Í lagi að skjóta danska hermenn í Írak?

Farmbjóðandi "Einingarlistans" í Danmörku við næstu þingkosningar, Asmaa Abdol- Hamid sem hér er á myndinni hefur lýst þeirri skoðun sinni að það eigi ekki að kalla þá sem standa að sprengjutilræðum í Írak hryðjuverkamenn heldur séu þeir að verja landið sitt og hafi fullan rétt til þess að drepa andstæðinga sína. Danskir hermenn eru í Írak og samkvæmt þessari skoðun frambjóðandans hafa hryðjuverkamenn í Írak fullan rétt til að drepa danska hermenn í Írak.  Asmaa hefur líkt framgöngu hryðjuverkamannanna í Írak við dönsku andspyrnuhreyfinguna í seinni heimstyrjöld. Fróðlegt verður að sjá hvernig danskir kjósendur bregðast við þessum frambjóðanda.

Þetta framboð og þessi sjóanrmið sýna að það eru tvær þjóðir í Danmörku. Ákveðinn hluti Íslamista neitar að aðlaga sig að þjóðfélögum vesturlanda. Þannig er það um alla Evrópu.  Á sama tíma er kristinboð bannað að viðlagðri dauðarefsingu í mörgum Íslömskum ríkjum. Umburðarlyndi okkar á ekki að setja nein takmörk að mati margra og sumir vilja jafnvel að við fórnum mannréttindum á altari fjölmenningarsamféalgsins. Að mínu mati kemur það ekki til greina. Spurning er hins vegar hvaða kröfur gerum við til þess fólks sem sækir um ríkisborgararétt hér. Á það ekki að hlíta íslenskum lögum og berjast fyrir hagsmunum íslensku þjóðarinnar?

Danski farmbjóðandinn Asmaa telur greinilega ekki að það sé hennar hlutverk. Hjarta hennar slær ekki með eða fyrir danska hermenn í írak heldur með hryðjuverkamönnunum sem hún kallar frelishetjur. Einhverntímann hefði svona afstaða verið kölluð landráð. Umburðarlyndið hefur e.t.v. þurkað það hugtak út?

Athugasemdir

[Lesandi Vikunnar (IP-tala skráð) 24.7.2007 kl. 13:45]

Á hvaða forsendum réðust Bandaríkjamenn og bandamenn þeirra inn í Írak og hvaða rétt höfðu þeir til þess, samkvæmt alþjóðalögum? Ef ég er sama sinnis og Asmaa eru þá ekki tvær þjóðir á Íslandi? Og enda þótt ég væri ekki sama sinnis og Asmaa eru þá ekki tvær þjóðir á Íslandi samt sem áður?

[J. Einar Valur Bjarnason Maack , 24.7.2007 kl. 13:45]

Jón minn, þó ég sé að mörgu leiti sammála þér þá er ekkert til sem heitir Íslamisti, enda ekkert til sem heitir Íslamismi, heldur Íslam, fylgismenn þess kallast múslimar.

Danir ættu að vera fyrir löngu búnir að draga herlið sitt úr Írak, enda fásinna að fylgja BNA í utanríkisstefnu þeirra. Bandaríkjamenn sjálfir ættu sérstaklega að varast að tala um hryðjuverk, enda var það stimpillinn sem stofnfeður BNA höfðu á sér að hálfu Englandshirðar í Frelsisstríðinu. Það er líka vitað að fyrir hermönnum og þegnum Þriðja Ríkisins voru andspyrnuhreyfingarnar hryðjuhópar.

Terrorismi er hugtak sem hefur breytt um merkingu frá þeirri upprunalegu þar sem hin upprunalega var sú þegar ríki nota hryðjur (oft með því að sprengja eigin staði og saka tilbúna óvini um verknaðinn, samanber Piazza de la Fontana (Strategia della Tenzione, Ítalíu sjöunda og áttunda áratug 20 aldar) og Reichstagbrunann til þess að skerða réttindi borgara.
Það mætti segja að Patriot Act lög Bush séu hreinn Ríkis-Terrorismi, sem er upprunaleg merking orðsins, þó ég sé ekki að segja að núverandi ríkisstjórn BNA hafi staðið á bakvið 9/11 er nokkuð augljóst að hún hefur nýtt sér þau voðaverk til þess að kreppa takið á saklausum borgurum.

Ég verð stöðugt fyrir meiri og meiri vonbrigðum með nágrannalönd okkar fyrir stuðning við þessa vitleysu.

