Ársafmæli ríkisstjórnarinnar.

Ríkisstjórnin á eins árs afmæli í dag.  Eðlilegt er að óska stjórnarliðum til hamingju með daginn. Þjóðin hefur hins vegar ekki yfir miklu að gleðjast. Eða er það svo?

Hverju hefur ríkisstjórnin áorkað á valdatíma sínum?

Jú ákveðnir ráðherrar hafa staðið sig með ágætum. Félagsmálaráðherra hefur komið ýmsum umbótum fram fyrir aldraða og öryrkja í góðu samstarfi við stjórnarandstöðuna. Viðskiptaráðherra hefur einnig komið ýmsum góðum málum fram einnig í góðu samstarfi við stjórnarandstöðuna.

En stendur eitthvað annað uppr úr.

Með hvaða hætti hefur ríkisstjórnin brugðist við þeirri efnahagsvá sem fyrir hefur legið frá því s.l. haust að mundi skella á þjóðinni?  Því miður er lítið um aðgerðir. Þess vegna er fasteignamarkaðurinn hruninn. Þess vegna hefur gengi krónunnar fallið um rúm 20%. Þess vegna er atvinnuleysi að aukast og þess vegna sjá margar ungar fjölskyldur fram á slæma tíma  og skert lífsgæði vegna þess að unga fólkið í landinu þarf að greiða hærri vexti og verðtryggingu af lánunum sínum. Ríkisstjórnin sér ekki ástæðu til að koma lánamálum fólksins í landinu í sama horf og er í nágrannalöndum okkar.

Við erum með dýrasta mat í Evrópu og dýrustu lánin. Finnst stjórnarliðum það vera ásættanlegur árángur eftir eitt ár við stjórnvölin?

Athugasemdir

[Matthías Ásgeirsson, 23.5.2008 kl. 00:37]

Mikið óskaplega varð ég fyrir miklum vonbrigðum með málfutning þinn á þinginu í gær Jón.

Þegar við ræddum saman í Silfur Egils og eftir þann þátt í desember skyldi ég þig þannig að við værum nokkuð sammála í grundvallaratriðum.

Í dag er komið allt annað hljóð í skrokkinn og þú berst fyrir trúboði á vegum hins opinbera í stað þess að það sé á hlutverk foreldra.   Hvað varð eiginlega um frjálshyggjuna?   Frelsi einstaklingsins til að aðhyllast hvaða trúarbrögð sem er - eða engin, frelsi foreldra til að ala börn sín upp í trú - eða trúleysi.

[Guðrún María Óskarsdóttir., 23.5.2008 kl. 02:08]

Sæll Jón.

Því miður er þessi ríkisstjórn að virðist afar upptekin af kostnaðarsamri sýndarmennsku á erlendri grund þar sem tölurnar tala sýnu máli í ferðakostnaði utanríkisráðuneytisins, meðal annars.

kv.gmaria.