Yfirdráttarskuldir heimila aukast.

Í lok síðasta árs skulduðu íslensk heimili um 76 milljarða í yfirdráttarlánum. Vextir af yfirdráttarlánum eru nú á bilinu 17.5-24.45%. Þessi vaxtataka er gjörsamlega óviðunandi.  Sérstakir vanskilavextir, dráttarvextir eru 25% og eru því nánast orðnir þeir sömu og vextir af yfirdráttarlánum. Þetta vaxtaokur á almenning getur ekki gengið.  Venjulegt fólk verður að eiga kost á lánum á sambærulegum vöxtum og  annarsstaðar í okkar heimshluta. Nú eru vextirnir af þessum lánum um helmingi hærri en víðast hvar í nágrannalöndum okkar. Reikningsglöggir menn geta reiknað hvað það eru miklir fjármunir sem þannig eru teknir frá íslenskum heimilum á hverjum mánuði með okurvöxtum.

Finnst íslenskum stjórnvöldum, ríkisstjórn og Seðlabanka þetta ásættanlegt. Finnst þeim það viðunandi að fólkið í landinu búi við þessa afarkosti? Hægt er að svara þessu að hluta. Seðlabankanum finnst það allt í lagi og bankastjórn hans hefur sagt að ættu íslensk heimili kost á sambærilegum lánum og í nágrannalöndum okkar væri úti um stöðugleika í efnahagskerfinu. Hvaða stöðugleika? 

Þá er spurningin hvort ríkisstjórnin telji ásættanlegt að fjöldi heimila stefni í gjaldþrot?

Athugasemdir

[Ásgerður Jóna Flosadóttir, 7.3.2008 kl. 14:37]

Því miður Jón þá er stjórnvöldum nákvæmlega sama um þegna sína sem þeir sýna svo sannarlega í verki, því miður.  Ef verðbólgan fer á fullt verða mörg heimilin í landinu gjaldþrota.  En annars hvernig eiga stjórnvöld að geta sett sig í fótspor þegnanna, stjórnvöld þekkja ekki skortinn.

kkv.

Ásgerður Jóna

[Kári Harðarson, 7.3.2008 kl. 15:36]

Það gæti styzt í að öfgastefnur eins og fasismi nái tökum hér.

Stjórnvöld eru orðin full samdauna ríka fólkinu í landinu, þau munu fá  "ruddalega vakningu" fljótlega.

[Baldur Fjölnisson, 7.3.2008 kl. 18:55]

Evran hefur hækkað um nærri 50% síðan stýrivextir seðlabankans voru 10% fyrir nokkrum misserum (eru núna 13,75%) og er í algjörum sögulegum toppi gegn krónunni  og hlutabréfamarkaðurinn hefur hrunið um nærri 50% síðan í sumar og er enn á niðurleið. Ef þetta á að heita stöðugleiki hvernig skyldu þá þessir spekingar í stjórnarráðinu og seðlabankanum skilgreina óstöðugleika?

[Baldur Fjölnisson, 7.3.2008 kl. 19:09]

"""Richard Portes, professor of economics at London Business School and the author of an independent report on the Icelandic economy, says the CDS market has “basically closed down and is now a highly distorted market”. Thordor Pálsson, managing director of business development at Kaupthing, says: “The CDS market is opaque and you don’t know who the players are or what their intentions are. So you have two options: resort to conspiracy theories, or look at technical factors.”

He adds that Icelandic banks are often included in collateralised debt obligations, some of which are now being unwound.

Icelandic banks’ CDS are also used to hedge certain positions, and their volatility makes them a good tool for speculative bets on the market’s direction, he says.

But fundamental concerns are still playing a part, says Axel Swenden, credit strategist at BNP Paribas. “There is a general dislike of Iceland; every movement in the market gets magnified when it comes to Iceland.”

Another fear, he says, is that the government will be unable or unwilling to support the banks if they hit problems, given that the banks’ total assets far exceed Iceland’s gross domestic product.

“They need to disclose more about exactly what’s on their books and also about the ability of the government to support them. Because right now the market seems to be questioning that ability.”

Financial Times

http://www.ft.com/cms/s/0/626f1712-e956-11dc-8365-0000779fd2ac.html?nclick_check=1

Það þýðir ekkert fyrir stjórnvöldin að bera á borð innihaldslausa frasa en auðvitað er helsti veikleiki hálfvita (fyrir utan þann augljósa) að þeir vanmeta greindarstig annarra.  

[Baldur Fjölnisson, 7.3.2008 kl. 19:22]

Synthetic securities ...