Ef hjarta einhvers slær með 'vores Danske soldater' þá viljum við þá aftur heim til baunaríkis, í stað þess að láta skjóta þá í ókunnugu landi, af fólki sem vill þá ekki þarna, í stríði sem var hafið af leiðtogum annars ríkis fyrir dularfullar og órökstuddar ástæður. 

[Úlfar Þór Birgisson Aspar, 24.7.2007 kl. 13:48]

Ég veit ekki hvernig best er að setja inn athugasemd við þetta blogg Jón.Nema að einu leiti segum sem svo að ákvörðun muni verða tekin af sameinuðu þjóðunum um að við í okkar villimennsku skulum enn veiða hval og hlýðum ekki neinum þjóðum í þeim málum.

Á okkur verður ráðist og sagt vera að frelsa lýðinn undan ábyrðarleysi stjórnvalda og þingmenn í felum um allt land,svo best væri bara að sprengja nokkur brúðkaup og þessháttar enda eigum við fullt af hvalveiðibátum og búnaði sem auðvitað er stórhættulegur.Og auðvitað væri hugsun sameinuðuþjóðanna slík að helst bara þurrka út þetta bull allt hvernig myndir þú bregðast við maður sem á ættingja um allt land og værir sjálfur flúinn til annars lands.

Við verðum að muna að múslimar eru og verða múslimar og eru þessvegna ekki kristin trúar og ég er alls ekki að réttlæta neitt hér heldur minna okkur á umburðarlyndi til annara og muna hvaðan við komum og hvaðan,við erum öll börn guð og þú ert eins og ég duft í augum guðs.

[Baldur Fjölnisson, 24.7.2007 kl. 14:24]

Þeir eru þarna á fölskum og upplognum forsendum og leppar Breta í Kaupmannahöfn (Danmörk hefur verið leppríki Bretlands síðan Nelson  eyddi danska flotanum fyrir 200 árum) bera fulla ábyrgð á þeim og þeirra afdrifum. Þar sem þetta ólöglega hernámslið þrjóskast við hafa sig á brott er ekki óeðlilegt að heimamenn í Írak beiti tiltækum aðferðum til að koma þessu af sér. Það gerðu Danir, Norðmenn, Frakkar og fleiri í seinni heimsstyrjöldinni og Nasistar kölluðu það að sjálfsögðu terrorisma enda mentalítet þeirra svipað og þeirra sem svíkja af stað stríð á upplognum forsendum þessi árin.

[Héðinn Björnsson (IP-tala skráð) 24.7.2007 kl. 14:39]

Frambjóðandinn er aðeins að þylja upp hvað stendur í samþyktum Sameinuðu Þjóðana, að fólk hafi rétt á að nota vopnavald til að hrekja inrrásarher út úr landi þeirra. Kommarnir í Enhedslisten hafa alltaf talið þennan rétt mikilvægan og er þetta stjórnmálaskoðun alls flokksins. Það ætti því að vera augljóst að skoðun hefur ekkert með trúarskoðanir hennar að gera.

Það er að vísu nokkuð ný staða að danskir hermenn tak þátt í hernámi annara landa en Danir verða að venja sig við að árásir á hermenn hernámsveldis ekki eru terrorismi.

[J. Einar Valur Bjarnason Maack , 24.7.2007 kl. 14:58]

Ég sver, sem ég stend og skrifa, að ef innrásarher ræðst einhverntíman inn í okkar land, skal ég fyrstur grípa til vopna, þjóðfrelsinu til heilla, sama hvort ég verði sakaður um hryðjuverk eður hetjudáðir. Hver sá sem ann sínu landi gerði slíkt hið sama.

[Baldur Fjölnisson, 24.7.2007 kl. 14:58]

Það er mikilvægt að hafa í huga að réttlætingar, lygar og falsanir Hitlers stjórnarinnar í denn líkjast mjög aðferðum fasista nútímans enda læra börnin jú það sem fyrir þeim er haft og þar að auki hafa menn logið og svikið stríð af stað á upplognum forsendum árþúsundum saman. Stríð Hitlers voru að sjálfsögðu "fyrirbyggjandi" og í "varnarskyni" - frá sjónarhóli nasistanna. Andspyrna gegn hernámsliði nasistanna og leppum þeirra var síðan kölluð terrorismi. Að sjálfsögðu snúa fasistar nútímans og aðdáendur þeirra þessu öllu á haus að vild og eftir hentugleikum.

