Að sjálfsögðu.

Að sjálfsögðu á að fella eftirlaunalög æðstu embættismanna ríkisins úr gildi. Að sjálfsögðu á líka að afnema áunninn réttindi þeirra sem hafa fengið þau samkvæmt þessum ranglátu eftirlaunalögum.

Vafalaust spyrja margir hvort þeir sem hafi þegar fengið þau réttindi sem kveðið er á um í lögunum geti ekki farið í bótamál verði réttindi þeirra afnumin.  Ég segi þá skulum við láta þá einstaklinga sem það kjósa gera  það.  Láta hvern og einn standa fyrir máli sínu og opinbera sig fyrir þjóðinni. Það væri til afspurnar ef hálaunamennirnir í sendiherra- eða forstjórastöðunum sæktu mál gegn íslenska ríkinu til að geta haldið áfram að vera á tvöföldum launum.

Ingibjörg Sólrún hefur gefið afdráttarlausa yfirlýsingu. Hún er að vísu ekki talsmaður ríkisstjórnarinnar í þessu máli.  Því verður ekki trúað að hún gefi svona yfirlýsingar nema fyrir liggi vilji í ríkisstjórninni til að fella eftirlaunalögin úr gildi. 

Nú bíð ég spenntur eftir því hvað talsmaður ríkisstjórnarinnar í þessu máli og svo mörgum öðrum, Geir H. Haarde, hefur um málið að segja. Hann hefði átt að tjá sig um málið fyrstur ekki rétt?

Eftirlaunalög Alþingis verða felld úr gildi

Athugasemdir

[Ásta Erna Oddgeirsdóttir, 11.5.2008 kl. 23:59]

Já,það verður áhugavert að fylgjast með þessu og sjá hver útkoman verður. Gæti samt trúað að heitt yrði í kolunum á þingi þegar umræðan verður sett í gang    þá verður gaman að fylgjast með þingsjónvarpinu ,jibííííí

[Ásthildur Cesil Þórðardóttir, 12.5.2008 kl. 09:32]

Að sjálfsöðgu á að afnema þessi óréttlátu lög.

[Þóra Guðmundsdóttir, 12.5.2008 kl. 21:02]

Ég á nú eftir að sjá þetta verða að veruleika, mér segir svo hugur að hún meini þetta ekki í alvöru enda segir hún "ef víðtæk samstaða næst".

Réttast væri að hafa þetta þannig að réttindin næðust á fyrstu tveimur kjörtímabilum, á því þriðja stæðu menn í stað en á því fjórða færu þau að skerðast og svo féllu þau niður. Þá myndum við sennilega losna við þessa sem geta ekkert annað en verið þingi.