T.d:

Asset-backed security

Collateralized debt obligation

Commercial mortgage-backed security 

Residential mortgage-backed security  

[Púkinn, 7.3.2008 kl. 19:37]

Og hvers vegna skuldar fólk á YFIRDRÁTTARVÖXTUM?  Í mörgum tilvikum er það einfaldlega vegna þess að fólk hefur lifað um efni fram - kann ekki að spara og leggja til hliðar til "mögru áranna".

Notkun á yfirdrætti til skamms tíma kann að vera óhjákvæmileg ef óvæntar aðstæður koma upp, en  þeir sem eru stöðugt með yfirdrátt í botni kunna einfaldlega ekki með peninga að fara.

[Guðrún Magnea Helgadóttir, 7.3.2008 kl. 19:42]

Núna ert þú Jón farinn að hljóma eins og jóhanna Sigurðardóttir .....Áður en hún varð félagsmálaráðráðherra í núverandi ríkisstjórn...Sjálfstæðis og Samfylkingingar-manna...

[Halldór Jónsson, 7.3.2008 kl. 20:10]

Sæll Jón góður 

Finnst þér að þessi yfirdráttarlán séu stjórnvöldum að kenna ? Af hverju eiga stjórnvöld að skipta sér af vöxtum á yfirdrætti ?

Eiga ekki vextir bara að vera svo háir sem til eru fífl að borga ?

Alveg eins og fólk trúir því að Baugur selji því ódýrt af því að þeir séu svo stórir og ráði allri verzlun í landinu.  Eins þó að flestir viti að allt kostar pí sinnum meira á Íslandi en annarsstaðar.

Af hverju eiga þá ekki vextir líka að vera pí sinnum hærri á Íslandi en annarsstaðar ?

[Baldur Fjölnisson, 7.3.2008 kl. 20:25]

Álþingi Íslendinga skipar stjórn Seðlabankans og stýrivextir og skammtímavextir og yfirdráttarvextir detta ekki bara random ofan úr himninum þeir eru ákveðnir af ákveðnum aðilum ef Hr. Halldór skyldi hafa gleymt því.

[Baldur Fjölnisson, 7.3.2008 kl. 20:52]

En maður þakkar bara sínum sæla fyrir mannvalið sem við höfum við stjórn seðlabankans á þessum erfiðu tímum. Formaður bankaráðsins er hinn þekkti hagfræðisérfræðingur Halldór Blöndal, formaður bankastjórnarinnar er snillingurinn Davíð Oddsson sem öll þjóðin elskar vegna einsmannslýðræðisástar hans og tríóið fullskipar síðan hinn heimsfrægi Hannes Hólmsteinn Gissurarson. Krónan er ennþá aðeins dýrari en klósettpappír og það er áreiðanlega þessum snillingum að þakka.

[Sævar Helgason, 7.3.2008 kl. 21:55]

Er þessi vaxtavandi ekki einfaldlega vegna ofurneyslu Íslendinga og lán á lán ofan til að fjármagna þessa ofureyðslu...sparnaður..óþekkt fyrirbrigði. Ef vextir yrðu lækkaðir...þá eykst eyðslan umfram efni bara meira og verðbólgan upp í himinhæðir..fólk hefur ekki unnið fyrir þessari ofneyslu-það á eftir að að borga "veisluna" einhvertíman í framtíðinni...

[Baldur Fjölnisson, 7.3.2008 kl. 23:23]

Það eru ekki nema sirka sex mánuðir síðan stjórnmálamenn gáfust upp á að hæpa þetta stórkostlega ástand hérna. Nei, þeir eru reyndar enn að. Hvað skapar væntingar? Hvað mótar okkar veruleikaskynjun? Dabbi og Dóri? Ruslpóstur sem eitt sinn var kallaður því virðulega nafni fjölmiðlar. Var það kannski bara eins og hvert annað slys að þetta þjóðfélag fór að snúast eingöngu um neyslu, afþreygingu og peninga?

[Guðrún María Óskarsdóttir., 8.3.2008 kl. 01:45]

Sæll Jón.

Það veitir ekki af að vekja athygli á þessari gígantísku stöðu sem uppi er hér.

kv.gmaria.

[Anna Benkovic Mikaelsdóttir, 8.3.2008 kl. 02:42]

Sammála Guðrúnu Maríu, en velti fyrir mér HVERJUM ERUM VIÐ AÐ BORGA?....VEISTU ÞAÐ jÓN?

[Haffi, 8.3.2008 kl. 08:03]

Jón, undarlegt að þú skulir ekki hafa bent á það í blogginu þínu að fólk ætti nú að fara greiða niður þessar yfirdráttarskuldir þar sem þær væru nú ekk gefnar. Það er nefnilega svo að fólkið sjálft tekur þennan yfirdrátt og eyðir honum í eitthvað sem það hefur áhuga á. -í stað þess að reyna spara fyrir því áður. Fólk hefur val. Fólk á ekki að spila sig sem saklaust fórnarlömb þegar talið kemur að yfirdrættinu. Yfyrdráttur er dýrt en fljótlegt lán, sem margur kann ekki að fara með, ekki skella skuldinni á bankana. 