[Sverrir Friðþjófsson (IP-tala skráð) 24.7.2007 kl. 15:23]

Ég er nokkuð viss um það Jón minn að ef Sovétmenn hefðu ráðist inn í Ísland með vopnavaldi fyrir 30 árum þá hefðir þú ekki kallað þá Íslendinga hryðjuverkamenn sem hefðu barist á móti þeim. Það er greinilegt á þínum skrifum að þú gerir greinarmun á því hverjir ráðast inn í lönd með vopnavaldi. Írakar eiga að "falla fram og tilbiðja" "frelsarana" frá USA á meðan þú studdir alla mótspyrnu Ungverja ´56 og Tékka ´68. Hver er munurinn? - Ég er sammála þér í því að ef að útlendingar vilja búa hér á landi verða þeir að aðlaga sig okkar þjóðfélagi. Í Íslensku orðabókinn segir að orðið frjálslyndur þýði umburðalyndur; hvar er þitt umburðarlyndi?

[Júlíus Sigurþórsson, 24.7.2007 kl. 15:49]

Það væri svo sem fyrir sig ef þeir héldu sig við að sprengja "útlenda" hermenn. En þegar lang stærsti hluti þeirra sem falla fyrir sprengjum þeirra eru samlandar þeirra, hvað kallið þið það?

Í raun eru þeir bara að sprengja allt sem þeir komast í að sprengja. Konur, börn, hermenn, samlanda og nágranna. Hvað kallið þið það? Andspyrnu? Ég held að allir þeir sem stunda hryðjuverk séu andspyrnumenn í huga sér. En þeir sem verða fyrir árásum þeirra hafi önnur orð í huga.

Að bera saman veru Bandaríkjamanna og bandamanna þeirra í Írak við Nasista er náttúrulega fjarstæða. Hitler vann að 1000 ára ríki sínu og heimsyfirráðum. Hann hirti öll auðæfi hernumdra landa og batt þegna þess í þrældóm. Kaninn er að þjóðnýta sín auðævi í hernumda landinu og þjóðnýtir eigin þegna í þágu þess hernumda. En engin er hnepptur í þrælabúið og heimamenn hafa drepið mikið fleiri Íraka heldur en bandamenn hafa gert.

[Baldur Fjölnisson, 24.7.2007 kl. 16:10]

Þetta snýst fyrst og fremst um að stela auðlindum annarra og auðvitað að meina keppinautum um aðgang að þeim. Öll heimsins óskhyggja fær því ekki breytt. Svo er þetta líka trúarlegs eðlis (trúarrugludallurinn í Hvíta húsinu lét hafa eftir sér að guð hefði skipað sér að ráðast á Írak og Al-Queida) - sem sagt enn ein krossferðin. 

Margir eru ótrúlega trúgjarnir og virðast aldrei geta skilið að sjúklega raðlygara ber að nota sem gagnvísi (jafnvel þó þeir séu einkavinir Davíðs Oddssonar - eða kannski sérstaklega þess vegna? )

Það er nauðsynlegt að rétta yfir stríðsglæpamönnum sem svíkja af stað stríð á upplognum forsendum og stunda hryðjuverk, pyndingar og fjöldamorð. Það var nauðsynlegt þegar tókst að stoppa fasistahyski fyrir 60 árum og er algjörlega nauðsynlegt núna. Það er rétt að hafa í huga að geðsjúklingar í æðstu stöðum í BNA trúa algjörlega gömlum trúarskræðum og á heimsendi sem þær boða sem eðilegt ferli til að komast til himnaríkis. Auðvitað er erfitt fyrir margan hundheiðinn landann að skilja slíkan hugsunargang en þessir geðsjúklingar eru sem sagt í aðstöðu til að hreinlega láta þessa spádóma rætast. Aftur; öll heimsins afneitun fær ei þessum alvarlegu hlutum breytt. 

[Ragnar L Benediktsson, 24.7.2007 kl. 16:16]

Er ekki bara best að muslimarnir fari heim til sín og lagi það sem þeim finnst ekki í lagi þar, en láti okkur hér í vestur evrópu um okkar mál.

Vestur evrópulöndin ættu eft til vill að hætta afskiptum af múslimaríkjunum og láta þau sjá um sín mál.

