Þöggun og rétthugsun

Í fyrradag var Kastljósþáttur, þar sem alþingismaðurinn Snorri Másson og fulltrúi frá samtökunum 78 skiptust á skoðunum um málefni hinsegins fólks og transhugmyndafræðina. Snorri talaði fyrir sjónarmiðum með sama hætti og t.d. J.K.Rawlings höfundur Harry Potter bókanna og flestir sérfræðingar í líffræði. 

Umræðan í Kastljósþættinum var eðlileg skoðanaskipti í lýðfrjálsu landi. Umræða sem átti erindi til almennings. Þá bregður svo við, að ráðist er að Snorra fyrir skoðanir hans úr ólíklegustu áttum. Allir hefðbundnir fjölmiðlar ráðast að Snorra. Morgunblaðið birtir umfjöllun Dags B. Eggertssonar þar sem hann ræðst að Snorra og aðrir fjölmiðlar ráðast að manninum en fjalla ekki um efnisatriði. RÚV er með viðtalsþætti og dregur fram aðila sem sveipa um sig kufli fræðimannsins þegar þeir ráðast gegn líffræðilegum staðreyndum. 

Samt kastar tólfunum þegar biskupinn yfir Íslandi og Landlæknir blanda sér í umræðuna biskupinn á einhverjum astral vegum í dagatalsfræðum en landlæknir segir líffræðinni stríð á hendur í þágu transhugmyndafræðinnar lægra hefur íslenskur landlæknir aldrei lagst ekki einu sinni í Kóvídinu. 

Það er vert að gaumgæfa þegar fólk verður vitni að skefjalausri aðsókn að skoðunum einstaklings og tilraun til þöggunar og lítillækkunnar, að við mundum á stundum búa við Sovét-Ísland hvað tjáningarfrelsið varðar ef ekki væru til samfélagsmiðlar. 

Viðbrögð almennings á samfélagsmiðlum sýna að það er brýn þörf á að ræða þessi mál á forsendum heilbrigðrar skynsemi, en umfjöllun fjölmiðlaelítunar er öll á einn veg að þagga niður í frjálsum skoðanaskiptum um málið. 

Hart es í heimi þegar fjölmiðlar bregðast tjáningarfrelsinu.  

 

Athugasemdir

[Ásgrímur Hartmannsson, 3.9.2025 kl. 16:25]

Taktu eftir að árásirnar koma nær allar frá einhverju yfirvaldi.

Flestir eru sammála Snorra, en hafa hingað til verið þaggaðir niður.

[G Helga Ingadottir, 3.9.2025 kl. 17:54]

Mér finnst þetta vera ógnvænleg þróun og hef áhyggjur af barnabörnunum sem nú nota leik-og grunnskóla landsins. Börn eru svampar og auðvelt að ráðskast með heilabú þeirra, troða þar inn allskonar kenningum og bulli. Þetta vita t.d. Múslimar og kenna bara sínar kenningar, þetta vissi Hitler, hann byrjaði á æskunni með sinn heilaþvott og þetta vita íslensk stjórnvöld, hvað svo sem að vakir fyrir þeim.