Er allt í lagi að brjóta lög af því að engin eru viðurlögin?

Prófessor við Lagadeild Háskóla Íslands bendir réttilega á það að það séu engin úrræði hjá Sameinuðu þjóðunum til þess að fylgja niðurstöðum Mannréttindanefndarinnar eftir.  Hins vegar telur prófessorinn að það þurfi að skoða þessa niðurstöðu mjög alvarlega og reyna eins og unnt er að fylgja henni. Vandinn segir prófessorinn vera þann að niðurstaðan sé óskýr og rökstuðningurinn mjög knappur.

Það er rétt hjá prófessornum að það eru engin úrræði til að fylgja niðurstöðunum eftir. Það er enginn lögregla Sameinuðu þjóðanna í þessu efni. Þess vegna líðst þjóðum eins og t.d. herforingjastjórninni í Búrma, stjórn Mugabe í Zimbabwe og ýmsum fleiri stjórnum í ríkjum heimsins að brjóta mannréttindi án þess að gripið sé í taumana en viljum við vera í þeim hópi.

Spurning er síðan hvað með bótarétt þeirra einstaklinga sem að úrskurðarnefndin segir að eigi bótarétt. Munu íslenskir dómstólar hafna niðurstöðu mannréttindanefndarinnar í því efni. Mér er nær að halda að svo yrði ekki. En þá er spurningin ef þeir einstaklingar sem þarna fóru í mál eiga bótarétt eiga þá ekki fleiri bótarétt.

Ég get ekki séð að ríki sem vill ekki tryggja borgurunum sínum grundvallarmannréttindi eins og þau sem mannréttindanefndin telur að séu ekki fyrir hendi hér, eigi erindi í Öryggisráð Sameinuðu þjóðanna.

En hér er bara spurning um vilja. Vilja íslensk stjórnvöld virða mannréttindi?

Vilji er allt sem þarf.

Athugasemdir

[Baldur Fjölnisson, 11.1.2008 kl. 21:23]

Löglegt en siðlaust en þar sem siðvillingar hafa ekki enn sett lög til að girða fyrir siðvillu sína og sinna kostenda/eigenda (hver vill fremja harakiri) þá er þetta allt í þessu fína.

Hvernig komst þessi ruglustrumpur í að heiladrepa fólk í lagadeildinni? Skipaði einhver sálufálagi hans hann eða datt hann kannski random  ofan úr himninum?

[Baldur Fjölnisson, 11.1.2008 kl. 21:34]

Við getum hugleitt þetta í breiðara samhengi. Við höfum horft upp á klepptækt erlent hyski ljúga af stað stríð með ótrúlegum lygavef og hérlenda sálufélaga og samsíkópata kóa með af áfergju. Þetta er náttúrlega ákveðið mentalítet. Það er nú ekki þannig að hjólið hafi verið fundið upp á Íslandi. Hugmyndafræðin hefur komið að utan. Löglegt en siðlaust. Síkópatar hagnýta sér ávallt þá möguleika sem bjóðast og eru snöggir að því.

[Baldur Fjölnisson, 11.1.2008 kl. 22:04]

Ef þú kóar með lygasjúkum siðvillingum og fjöldamorðingjum hvað segir það um þig sjálfan og þitt mentalítet og hugmyndafræði? Og ef auglýsingar í mogganum hafa logið þig á alþingi (ég er nú ekki sérstaklega að skjóta á þig Jón) og enginn heilvita maður tekur lengu mark á þér, er þá ekki bara að pissa í skóinn að setja þig í seðlabankann, forsætisráðneytið eða dómsmálaráðuneytið?

[Baldur Fjölnisson, 11.1.2008 kl. 23:12]

Rakettuvísinidi eru rosalega flókin, ég geri mér fulla grein fyrir því. Hvernig þetta helv. hyski getur lifað við sjálft sig er mér hulið, geðlæknar verða að greina það. Amen.

[Sigurgeir Jónsson, 12.1.2008 kl. 00:38]

Ekki er annað vitað en þessu máli og öðrum svipuðum hafi verð vísað til Mannréttindadómstólsins í Strassburg og verið hafnað þar.Dómar Mannréttindadómstólsins eru bindandi fyrir aðildarríki að honum.

[Árni Gunnarsson, 12.1.2008 kl. 01:09]

Mér fannst það koma skýrt fram í dag á Útvarpi Sögu í máli lögmannsins sem vann/ sótti málið fyrir hönd íslensku sjómannanna að umrædd Mannréttindanefnd myndi fylgjast með því að úrskurðurinn yrði virtur. 

Jafnframt bjóst hann við því að hann yrði þar sjálfur á varðbergi í tengslum við það eftirlit, en ekki þó beinlínis sem starfsmaður.  

[Halldór Jónsson, 14.1.2008 kl. 00:12]

Fari svo slysalega að dómarar í héraðsdómi, sem eiga auðvitað stöður sínar þar ráðherrum að þakka, launi illa ofeldið með því að dæma þessum sjómönnum bætur.  

Munu landsfeðurnir ekki láta fara fram könnun á því áður en að því kemur, hvort það sé ekki öruggt að dómararnir í Hæstarétti muni örugglega eftir því hverjir skipuðu þá ? 

Verður okkur í "vulgus indoctus"  þá ekki sagt að það kunni að verða nauðsynlegt að "styrkja Hæstarétt" sérstaklega svo hann geti dæmt þetta rétt ?

Það er ótækt að fá svona upphlaup á sig sí og æ þegar menn þurfa að fást við alvöruna sem fylgir hruni fiskistofnanna eftir aldarfjórðung í besta fiskveiðistjórnarkerfi heims. Sem sýnir að þorskurinn er hvorki sjálfstæðis-né framsóknarþorskur og ber því að útrýma.