[Jón Magnússon, 24.7.2007 kl. 18:50]

Það má ekki rugla saman afstöðu til innrásarinnar í Írak og yfirlýsinga að það sé í lagi að drepa hermenn frá eigin landi. Ég hef ítrekað gagnrýnt innrásina í Írak. Ég tel líka að kalla eigi erlendan her frá landinu líka dönsku hermennina.  Ég vil líka láta kalla íslensku "friðargæsluliðana" í Afghanistan heim. Þó ég sé afskaplega mótfallin því að þeir skuli hafa verið sendir til Afghanistan þá óska ég þess að þeim verði ekki gert mein og þeir komist heim heilu á höldnu. En danski frambjóðandinn er á annarri skoðun varðandi eigin hermenn.  Ef landið þitt á í ófriði jafnvel þó þú sért á móti ófriðnum þá stendur þú samt með þínum mönnum. Krakkarnir sem hafa verið sendir til Írak bera ekki ábyrgð á ófriðnum þar.

[Baldur Fjölnisson, 24.7.2007 kl. 18:59]

Þetta hangir allt á sömu spýtunni. Það er út í hött að vera á móti herstjórninni og stríðsrekstri hennar (í þessu tilfelli dönsku ríkisstjórninni, lepp Bretlands og BNA) en með restinni af hernum.

Þetta er allt sama maskínan.

[Halldór Jónsson, 25.7.2007 kl. 00:06]

Þarna sjá menn hversu lítið okkur vantar hér mosku fyrir múhameðsmenn. Í slíkar stofnanir flykkjast múllar með svipaðar skoðanir og þessi innflytjandi til Danmerkur og spilla æskunni með svona boðskap.

 Af hverju er þessi viðbjóðslega kelling  ekki bara rekin úr landi fyrir föðurlandssvik, svipt innflytjendapassanum.

Burt með ykkur eins og John Howard sagði við þá  múslíma í Ástralíu. Ef þið eruð ekki með okkur, samlagist okkur  og virðið okkar þjóð, þá burt með ykkkur.

[Gústaf Níelsson, 25.7.2007 kl. 00:50]

Það er augljóst Jón að mannvitsbrekkurnar af "félagsfræðikynslóðinni" láta einskis ófreistað svo grafa megi undan samfélagsgerð, sem sagði skilið við samtvinnum trúar og stjórnmála fyrir margt löngu. Gáfnaljósið Bjarnason Maack ber þar af sem gull af eiri. Ekki einu sinni hinn danski Steingrímur Joð gat tekið undir málflutning hinnar hugprúðu Asmaa. Jafnan þegar mælaborðið í bílnum okkar sýnir rauð ljós, er farið á verkstæði. Sumir sinna slíkum aðvörunum í engu og bera skaða af. Öll rauðu ljósin blikka nú skært á Vesturlöndum, vegna "fjölmenningarhyggjunnar", en enginn ætlar að hitta viðgerðarmanninn. Nema kannski þegar hann birtist í mynd einhvers skelfis. Er verið að bíða eftir því?

[Jón Steinar Ragnarsson, 25.7.2007 kl. 02:22]

Common strákar. Danir eru hluti af innrásarher í þessu landi. Hluti af innrás, sem var bæði ólögleg og tilefnislaus.  Mér finnst gott að konan tjái sig um þetta og geri okkur ljóst hvernig þetta horfir við Írökum.  Glæpahyski veður uppi í landinu þeirra rænandi og drepandi börnin þeirra svona til að hnykkja á áratuga svelti og viðskiptabönnum, sem lagði þessa þjóð á hnén.  Getur hún haft aðra afstöðu? 

[Ásthildur Cesil Þórðardóttir, 25.7.2007 kl. 10:24]

Klukk á þig Jón Magnússon, þú ert komin í klukkleik, þar sem þú setur upp þráð með 8 atriðum sem fáir vita um þig, segir hver klukkaði þig og klukkar svo 8 einstaklinga, nefnir þá hér, og klukkar þá svo á þeirra heimasíðu. 

[Jón Magnússon, 25.7.2007 kl. 11:31]

Ég er svo frumstæður bloggari Ásthildur að ég skil ekki hvað þú átt við með klukk. En hvað gerði ég til að verðskulda klukkið?

