Alþjóðasamfélagið verður að binda enda á ógnarstjórn Ísrael.

Ég tek undir ummæli Ingibjargar Sólrúnar Gísladóttur utanríkisráðherra þar sem hún segir að hernaðaraðgerðir Ísraelsmanna séu óverjandi. Aðgerðir Ísrael eru hræðilegt hermdarverk. Munurinn á Ísrael og öfgamönnum á Gasaströndinni sem skjóta flugskeytum á Ísrael er sá að ríkisstjórn Ísrael er ríkisstjórn skipulagðs ríkis sem nýtur viðurkenningar á alþjóðavettvangi. Ísraelsstjórn heldur íbúum á Gasaströndinni innilokuðum. Þeir eru sviptir ferðafrelsi. Ríkisstjórn Ísrael ber ábyrgð á öryggi þessa fólks sem og Palestínu Araba á Vesturbakkanum.

Ísraelsmenn hafa misboðið þeim íbúum Palestínu sem ekki eru Ísraelsmenn um langa hríð. Morð, fangelsanir án dóms og laga og margvísleg mannréttindabrot eru framin af stjórn Ísrael gagnvart því fólki sem ekki tilheyrir "Guðs útvalinni þjóð" Gyðingunum.

Alþjóðasamfélagið batt enda á Apartheid stefnu hvítra manna í Suður Afríku. Stjórn Ísraelsmanna gagnvart Palestínufólkinu er verra en Apartheid stefna stjórnar Suður Afríku. Hugmyndafræðin á bak við apartheid stefnu Ísraelsmanna er ekki geðfelldari en sú í Suður Afríku á sínum tíma. Það sem meira er. Stjórn Suður Afríku framdi aldrei viðlíka hermdarverk gagnvart íbúum eigin ríkis og Ísraelsmenn gera gagnvart Palestínufólkinu í því landi sem þeir hafa stjórn yfir.

Bandaríkjamenn og raunar fleiri hafa ekki áttað sig á að virkasta aðgerðin gegn Al Qaida og öfgafólki í röðum Múslima er að Bandaríkin og ríki Evrópu komi í veg fyrir að Ísraelsmenn haldi áfram hermdarverkum gagnvart þeim hluta íbúa sinna sem telst ekki til "Guðs útvalinnar þjóðar". 

„Óverjandi aðgerðir“

Athugasemdir

[Gústaf Níelsson, 28.12.2008 kl. 00:51]

Hvernig má það vera að öfgamenn á Gasaströndinni hafa flugskeyti í sínum fórum til þess að skjóta á Ísrael? Þú hlýtur að átta þig á því, líkt og allt hugsandi fólk, að ofbeldisárásum mun ekki linna fyrr en almenn afvopnun á sér stað. Á meðan hópar manna, sem ekki eru á vegum lögmætra yfirvalda eru undir vopnum, er fjandinn laus. Vilt þú vera á hans vegum? Trúlega ekki.

[Guðmundur Jónas Kristjánsson, 28.12.2008 kl. 01:43]

Vísa til bloggs míns um sama efni Jón. Merkilegt hvernig þú hælir hér
Ingibjörgu Sólrúnu og hégóma hennar varðandi ástandið fyrir botni Miðjarðarhafs,  og í raun málstað öfgafullra íslamista. Geri engan
mun á þeim og öfgasinnuðum sionistununum í Ísrael.

[Jenný Anna Baldursdóttir, 28.12.2008 kl. 01:45]

Heyr, heyr.

[þorvaldur Þórsson (IP-tala skráð) 28.12.2008 kl. 01:48]

Er einhver munur á öfgafullum Zíonistum í Ísrael og öfgafullum íslamista? Ég held ekki. Ísraelsmenn munu halda sínu morðæði áfram meðan Bandaríkjamenn styðja þá. Öfgafullir íslamistar munu halda áfram að fá vind í sín segl meðan Ísraelsmenn halda sínu útrýmingaræði áfram. Þetta er vítahringur sem verður ekki rofin nema með samstilltu átaki annarra þjóða. Við  Evrópumenn verðum að útiloka Ísraelsmenn frá öllu sambandi Evrópskra þjóða það er byrjunin. Við Íslendingar getum slitið öll efnahagsleg tengsl við Ísraelsmenn það er á okkar valdi. Einhvers staðar verðum við að byrja. Friðarkveðjur.

