Dýrt bensín.

Á sama tíma og sumir seljendur bensíns auglýsa í gríð og erg ódýrt bensín þá æðir bensínverð upp úr öllu valdi. Í þetta skipti er það ekki olíufélögunum fyrst og fremst að kenna heldur hækkuðu heimsmarkaðsverði.  Hinu má ekki gleyma að ríkissjóður Íslands er stærsti og heimtufrekasti olíufurstinn í landinu. Með hækkandi verði á bensíni og olíluvörum fær ríkissjóður verulega auknar tekjur. Á sama tíma hækka lán þeirra sem eru með vísitölutryggð lán vegna þess að olíuverð í heiminum hækkar.

Seðlabankinn hækkar og hækkar stýrivexti að því er bankastjórn Seðlabankans segir til að halda verðbólgu í skefjum. Á sama tíma aukast álögur ríkisins og samkvæmt fjárlagafrumvarpinu þá á að auka ríkisútgjöld langt umfram verðbólgu.

Væri ekki ráð að ríkið tæki aukið tillit til venjulegs fólks og lækkaði álögur á bensín og olíur meðan bensínverð er í háhæðum. Með því mundi ríkissjóður leggja ákveðið að mörkum til að vinna gegn vaxandi verðbólgu og vinna gegn óeðlilegum hækkunum á lánum. Væri það til of mikils mælst af ríkisstjórninni að hún kæmi með þessum hætti til móts við hagsmunir borgaranna í landinu?

Þegar allt bendir til að Seðlabankinn og viðskiptabankarnir séu í sameiningu að valda kreppu á íbúðalánamarkaðnum hvað ætlar ríkisstjórnin þá að gera. Á ef til vill ekkert að gera. Það er nauðsynlegt miðað við þessar aðstæður að koma með mótvægisaðgerðir fyrir venjulegt fólk gegn okurvöxtum og okurverði á bensíni. Ríkisstjórnin hefur þau ráð í hendi sér.

Athugasemdir

[Bragi Þór Valsson (IP-tala skráð) 10.11.2007 kl. 19:49]

Sæll.

Ég þori nú að veðja að sú hin sama ríkisstjórn og þú ert að segja að ætti að lækka bensínskatta er ekki búin að gleyma því að fólkið í landinu hefur verið svikið allsvakalega af matarskattslækkuninni.  Ætli það hafi ekki verið um það bil 90% allra verslana og þó sérstaklega matsölustaða sem einfaldlega hækkaði álagninguna sína yfir nótt þannig að viðskiptavinurinn fann aldrei fyrir neinni lækkun.

Um leið og skattur hefr verið lækkaður (eins og á matvörunni) er engin leið fyrir ríkið lengur að hafa nokkra stjórn á verðinu. Þetta hlýtur að vera flóknara mál en að lækka bara bensínskattinn, þó eðlilega geri ég mér fulla grein fyrir því að ég hafi mun minna vit á því en þingmaðurinn.

[Árni Gunnarsson, 10.11.2007 kl. 21:53]

Hvernig væri að efla verðlagseftirlit og koma því í það horf að það veki einhvern ótta? Það var ákaflega sannfærandi og verðugt að sjá Spaugstofuna fjalla um málið í kvöld.

(Ég var ekki að meina spaugstofuna Alþingi.) 

[haraldurhar, 11.11.2007 kl. 00:20]

Bensin er ekki dýrt má þakka það meðal annars Hr. Davíð, sem með vaxtaokri greiðir niður gjaldeyrir, eðlilegt benzinverið miðað við heimsmarkaðsverð í dag væri ca 200 kr. líter.  Einning má sjá ´það á bílaeign landsmanna að benzin er ódýrt þar sem allir sem vettlingi geta valdi kaupa helst bíl sem er 2 tonn eða þyngi.  Láttu það nú vera að reyna klípa af bensinskattinum, ekki veitir að honum til að greiða fyrir aukinn útgjöld hjá Birni Dómsmálaráðherra venga öryggismála, leyniþjónustu sérsveitir, varnir geng hryðjuverkum, ríkislögreglustjóraembættið, landhelgisgæslu þyrluflota, svo maður tali nú ekki um öryggiseftirlitið í Leifstöð, og kannski þarf að ráða einn mann til að salta flugbrautirnar.

    Björn segir að standi ógn að okkur úr öllum áttum, og ekki gleyma því að Rússarnir eru farnir að fljúa aftur á Björnunum yfir landið, svo maður sefur varla af ótta við utanaðkomandi árás.