Vörubílstjórar njóta samúðar en mega ekki ganga of langt.

Aðgerðir vörubílstjóra undanfarna daga hafa vakið verðskuldaða athygli og notið almennrar velvildar almennings þrátt fyrir að aðgerðirnar hafi hingað til bitnað á almennum borgurum í umferðinni. Bæði vörubílstjórum og venjulegum bifreiðaeigendum finnst ríkið leggja of miklar álögur á olíur og bensín.

Mikilvægt er fyrir vörubílstjóra að hafa almenning með sér í baráttunni. Aðgerðir eins og vörubílstjórarnir standa fyrir eru jú til þess að fá almenning til liðs við sig og gera ráðamönnum grein fyrir því hvað málið er alvarlegt. Það hefur vörubílstjórum tekist.

Vörubílstjórar mega vita það að ýmsir sem sitja á Alþingi þar á meðal ég telja nauðsynlegt að draga úr álögum ríkisins á bensín og olíur og við eigum þannig fulla samstöðu með Vörubílstjórum.  Ríkisstjórnin hefur hins vegar traustan meirihluta og án vilja ríkisstjórnarinnar og ríkisstjórnarflokkanna þá næst ekki sá árangur sem vörubílstjórar stefna að. Það hlítur því að vera umhugsunarefni fyrir vörubílstjóra hvort það er eðlilegt að beina mótmælaaðgerðum gegn Alþingi. Þá hlítur það líka að vera umhugsunarefni hvort ekki sé h ætta á að gengið verði of langt þannig að sú samúð sem vörubílstjórar hafa með málstað sínum snúist gegn þeim ef of lengi er haldið áfram með aðgerðir sem bitna fyrst og fremst á fólki sem hefur sömu hagsmuni og sjónarmið og vörubílstjórar.

Sturta möl fyrir framan Alþingi

Athugasemdir

[Jóhanna Magnúsar- og Völudóttir , 1.4.2008 kl. 08:03]

Heyrði af stoppinu í Ártúnsbrekkunni í útvarpinu í gærmorgun svo ég lagði hálftíma seinna af stað í vinnuna. Sem betur fer get ég mætt aðeins seinna - en eins og segir í auglýsingunni þá geta 15 mínútur, þegar mannslíf er í húfi, skipt miklu máli. Ég hef áhyggjur af því að ef að einhver fengi t.d. hjartastopp í röðinni þá yrði erfitt fyrir sjúkrabíl að komast að...  Styð aðgerðir (í hófi).

[dísa (IP-tala skráð) 1.4.2008 kl. 08:04]

Það er ekki hægt að ganga of langt !!!  þessi fáránlega ríkisstjórn á bara að hisja uppum sig buxurnar og hætta að hugsa um peninana!

 Hún neitar að hækka laun meira hjá almenningi svo bara já - hækkum bensín til að við fáum meira í okkar vasa og getum keypt okkur nýjan bíl á meðan hinir eiga ekki efni á bensíni til að komast til skóla/vinnu og kaupa mat!!

 þannig GÓ vörubílstjórar - gangið eins langt og þarf!  annars hlustar þetta snobb ekkert! það verður bara að taka til rótækra aðgerða!

Mætum sem flest í dag!!

[Davíð Þorvaldur Magnússon, 1.4.2008 kl. 11:04]

það er ekki ríkisstjórnin sem er að hækka eldsnetið

[Ásthildur Cesil Þórðardóttir, 1.4.2008 kl. 13:09]

Ríkisstjórnin getur gert aðgerðir til að minnka skaðan, með því til dæmis að lækka álagið.  Ég segi sama er hægt að ganga of langt.  Það er komin tími til að við förum að hafa hér almennileg mótmæli, sem tekið er eftir og vekja til umhugsunar. 

[Jón Magnússon, 1.4.2008 kl. 13:40]

Mér flaug í hug þegar ég var kominn á fund í Viðskiptanefnd í morgun að hugsanlega gæti þetta verið aprílgabbið með þessi mótmæli við Alþingishúsið. Ég hef ekki trú á að vörubílstjórar fari að sturta möl hér. En friðsamleg mótmæli þeirra og málstaðurinn eiga fullan rétt á sér.

[Guðrún Þóra Hjaltadóttir, 1.4.2008 kl. 16:16]

Ég sit heima hjá mér í Vesturborginni og heyri hljóðin frá mótmælunum niður í bæ.

Það versta er að stærsti hluti þjóðarinnar kýs Sjálfstæðisflokkinn sem jú stjórnar og heldur áfram að kjósa þá þó svo þeir geri mikið til að bæta sín kjör en mjög lítið til að bæta kjör hins almenna borgara.

[Halldór Jónsson, 3.4.2008 kl. 23:00]

Er fólki útilokað að skilja Milton Friedmann sem sagði : " There is no such thing as a free lunch "

Öfundarkommar, öryrkjar, gamlingjar, kennarar, ´- allt sama vælið: Meiri peninga frá ríkinu !

En hvaðan fær ríkið peningana ?

[Sigurður M Grétarsson, 6.4.2008 kl. 09:11]

Þegar ráðist er með jafn harkalegum hætti og flutningabílstjórar hafa gert geg fólki, sem hefur ekki vald til að taka þær ákvarðanir, sem verið er að krefjast, þá eru þeð ekki mótmæli helfur ofbeldi. Það að tefja þúsundir manna um klukkutíma á leið í og úr vinnu er ofbeldi. Það er ekkert, sem réttlætir svona aðgerðir. Það er hins vegar allt annað upp á teningnum með til dæmis aðgerðir 4x4, sem beindust beint gegn olíufélögunum en ekki almenningi.

Ég held að umburðalyndið gagnvart þessum aðgerðum snúist um það að meirihluti almennings styður þann málstað, sem flutningabílstjórar eru að berast fyrir. Það getur hins vegar ekki verið grunvöllur að spurningunni um það hvort tiltekin aðferð við mótmæli er réttlætanlega eða ekki. Annað hvort er í lagið að mótmæla með þessum hætti eða ekki óháð þeim málstað, sem veirð er að berjast fyrir.

Því spyr ég þá, sem verja þessar aðgerðir flutningabílstjóra. Ef þetta hefðu verið umhverfisverndarsinnar að gera kröfu um auknar álögur á bensín og díselolíu til að draga úr loson gróðurhúsalofttegunda mynduð þið þá telja í lagi að fara svona fram við mótmlæin? Með öðrum orðum, ef baráttumál þeirra, sem hefðu staðið fyrir þessum mótmælum væru ykkur ekki að skapi væri þá í lagi að mótmæla með þessum hætti?

Ég tek það fram að ég er ekki reiður og pirraður vegfarandi, sem hefur orðið fyrir töfum vegna þessara aðgerða. Ég fer nefnilega alltaf til vinnu á reiðhjóli og hef því ekki tafist neitt og mun líkega ekki tefjast neitt vegna þessara baráttuaðferða flitningabílstjóra.