Obama æði.

Í skoðanakönnunum í Bretlandi og Þýskalandi hafa um 80% aðspurðra lýst yfir stuðningi við Barack Obama en aðeins um 20% við keppinaut hans John McCain.   En það eru ekki Bretar eða Þjóðverjar sem kjósa forseta Bandaríkjanna.  Samt sem áður sýna þessar skoðanakannanir og viðtökur sem Obama hefur fengið að Evrópubúar líta þannig á að Obama geti orðið góður forseti Bandaríkjanna. Obama geti lagfært það sem fór úrskeiðis á valdatíð George W. Bush jr.

Þó ég sé eindreginn stuðningsmaður Obama og telji hann líklegri til að færa Bandaríkjamönnum nýja von og græða þau sár sem óstjórn Bush hefur valdið þá má ekki ofmeta getu forsetans til að gera breytingar.  Forsetinn er bundinn af þinginu t.d.

Mér finnst sú stefnumörkun Obama að kalla herinn heim frá Írak og leggja áherslu á að ljúka ætlunarverkinu í Afghanistan vera skynsamlegri en sú stefna sem Bush fylgir. Samt sem áður hef ég verulegar efasemdir um að Bandaríkin eða NATO þjóðirnar eigi að skipta sér af málum í Afghanistan umfram það að þjálfa her, lögreglu og sinna mannúðar- og hjálparstarfsemi.  Þá hefur Obama nýlega lýst yfir vilja til að auka frelsi í milliríkjaviðskiptum sem væri kærkomið skref, ef hann kæmi því þá í framkvæmd fyrir þinginu.  Obama hefur gert þó ein alvarleg mistök, en það var þegar hann lýsti því yfir að Jerúsalem mætti aldrei skipta. Í vestur Jerúsalem búa Gyðingar en í Austur Jerúsalem að mestu leyti Arabar.  Hvorki Clinton né Bush gengu svona langt. Sem betur fer mun þó Obama hafa dregið í land með þetta og vonandi skipt um skoðun. 

Það er mikilvægt að fólk geti búið við frelsi og með reisn hvar svo sem það býr.  Stóra vandamál Bandaríkjanna gagnvart  arabaheiminum og raunar múslimaríkjunum er stefna þeirra gagnvart Palestínumönnum og Ísrael.  Obama ætti að hafa betri skilning á því en flestir aðrir, en það verður að  bíða og sjá.

Obama tekið sem rokkstjörnu

Athugasemdir

[Brynjólfur L. Jóhannesson (IP-tala skráð) 25.7.2008 kl. 08:49]

Var ekki mikill meirihluti Evrópubúa alltaf mjög hrifnir af Carter?  Hann var ein sá aumasti forseti sem Bandaríkin hafa haft.  Lét draga sig á asnaeyrunum í Íransdeilunni með arfavitlausum ráðgjafa, Ziebniew Brzezinski, sem að lokum leiddi til þess að Bandaríkjamenn voru rassskeltir af Írönum.

Ekki má heldur gleyma því hvernig Carter var barnalegur í samskiptum sínum og afstöðu til Sovétríkjanna.  Á valdatíma Carters blómstraði útþenslustefna Sovétríkjanna víða um heim, náðu hverju ríkinu á fætur öðru í Afríku og Latnesku-Ameríku undir sig, auk þess sem að þeir réðust inn í Afghanistan svo til fyrir framan nefið á Carter.

Nákvæmlega vegna afstöðu Carters og barnalegheita hans, líkaði (vinstrisinnuðum) Evrópubúum svo vel við hann og fannst hann einn besti forseti sem USA hafði haft í langan tíma. 

Vonandi verður Obama ekki eins barnalegur og einfaldur og Carter.

[Júlíus Valsson, 25.7.2008 kl. 14:11]

Obama hefur ýmislegt til brunns að bera. Hann er eldklár og hefur mikinn "kjörsjarma". Hann virðist vera sannur hugsjónarmaður. Það hefur einmitt verið skortur á hugsjónarmönnum í valdastólum heimsveldanna undanfarið. Svo hefur hann Hollywood með sér, sem er ekki svo galið í baráttunni um forsetasætið. Eftir að hafa horft á viðtöl við hann og hlustað á ræðu hans í Berlín í gær er ljóst að maðurinn er stjarna. Honum á eftir að ganga vel, það er enginn vafi.

[Bjarni Kjartansson, 30.7.2008 kl. 11:47]

Það er alveg sama hvor þeirra verður forseti, þeir sem valdið hafa munu áfram hafa þau.

Báðirhafa kropið og kysst á blóðuga feldi við Miðjrðarhafið.

Valdið verður áfram í þeim höndum, sem það hefur verið lengi þarna í BNA .

Ekki láta ljúga því að þér, að þar sé Lýðræðisþjóðfélag og ,,UPPLÝST" þar færir þú villur vegar.

Miðbæjaríhaldið

pollrólegur yfir þessu leikriti  vestra.