Foringinn farinn.

Brotthvarf Guðna Ágústssonar sem formanns Framsóknarflokksins og þingmanns flokksins er alvarlegt áfall fyrir Framsóknarflokkinn. Guðni Ágústsson er fylginn sér, frábær ræðumaður, stefnufastur og hefur frábæra kímnigáfu.  Að mínu mati var Guðni í hópi 5 sterkustu ræðumanna þingsins.

Framsóknarflokkurinn hefur nú misst tvo þingmenn á stuttum tíma og formann sinn.  Vandamál flokksins eru því augljóslega mikil. Það verður hins vegar að skoða það að líklegt er í framhaldi af efnahagshruninu muni verða veruleg uppstokkun í íslenska flokkakerfinu. 

Flokkar sem hafa ákveðna og afdráttarlausa skynsama stefnu eiga því frekara erindi við kjósendur en margir aðrir. Spurning er hvort að Framsóknarflokkurinn nái nú vopnum sínum eða hvort enn frekari sundrung verður í flokknum.

Hvað sem þeim hugleiðingum líður þá er mikill missir fyrir þing og þjóð að Guðni Ágústsson skuli hafa kosið að hverfa af vettvangi þjóðmálanna.

Athugasemdir

[Rannveig H, 18.11.2008 kl. 16:48]

Guðni er farin, en ekki hættur.

[Bóbó (IP-tala skráð) 19.11.2008 kl. 06:58]

Ekki get ég séð eftir þessum steingerfingi og fornminjum, sem Guðni og raunar þessa flokksómynd hans öll. Tími framsóknar er löngu útrunninn. Í raun átti þetta skrípi og carricatur af stjórnmálaflokki aldrei neinn rétt á sér og nú er ljóst að þjóðin er búin að fá nóg. Þegar holdtekja spillingarinnar, Valgerður loðdýrabóndi, er komin í formannsstólin sér öll þjóðin að þarna er mælirinn fullur. Nú þarf að kjósa eins fljótt og við verður komið. Sjálfstæðisflokkurinn klofanr endanlega í vetur og verður það sem hann á að vera, lítill flokkur hægrisinnaðra öfgamanna, án valda og áhrifa í þjóðlífinu. Nýtt tímabil sósíalisma og jöfnuðar hefst þegar Vinstri grænir fá hreinan meirihluta í vor og síðan áfram. Lifi byltingin. Lifi alræði öreiganna.

[Sigurlaug (IP-tala skráð) 19.11.2008 kl. 09:55]

SKJALDBORGARMÓTMÆLI  Í DAG - MIÐVIKUDAG

KL: 12 VIÐ AUSTURVÖLL 
 
"Sláum skjaldborg utan um Alþingi".

MÆTUM ÖLL SEM VILJUM SJÁ BREYTINGAR GERAST !

 
Stjórnarandstaðan ætlar að standa með okkur í dag,
 
-hún mætir og ætlar í framhaldi af því að lýsa yfir vantrausti á Ríkisstjórn Íslands :O)
 
Nýir Tímar
www.nyirtimar.com
www.facebook.com/ákall til þjóðarinnar
www.facebook.com/skjaldborgarmótmælin