríkisstjórnin og Alþingi gefur hlaupastrákunum sem hafa aldrei lagt neitt til samfélagsins og fæstir mun gera það nokkurn tímann. 

Slíkt þjóðfélag fær ekki staðist.

Svo virðist sem bæði fréttaelítan og því miður stjórnmálaelítan vilji sem minnst af þessari baráttu vita. Ríkisfjölmiðlarnir flytja engar fréttir af baráttu samtakanna á sama tíma og ekki má fara Hamas fáni á loft nema RÚV sé mætt til að taka myndir og segja frá. En hvar eru þingmennirnir sem segjast styðja þessi málefni. Af hverju mætir ekki einn einasti þingmaður á þessa fundi? Ekki einn.

Það verður að herða baráttuna fyrir Ísland og íslenska þjóð. Við Landvarnarmenn og konur verðum að ná árangri til að koma í veg fyrir alvarlegra slys og atlögu gegn þjóðinni, en þegar er orðið. Við viljum fá að lifa við öryggi íslendingar og tala okkar eigið tungumál og munum ekki láta það gerast að Íslendingar, íslensk menning og tunga týnist í þjóðahafinu.

Athugasemdir

[Bragi Sigurðsson (IP-tala skráð) 17.8.2025 kl. 12:54]

þÞú gleymir að nefna að hugtakið "gegnsæi" er algerlega horfið. Öllu er falið fyrir okkur.

Hversu margar íbúðir eru tekin á leigu af sveitarfélögum undir flóttamenn, hælisleitendur, innflytjendur? Hversu margir fá helbrigðis og tannlæknisþjónustu á okkar kostnað? Hversu margar manneskjur koma hingað í nafni fjölskyldusameiningar og hver er aldursdreifingin? osfr, osfr. Öllu á að fela fyrir okkur, og ef þú spyrð þá hlýturðu að vera hægri öfgamaður eða þaðan af verra. 

Það þarf að koma fram hverjir það eru sem stjórna þessum innflutingi. Hverjir gefa fyrirskipanir um að þetta fjöldastreymi á velferðar-sníkjudýrum skuli halda áfram?

[Júlíus Valsson, 17.8.2025 kl. 12:58]

Þeir sem eru illa settir í þessa ágæta samfélagi okkar, ekki síst aldraðir og öryrkjar, ættu nú að eiga kröfu um ókeypis tannlækningar og forgang að heilbrigðiskerfinu á grundvelli jafnræðisreglu stjórndsýskulaganna. Annað er fásinna.  

[Jón Magnússon, 18.8.2025 kl. 10:13]

Hjartanlega sammála Bragi. En nú er reynt að fela upplýsingar um þessi mál eins og mögulegt er og hefur verið allan tímann síðan þessi innrás hófst.

[Jón Magnússon, 18.8.2025 kl. 10:14]

Hjartanlega sammála Júlíus. Það er algjörlega fráleitt að veita hælisleitendum algjöran forgang. 

[Jónatan Karlsson, 18.8.2025 kl. 10:53]

Þessi grein þín um sanngjarnar kröfur Íslendinga gagnvart óeðlilegri mismunun á kostnað fátækra heimamanna er tímabær og hárrétt.

Þessi mismunun og óréttlæti fer fram ýmist með beitingu þöggunar eða óskiljanlegri þátttöku stjórnvalda eftir því sem þeim hentar í öfgafullum innflutningi erlendra þurfalinga og það á kostnað aðþrengdrar alþýðu sem finnst réttilega að sér vegið.

Hitt er þér þó til vansa, að þú skyldir ekki geta á þér setið og þyrftir að kvarta yfir þeim löndum þínum sem reyna að láta í ljós stuðning við palestínsku þjóðina, sem á þessari stundu er hreinlega verið að útrýma af einmitt öðrum og illskeyttari landtökumönnum en þeir sem við erum að kljást við og það ýmist með beinum stuðningi, velvild eða aðgerðaleysi aðila t.a.m. á borð við þig.

[Jón Magnússon, 19.8.2025 kl. 09:00]

Þakka þér fyrir Jónatan. 

[Guðmundur Ásgeirsson, 19.8.2025 kl. 13:29]

Getur einhver bent mér á lög eða reglur gera hælisleitendum kleift að fá tannviðgerðir greiddar af ríkinu? Ég velti því fyrir mér hvort að konan sem þarf að neita sér um slíkt vegna kostnaðar gæti ekki átt kröfu á hendur ríkinu vegna stjórnarskrárbundins banns við mismunum á grundvelli þjóðernis?