[Predikarinn, 9.2.2008 kl. 10:42]

Það er ekki bönkunum að kenna ef fólk tekur í þeim lán. Fólk sem tekur lánin gengur að vaxtakjörunum vísum áður en lántakan er gerð. Sömuleiðis eru afborganir og vaxtaútreikningur lagður fyrir lántakann sem skrifar undir plaggið og staðfestir að hann hafi skilið kjörin sem boðin eru og hvað þau kosta hann á lánstímanum.

Já ég tek undir með Halldóri Jónssyni með feðgana í geislaBAUGssmiðjunni. Læt hér flakka með af því tilefni pistil sem ég lagði inn hjá Jóni M. eigi alls fyrir löngu :

 

Já ég tek undir með Höllu Rut. GeilaBAUGSfeðgar senda snattarana sína til að skoða verð hjá helsta samkeppnisaðila sínum og fer svo í tilfellum verðkönnunarvara eina krónu undir í verði. Fara ekki lengra en þeir bráðnauðsynlega þurfa til þess að koma best út í könnunum. Allt til að geislaBAUGSsmíðin komist til skila.

Alvöru lágvöruverðsverslun færi yfir innkaupsverð sitt og settist yfir það hver kostnaður verslunarinnar er við að halda opnu. Sömuleiðis hver álagning á hverja vöru þyrfti að vera til þess að ná inn kostnaðinum og að auki hæfilegan hagnað til þess að hluthafar svelti ekki (Jóhannes og Jón Ásgeir) og að verslunin geti aukið umsvif sín án lánsfjáraukningar og haldið í við nýja verslunarhætti. Þannig kæmi fram við þennan útreikning hver verðlagning þyrfti að vera án þess að miða við keppinautinn, heldur hvernig verslunin geti sem best gætt hagsmuna þeirra sem þeir gefa sig út fyrir að vera að gera : almennings-litla mannsins.

Núverandi fyrirkomulag kostar almenning milljarða á ári hverju í óþarflega háu verði nauðsynjavara.

Predikarinn, 9.2.2008 kl. 10:42

[Kolbrún Stefánsdóttir, 8.3.2008 kl. 22:16]

Sæll Jón. Eins og við vitum neyðir enginn láni upp á fólk hvort sem um er að ræða yfirdráttarlán eða önnur lán. Hins vegar er fólk fljótt að lenda í vítahring þegar það byrjar að skulda neyslulán vegna þessara háu vaxta. Ég er sammála Haffa upp á orð. Ég er líka sammála GMaríu það þarf nauðsynlega að vekja athygli á þessari ógnarstöðu og fá fólk til að draga úr neyslunni og skoða sinn lífstíl. Ég minni á að Ingólfur Ingólfsson fjármálaráðgjafi hefur verið að hjálpa fólki að taka á slæmri fjárhagsstöðu sinni en því miður er það oftar en ekki þegar fólk er komið í slæma stöðu sem það leitar sér aðstoðar. Ég skil ekki alveg spurningu Önnu hér að ofan en auðvita greiðum við bönkunum fyrir afnot af peningum sem við eigum ekki, þeir græða á vaxtamuninum sem þeir hafa milli inn- og útlána og þá er ágætt að vera hluthafi í banka þó mikið sé reynt að tala niður bréfin nú um stundir.  kveðja Kolla.

[Baldur Fjölnisson, 9.3.2008 kl. 22:13]

Töflur

• Erlend staða þjóðarbúsins

Lýsigögn

• Erlend staða þjóðarbúsins

Tímaraðir

• Erlend staða þjóðarbúsins

Annað tengt efni

• Erlend staða þjóðarbúsins og þáttatekjur (Peningamál, 2. hefti 2007)

Umsjón: Tómas Örn Kristinsson, upplýsingasviði. Netfang: [e-mail]



Formaður Bankaráðs Seðlabankans heitir Halldór Blöndal. Bankaráð Seðlabankans er skipað af Álþingi Íslendinga.

[Halldór Jónsson, 11.3.2008 kl. 03:19]

Mig minnir að gamli Sveinn hafi sagt fyrir löngu: Þetta er allt eitt allsherjarar fíflarí !

Ég held að að það sé hvorki hægt að hjálpa Jóni Magnússyni, Frjálslynda flokknum eða þaðan af siður þjóðinni til efnahagslegs skilnings. Lán er yfirleitt  ólán fyrir þann sem tekur. Bak við liggur sorgarsaga sem batnar ekki við að svipta lánveitandann eign sinni og færa vitleysingnum hana að gjöf.