Heilindi og málefni í fyrirrúmi?

Það er ótrúlegt að fylgjast með ruglandanum í kring um slit meirihluta Sjálfstæðisflokks og Íslandshreyfingarinnar með Óalf F. Magnússon sem oddvita og borgarstjóra. Það lá fyrir í gær að nýr meirihluti Sjálfstæðisflokks og Framsóknarflokks yrði myndaður en samt sem áður láta allir sem við var talað í morgun eins og þeir vissu ekki neitt og allt væri á aumingja Huldu.

Það er síðan í samræmi við "heilindi og drengskap" Ólafs F. Magnússonar sem honum hefur orðið svo tríðrætt um að bjóða fólkinu sem hann sveik síðast upp í nýjan dans með sér og varamanni sínum. Sá varamaður afsagði þó Ólaf fyrir rúmum 200 dögum síðan. Ólafur F er ekki einn um að að sýna af sér "sérstök heilindi og drengskap".  Æðsta stjórn borgarinnar er með því marki brennd frá síðustu kosningum.

Ólafur vildi Tjarnarkvartett

Athugasemdir

[Dunni, 14.8.2008 kl. 18:45]

Hárrétt hjá þér Jón. Ólafur er aldeilis ekki einn um að sýna af sér "heilindi og drengskap".  Þið eruð alla vega tveir um það.  Enda flokksbræður fyrr og nú. 

[Sigurður Þórðarson, 14.8.2008 kl. 19:28]

Sæll Jón ég óska þér til hamingju með einróma kjör til formanns og borgarmálafélagi FF í Reykjavík velfarnaðar.  Ólafur og Margrét hafa ekki heilsast í marga mánuði hvað þá að þau talist við.  Svona spuni er þeim til skammar sem að honum standa. Ef Ólafur stendur upp verður það vegna heilsubrests en ekki af vinsemd við Margréti.

[Halla Rut , 14.8.2008 kl. 20:51]

Myndin sem fylgir færslunni er einkar viðeigandi.

[365, 15.8.2008 kl. 10:06]

Það sem furðulegast er í öllum þessum svokallaða ruglanda er hve lengi þessi trúðsleikur (einleikur) fékk að leikast.  Ekkert uppklapp!!!

[Ómar Ragnarsson, 15.8.2008 kl. 22:27]

Til upplýsingar vegna setningarinnar "meirihluta Sjálfstæðisflokks og Íslandshreyfingarinnar.":

Það er rétt að efstu menn af F-lista gengu í Íslandshreyfinguna vorið 2007, tæpu ári eftir borgarsjórnarkosningarnar 2006. Þegar þetta fólk var kosið fyrir F-lista frjálslyndra og óháðra 2006 var Íslandshreyfingin ekki til

Ég hef spurt lagaprófessor hver væru lagaleg tengsl Íslandshreyfingarinnar og F-listans, bæði gagnvart samstarfi í meirihluta og minnihluta.

Hann sagði að þetta væri með flóknari málum af þessum toga sem hann hefði kynnst og erfitt eða ómögulegt að gefa um það lagalegan úrskurð. Hægt væri að segja að Íslandshreyfingin sem slík hefði ekki átt og ætti ekki beina aðild að listanum en ef laganemi spyrði sig um álit myndi hann segja honum að snúa sér frekar til guðfræðideilar með þessa spurningu.