Fleira fólk til Afghanistan. Hversvegna?

Nú eru 13 íslenskir friðargæsluliðar á vegum íslenska ríkisins í Afghanistan og til stendur að senda fleiri. Hvað er meiningin að senda marga í allt?  Upplýsingafullrtúi utanríkisráðuneytisins segir að meiningin sé að færa fólk aðeins meira í uppbyggingarstarf. Í havða starfi hafa friðargæsluliðarnir verið. Áttu þeir ekki allan tímann að vera í uppbyggingarstarfi?

Mér finnst sérkennilegt að ríkisstjórn Hamid Karsai sem setið hefur í 6 ár skuli ekki hafa getað byggt upp þann innri styrk gagnvart vondum Talibönum og öðrum óaldarlýð í landinu að ríkisstjórn hans stæðist ekki ef unglingar frá Vestur Evrópu og Norður Ameríku færu frá landinu og hættu að vera í fremstu skotlínu í átökunum í landinu.

Af hveru eigum við að skipta okkur af málum í Afghanistan?

Athugasemdir

[Heimir Lárusson Fjeldsted, 6.3.2008 kl. 19:33]

"Fleira fólk til Afghanistan. Hversvegna?"

Felst það ekki í starfsheitinu: "Friðargæsluliðar" ?

[Guðmundur Jónas Kristjánsson, 7.3.2008 kl. 01:08]

Algjörlega sammála þér í þessu Jón og vísa til bloggs míns í því
sambandi.........

[Jón Valur Jensson, 7.3.2008 kl. 03:42]

Svar mitt, nafni, er þetta: Af því að það er þörf á því – og okkur ber að gæta bróður okkar. Varla viltu fá nýja talibanastjórn á svæðið og gefa henni síðan færi á að útbreiða sínar öfgar út um Miða-Asíu og víðar? – Svo vísa ég til frekari skýringar til innleggja minna nýlegra á vefsíðu bloggvinar míns hans Guðmundar Jónasar hér fyrir ofan. Ég á þar tvö megininnlegg um Afganistanmálið.

[Ásthildur Cesil Þórðardóttir, 7.3.2008 kl. 09:50]

Veit ekki hvort þetta skilar neinum árangri.  Hefur verið gerð einhver úttekt á því hvort vera friðargæsluliða okkar skilar einhverjum árangri, eða eru þeir bara til skrauts ?

[Gullvagninn (IP-tala skráð) 7.3.2008 kl. 11:18]

Herinn okkar heim.  Leggjum hann svo niður, við eigum ekkert að gera með blóðug afskipti af fíkniefnalandbúnaði, og ekkert með her að gera yfirleitt!

[Auður H Ingólfsdóttir (IP-tala skráð) 7.3.2008 kl. 12:15]

Til skrauts.... Ég ætla að reyna að vera ekki móðguð og treysta því að þetta sé sagt í hugsunarleysi.

[Þóra Guðmundsdóttir, 9.3.2008 kl. 11:15]

Það hefur margsýnt sig að íhlutun af því tagi sem er í Afganistan ber ekki árangur nema þá síður sé. Talibanarnir máttu þó eiga það að þeir leyfðu ekki eiturlyfjaframleiðslu, útflutningur á þeim efnum hefur aldrei verið eins mikill og eftir að Bandaríkjamenn komu til.  Því er jafnvel haldið fram að þeir eigi stóran þátt í þeim iðnaði.