Evópumet í verðbólgu.

Öll markmið Seðlabanka Íslands hafa mistekist. Við sláum nú Evrópumet í verðbólgu.  Ítrekað er því minnt á að Seðlabanki Íslands hefur verið til mikillar óþurftar undanfarin ár og ber ásamt ríkisstjórninni höfuðábyrgð á því efnahagshruni sem hér hefur orðið.

Hvað ætlum að halda áfram lengi með vonda og úrræðalitla ríkisstjórn?  

Hvað ætlum við að láta það viðgangast lengi að óhæfir stjórnendur stjórni  Seðlabankanum?

Mest verðbólga á Íslandi

Athugasemdir

[Björn Birgisson, 4.11.2008 kl. 12:08]

Við erum margfaldir Evrópumeistarar í verðbólgu, ekkert nýtt þar á ferðinni. Burt með ríkisstjórnina og Seðlabankastjórnina segir Jón Magnússon og er ekki einn um það. Hvað ætti svo að koma í staðinn?

Sárafáir vilja kjósa Frjálslynda, Framsókn er í frjálsu falli og Vinstri grænir af mörgum taldir óstjórntækt afl, sakir afturhalds og almennra leiðinda. Fylgisaukning VG í könnunum sýnir líklega best að þjóðin er að leggjast í þunglyndi. Væri ekki viturlegast að stokka flokkakerfið algjörlega upp, sameina kraftana í stað þess að dreifa þeim. Út úr því kæmi breiður vinstri vængur, gegn hálf lömuðum hægri væng.

[strumpur (IP-tala skráð) 4.11.2008 kl. 12:20]

þið feðgar standið ykkur með sóma í slökkviliðinu

[Kristján Elíasson (IP-tala skráð) 4.11.2008 kl. 16:30]

Hvernig væri að stjórnarandstaðan taki á sig rögg og segi okkur vesælum almúganum sannleikann í öllu þessu írafári sem þjakar þjóðina. Hvað gerðist í raun og veru áður en bankarnir voru þjónýttir ? Hverjir eru skilmálar að láni Alþjóðagjaldeyrissjóðsins? Hvað er að gerast í bankamálunum í dag? Ekki segja að þið vitið þetta ekki, ekki segja að þið séuð bundin trúnaðareiði eins og þegar spurt er um raforkuverð til álvera. Segið bara satt, ef þið gerið það ekki eruð þið að sanna að það er sama rassgatið undir öllum þingmönnum, sama hvar þeir standa í pólitíkinni.