Stórhuga iðnaðarráðherra?

Iðnaðarráðherra trúr uppruna sínum virðist ásamt nokkrum gallhörðum Stalínistum trúa því að hjálpræðið og hagsældin komi frá ríkinu. Hann segist ætla sem mótvægisaðerð við þorskaflaskerðingum að búa til tugi nýrra opinberra starfa. Hvað þessir nýu opinberu starfsmenn eiga að leysa eða hvað þeir eiga að framleiða er annað mál.

Ráðherrar sósíalistaflokksins ráða sér varla fyrir gleði yfir því að aflaheimildir skuli hafa verið skornar niður svo þeir geti gramsað og úthlutað úr ríkissjóði í gæluverkefni að geðþótta. Slíkir ráðamenn eru ávísun á minnkandi hagvöxt og aukin ríkisútgjöld. Afleiðingin: Verri lífskjör. 

Mótvægisaðgerðir ríkishyggjunar munu ekki þjóna tilgangi.  Skyldi ráðherrum Sjálfstæðisflokksins ekki til hugar koma að besta mótvægisaðgerðin er að auka frelsi borgaranna til að stunda vistvæna atvinnu og veiðar  og jafnframt stuðla að frjálsum fjárfestingum í atvinnulífi á svokölluðum köldum svæðum.

 

Athugasemdir

[Löggilt mella í Þingholtunum (IP-tala skráð) 17.7.2007 kl. 20:43]

Það er búið að löggilda okkur mellurnar og hér er allt í blóma. Smjör drýpur af hverju strái og innflutningur hafinn á Viagra.

[Jón Aðalsteinn Jónsson, 17.7.2007 kl. 23:04]

Gæti verið eitthvað til í því að þetta sé einfaldlega aðgerð til að leggja jaðarbyggðir í eiði Þá geta efna menn keypt landnæðið og eiga þar með  bæði landið og miðin.

[Þórbergur Torfason, 17.7.2007 kl. 23:46]

Ertu ekki dálítið dómharður núna gagnvart nýjum ráðherrum sem hafa legið slefandi á hliðarlínunni, margir hverjir í hálfan annan áratug? Ég held að þessir einstaklingar eigi sér engin sérstök gæluverkefni í stjórnsýslunni og niðurskurðurinn á þorskafla hafi komið þeim jafnmikið á óvart og öðrum í þessu landi. En ef til vill sjá einhverjir sér leik á borði núna að reisa sér minnisvarða eins og svo títt er um stjórnmálamenn og hvað skyldi vera mesta hættan á að sjá rísa?

[Sigurður Þórðarson, 18.7.2007 kl. 00:08]

Hugmyndirnar Össurar ganga m.a. út á að efla fjarvinnslu og  dubba fiskvinnslukonur upp sem síma- og tölvuásláttardömur, þetta er nánast fyndið.  Hugmyndir Einars Kristins eru öllu geigvænlegri en hann hugleiðir að efla Fiskistofu og flytja starfssemina út á land. 

[Sigurjón Þórðarson, 18.7.2007 kl. 14:46]

Já Össur virðist iða í skinninu enda má hann ekki heyra á það minnst að fara yfri ráðgjöf Hafró og kanna hvort að niðurskurðurinn sé óþarfur, þrátt fyrir að hafa sjálfur sagt að það skipulag rannsóknanna sé sovéskt og andófsemnn séu beittir þöggun.

 Ég hef kannski misskilið Össur þegar hann ræddi um þetta sovéska skipulag ef til vill var hann að hrósa kerfinu?

[Ester Sveinbjarnardóttir, 20.7.2007 kl. 15:34]

Menn þurfa jú að framleiða einhverja vöru til að selja er það ekki svo störfin skapi arðsemi fyrir þjóðfélagið.