[Baldur Fjölnisson, 25.7.2007 kl. 12:38]

Það þýðir ekkert að vera vælandi yfir þessum herjum á einhverjum þjóðernis- og rómantíkurnótum. Þetta eru valdatæki ríkisins og ríkið hefur einkaleyfi á beitingu ofbeldis og síðan stilla fjármagnsöflin síkópötum í stjórn með aðstoð fjölmiðla sem líka eru í vasanum á sömu öflum. Þetta höfum við séð gerast í sögunni eiginlega forever. Haldið þið að heilaskemmd fyrrverandi fyllibytta og dópisti á borð við Bush fari bara upp á sápukassa á einhverju torgi og lýðurinn standi á öndinni og flykkist í hrönnum til hans? Nei, þessir lyga- og falsanasjúku rugludallar sem við sjáum við stjórn austan hafs og vestan eru sérpikkaðir. Ef þú rekur bílasölu ræðurðu varla sölumann sem getur ekki logið af hugsjónaástæðum, eða hvað?

Stríð er siðdrepandi óþverri og öll stríð eru login af stað á fölskum forsendum. Heil áróðursmaskína sér síðan um að rómantíisera óþverrann og nóg er af nytsömum sakleysingjum sem gleypa við því. En tímarnir eru samt mikið að breytast. Upplýsingin er altaf að aukast. Menn þora að tjá sig. Það þýðir ekkert fyrir einhverjar risaeðlur að vera í fýlu þó fólk lesi fleira en moggann.

[Klakinn (IP-tala skráð) 25.7.2007 kl. 13:13]

Það sem ég skil ekki alveg við þessa múslima. Af hverju eru þeir ekki bara heima hjá sér heldur en að vera að þvælast til landa eins og Danmörku þar sem þeir finna allt að öllu.

[Hallgrímur Egilsson, 25.7.2007 kl. 13:34]

Jón, þú hefur kannski ekki tekið eftir því, en það er stríð í gangi í Írak og þessi stúlka sagði aldrei að það væri í lagi að drepa Danska hermenn. Hún talaði um að þessi her sem er í landinu er innrásarher og því ætti ekki að tala um þá Íraka sem berjast fyrir frelsi landsins sem hryðjuverkamenn.

Prófaðu að snúa þessu aðeins við, hvað ef Íraski/múslimski herinn hefði ráðist inn í "Hinn vestræna heim". Mundir þú þá kalla andspyrnuhreyfinguna/arnar hryðjuverkasamtök?

[Baldur Fjölnisson, 25.7.2007 kl. 13:40]

Tók reyndar eftir þessu en kunni ekki við að gera því skóna að blessaður þingmaðurinn væri etv. með vanþróaðan eða jafnvel hentugleikadrifinn lesskilning.

[Sigurður Þórðarson, 25.7.2007 kl. 15:46]

 Boxarar fara í hringinn til að rota eða verða rotaðir. Hermenn fara í stríð til að drepa eða verða drepnir. Ég myndi frábiðja mér einhverja múslimska heri hérna í N-Evrópu.   Þessum dönsku hermönnum var ekki boðið til Írak.   Hvað er þá málið?

Hitt er rétt að fjölmenningarsamfélag er dans á þyrnirósum.  

[Sigurður Þórðarson, 25.7.2007 kl. 15:47]

Þessum dönsku hermönnum var ekki boðið til Írak. Þeir eru þar heldur ekki í neinu kristniboðs- eða sunnudagaskólastarfi.  

[Baldur Fjölnisson, 25.7.2007 kl. 16:38]

Segi það líka. Í Danmörku er ekki almenn herskylda og því velja menn sér þetta starf sjálfir. Hermennska snýst um að drepa og limlesta og vera drepinn og limlestur. Þetta er sem sagt siðdrepandi óþverri sem eyðileggur þá sem taka þetta að sér. Til að selja óþverra þarf síðan öflugar auglýsingaherferðir og í þessu tilfelli birtist það í að óþverrinn er yfirleitt réttlættur frá þjóðernis- eða trúarlegum vinklum með rasísku ívafi. Það þarf víst ekki að minna á dæmin úr sögunni. Hjólið var ekki fundið upp í gær og trixin eru sem sagt gamalkunnug. 

[Óskar Helgi Helgason (IP-tala skráð) 26.7.2007 kl. 00:04]

Heill og sæll, Jón og aðrir skrifarar !

Þakka þér afbragðs góðan þátt. Tek undir hvert orð, en.......... vil ganga mun lengra.

Halldór verkfr. og Gústaf eiga einnig góðar kollgátur, og skynsamlegar.

Með beztu kveðjum / Óskar Helgi Helgason