Rúmlega 17 milljarða tap á Orkuveitu Reykjavíkur.

Orkuveita Reykjavíkur tapaði rúmum 17 milljörðum á fyrstu 3 mánuðum ársins. Tapið þessa fyrstu þrjá mánuði nemur rúmlega 9 mánaða heildarrekstrartekjum fyrirtækisins.

Forsvarsmenn Orkuveitu Reykjavíkur segja að óhagstæð gengisþróun valdi því að tapið sé svona mikið. Skuldsetning fyrirtækisins í erlendri mynt er þá greinilega of mikil.

Sættir borgarstjórn Reykjavíkur sig við þessar skýringar á þessu gríðarlega tapi?  Auðvelt er að reka Orkuveitu Reykjavíkur með góðum hagnaði. Fyrirtækinu hefur því miður verið illa stjórnað í langan tíma og ráðist í gæluverkefni lokaða borgarstjórnarklúbbsins sem fyrirtækinu koma ekki við. Þar liggur hinn raunverulegi hundur grafinn.

Svona tap hefði aldrei orðið hefði Orkuveitan einbeitt sér að því verkefni að þjónustu viðskiptavini sían á þeim sviðum sem Orkuveitan á að gera.

Athugasemdir

[Gústaf Níelsson, 22.5.2008 kl. 20:22]

Það stendur nú ekki í kokinu á stjórnmálamönnum að henda út um gluggann 1000 milljónum vegna Bitruvirkjunar, vegna þess að Skipulagsstofnun sagði að svæðið, sem virkjunin átti að vera á, væri svo mikilvægt útivistar- og ferðamennskusvæði. Ég bara vissi ekki að Skipulagsstofnun ætti að hafa skoðun á útivist og ferðamennsku, en nú veit ég það.

[Jón Magnússon, 23.5.2008 kl. 00:15]

Ég er sammála þér. Þetta er með miklum ólíkindum en þessu verður að beina að hinum vísu Sjálfstæðismönnum sem stjórna traffíkinni í þessu efni.