Af hverju má ekki segja frá glæpum hælisleitenda

Venjulegt fólk í Evrópu furðar sig á því samsæri sem fjölmiðlar og yfirvöld virðast vera í þegar kemur að glæpum hælisleitenda. 

Þegar þúsundir stúlkna urðu fyrir kynferðislegu ofbeldi og nauðgunum í Köln á nýársnótt fyrir nokkrum árum þá þögðu allir fjölmiðlar og yfirvöld bæði borgaryfirvöld og lögregluyfirvöld neituðu að nokkuð hefði gerst. Þá komu samfélagsmiðlarnir fésbók og X í góðar þarfir og loksins urðu hefðbundnir fjölmiðlar og yfirvöld að viðurkenna lygarnar. 

Á fundi samtakanna þvert á flokka gerði einn ræðumaður þetta að umtalsefni og upplýsti að margfalt fleiri hælisleitendur fremja alvarlega glæpi hér á landi en aðrir og glæpir þeirra verða stöðugt fleiri og fleiri. Samt sem áður hafa fjölmiðlar ekkert um málið að segja og lögregluyfirvöld gera sitt til að fegra ástandið. Af hverju?

Í stórblaðinu Daily Telegraph í dag skrifar dálkahöfundur grein undir heitinu "Af hverju er svona erfitt að viðurkenna glæpi hælisleitenda" Þar rekur hann að hlutfallslega fremja hælisleitendur margfalt fleiri og alvarlegri glæpi en innfæddir, en að reynt sé að fela þessa staðreynd með öllum hætti af yfirvöldum þ.á.m. lögreglu og fjölmiðlum. 

Sama sagan virðist því miður vera að eiga sér stað allsstaðar í Evrópu, en fólkið veit að það eru alvarlegir hlutir að gerast og rís nú upp í vaxandi mæli víða um Evrópu og líka  hér á Íslandi og neitar að láta þetta yfir sig ganga. 

Við landvarnarfólk verðum að herða baráttuna fyrir því að geta lifað á Íslandi í öruggu þjóðfélagi og megum ekki líða það að fjölmiðlaelítan, lögregluyfirvöld og stjórnmálamenn ljúgi að okkur til að fegra ástandið.

Athugasemdir

[Ásgrímur Hartmannsson, 19.8.2025 kl. 11:34]

Ja, sko:

16% mannkyns er of vitlaust til þess að geta hugsað, þ.e.a.s. dregið sjálfstæðar ályktanir. (vandinn er ljóslega meiri en þetta, en látum þetta duga í þessu dæmi.)

Það fólk hefur kosningarétt.

Það fólk hefur allar sínar upplýsingar frá RÚV, eða ríkinu á annan hátt.

Það fólki mun kjósa stjórnvöld sem halda áfram að dæla inn sínauðgandi islamistum, vegna þess að þeim hefur verið tailin trú um að það sé svo gott.

Viðreisn fékk innan við 16%, og er nú við völd.