Abbas forseti rak ríkisstjórnina í Palestínu.

Vinstri grænir lögðu fram tillögu til þingsályktunar um að Alþingi samþykkti að beina því til ríkisstjórnarinnar að hún viðurkenndi ríkisstjórn Hamas í Palestínu. Þingmenn allra flokka nema Frjálslynda flokksins tóku undir þessa tillögu og mæltu með henni.

Okkur í þingflokki Frjálslynda flokksins fannt nauðsynlegt að skoða málið til hlítar m.a. með tilliti til þess að Hamas hreyfingin eru skráð sem hryðjuverkasamtök bæði hjá Evrópusambandinu og Bandaríkjunum og á stefnuskrá samtakanna er að koma á klerkaveldi eins og í Íran og má Ísralesríki af yfirborði jarðar. Fleira þarf að skoða. Þess vegna vorum við ekki tilbúnir til að taka þátt í pópúlisma í þessa veru frekar en í öðrum málum.

Nú þegar tillaga vinstri grænna hafði verið rædd einu sinni á Alþingi og þingmenn allra flokka nema Frjálslyndra lýst stuðningi við að viðurkenna ríkisstjórn Hamas þá gerði Abbas forseti Palestínuaraba sér lítið fyrir og rak ríkisstjórnina.

Hefði ekki verið betra að skoða málin betur og leggja frekar fram tillögu um stuðning við velferðarstarf og uppbyggingu í Palestínu. Palstínumenn hafa þjáðst of lengi. Það þarf raunhæfar tillögur og stuðning til að hjálpa þeim frá því að verða leiksoppar öfga- og hryðjuverkasamtaka.

Athugasemdir

[Jón Valur Jensson, 15.6.2007 kl. 18:07]

Hér eru hreinar línur og skýrar: enga undanlátssemi við hermdarverkaöfl ! Þakka þér góðan pistil, nafni. En Abbas mátti víst þakka fyrir að sleppa lifandi frá þessum óvinafagnaði.

[Jón Valur Jensson, 15.6.2007 kl. 18:11]

Úpps! þarna var tengillinn víst ekki sá rétti. Hann er þessi hér!

[Loftur Altice Þorsteinsson, 15.6.2007 kl. 21:35]

Vinir hryðjuverkamanna eru fjölmargir á Alþingi. Einn þeirra er nýr utanríkisráðherra Íslands. Hér eru nokkrar setningar úr ræðu hans um tillögu VG til þingsályktunar:

En spurningin snýst kannski ekki um viðurkenningu á ríkisstjórninni heldur um eðlileg samskipti við stjórnina, bæði pólitískt og efnahagslega. Það er það sem norska ríkisstjórnin hefur ákveðið að gera. Hún hefur orðað það svo að hún hafi ákveðið að normalísera samskipti sín við þjóðstjórnina.

Virðulegur forseti. Ég tel mikilvægt að vinna að því að koma á eðlilegum samskiptum við þjóðstjórnina. Ég teldi mikinn feng að því ef væri hægt að ná það þverpólitískri samstöðu á þingi, hvernig að því er staðið. Ég vil líka að það komi fram að ég mun þann 20. júní hitta norska utanríkisráðherrann til að fara m.a. yfir þessi mál með honum og reyna að átta mig á því hvernig við Íslendingar getum komið að málum.

Þá hef ég sett af stað undirbúning fyrir heimsókn mína á þessi svæði til að kynna mér betur hvernig við getum orðið að liði í þessum heimshluta. Það er í samræmi við það sem segir í stjórnarsáttmálanum þar sem ríkisstjórnin lýsir því yfir að hún vilji leggja sín lóð á vogarskálar friðar í Írak og Mið-Austurlöndum, m.a. með þátttöku í mannúðar- og uppbyggingarstarfi.

Á bloggsíðu minni fjalla ég meira um afstöðu Ingibjargar Sólrúnar, undir fyrirsögninni: Ingibjörg Sólrún á leið til Palestínu.

Kveðja.

[Loftur Altice Þorsteinsson, 15.6.2007 kl. 21:46]

Reyni aftur:

Vinir hryðjuverkamanna eru fjölmargir á Alþingi. Einn þeirra er nýr utanríkisráðherra Íslands. Hér eru nokkrar setningar úr ræðu hans um tillögu VG til þingsályktunar:

En spurningin snýst kannski ekki um viðurkenningu á ríkisstjórninni heldur um eðlileg samskipti við stjórnina, bæði pólitískt og efnahagslega. Það er það sem norska ríkisstjórnin hefur ákveðið að gera. Hún hefur orðað það svo að hún hafi ákveðið að normalísera samskipti sín við þjóðstjórnina.

Virðulegur forseti. Ég tel mikilvægt að vinna að því að koma á eðlilegum samskiptum við þjóðstjórnina. Ég teldi mikinn feng að því ef væri hægt að ná það þverpólitískri samstöðu á þingi, hvernig að því er staðið. Ég vil líka að það komi fram að ég mun þann 20. júní hitta norska utanríkisráðherrann til að fara m.a. yfir þessi mál með honum og reyna að átta mig á því hvernig við Íslendingar getum komið að málum.

Þá hef ég sett af stað undirbúning fyrir heimsókn mína á þessi svæði til að kynna mér betur hvernig við getum orðið að liði í þessum heimshluta. Það er í samræmi við það sem segir í stjórnarsáttmálanum þar sem ríkisstjórnin lýsir því yfir að hún vilji leggja sín lóð á vogarskálar friðar í Írak og Mið-Austurlöndum, m.a. með þátttöku í mannúðar- og uppbyggingarstarfi.

Á bloggsíðu minni fjalla ég meira um afstöðu Ingibjargar Sólrúnar, undir fyrirsögninni: Ingibjörg Sólrún á leið til Palestínu.

Kveðja.

[Ragnar (IP-tala skráð) 16.6.2007 kl. 07:31]

Nú eru Hamasliðar búnir að hertaka skrifstofu Fatah og sást til þeirra traðka á mynd af Arafat á gólfinu og mundandi rifflum, grímuklæddir að vanda. Vill ríkisstjórnin virkilega stuðla að því að hryðjuverkemenn Hamas komist endanlega til valda í Palestínu??

[Sigurður Þórðarson, 16.6.2007 kl. 21:04]

Davíð tókst ekki að hemja verbólguna enda með hugann við Írak, þar sem öllu var komið í kaldakol  og flúði í seðlabankann.

Ingibjörg hefur engann áhuga á sjávarútvegsmálum enda ætlar hún að  redda málum í Palestínu.  Það  er feigðarflan og ég spái því að hún muni leita hælis í sjávarútvegsráuneytinu.