[Hundur í manni..., 28.12.2008 kl. 02:57]

Já en hvar er fjámrálarðránuneytseftirltið ?

[Jens Guð, 28.12.2008 kl. 03:52]

  Ég tek algjörlega undir þessa greiningu á því ástandi sem ríkir í þessum heimshluta.  Bandarísk stjórnvöld búa við þá klemmu að helstu þarlendir fjölmiðlar eru í eigu gyðinga sem styðja Ísrael.  Ég var síðast í Bandaríkjunum í sumar og það er sláandi hvað þarlendir fjölmiðlar reka einhliða áróður fyrir Ísrael.  Jafnvel fjölmiðlar sem að öðru leyti eru gagnrýnir á utanríkisstefnu Brúsks.  Bandarískur almenningur - og stjórnmálamenn - sitja uppi með mjög hlutdræga mynd af ástandi mála í Palestínu. 

[Sigurgeir Jónsson, 28.12.2008 kl. 11:25]

Þetta er rétt hjá þér Jón.Öll veröldin líður fyrir ástandið innan þess svæðis sem er hernumið af ísraelsmönnum.Því miður er kristin kirkja gegnsýrð af gyðingdómi og er ástandið einna verst í Bandaríkjunum, þótt slíkir ofsatrfúarmenn séu einnig til hér á landi.Sjónvarpstöðin Ómega er angi af því sem Ísraelsmenn stjórna og sem rekur áróður fyrir þá.

[hilmar (IP-tala skráð) 28.12.2008 kl. 12:21]

Jón Magnússon, þingflokksformaður Frjálslynda flokksins.

Jón Magnússon, þingflokksformaður Frjálslynda flokksins, hvetur fólk til að spara og kaupa ekki flugelda þetta árið. Með flugeldakaupum sé fólk að henda peningum. Hann var gestur Sigurjóns Egilssonar í þættinum Sprengjusandi í morgun þar sem meðal annars rætt um hvernig almenningur getur sparað. Auk þess talaði Jón fyrir því að fólk minnkaði gosdrykkju sína. Jón var eitt sinn formaður Neytendasamtakanna.

Árleg flugeldasala Slysavarnafélagsins Landsbjargar hefst í dag.

komdu sæll ég rakst a þessa grein á visir.is og ég ætla hreint að vona að þú hafir verið að grínast nú ef ekki þá skora eg á þig að segja af þér og það strax. hverning eiga björgunarsveitir að lifa ef við kaupum ekki af þeim flugelda? þetta er eina fjáröflun leið þeirra til að lifa af og hvað segjir þú. HÆTTUM AÐ KAUPA FLUGELDA SEGÐU AF ÞÉR

[Meinhornið, 28.12.2008 kl. 13:29]

Það er glettilega auðvelt að þekkja evrópska gyðingahatara á internetinu, sama hvaða tungumál þeir tala. Þeir eru með frasann "Guðs útvalda þjóð" á heilanum og fara alveg í flækju yfir honum, burtséð frá því hvort gyðingar séu að nota hann eða ekki. Ég sé hann ekki í fréttinni en það var augljóst fyrirfram að honum myndi bregða fyrir í þessari bloggfærslu...

[Stebbi (IP-tala skráð) 28.12.2008 kl. 14:15]

Menn verða að byrja á því að aðgreina þennan venjulega gyðing sem er í meirihluta og svo zionista sem stjórna öllu sem meirihlutinn á.  Zionistar eru öfgahreyfing innan gyðingdómsins eins og Al-Qaida er innan Múslima.  Best fyrir alla er að kalla hlutina réttum nöfnum og hætta að setja alla undir sama hatt.

[Björgvin R. Leifsson, 28.12.2008 kl. 14:39]

Sammála Stebba. Það hvarflar ekki að mér að setja alla Gyðinga undir sama hatt og síonistakvikindin - ekki frekar en að gera Al Qaida að samnefnara fyrir alla múslima.

[Hjálmtýr V Heiðdal, 28.12.2008 kl. 15:29]

Síonisminn er stefna kynþáttamisréttis og byggir á trúarrugli. Líkt og það var ekki hægt að stimpla alla Þjóðverja sem nasista á tímum Hitlers þá er í dag rangt að fordæma gyðinga vegna Síonismans. Og múslimar eru upp og ofan eins og kristnir og heiðingjar.

Það gagnast málstað sumra að æsa upp fólk með alhæfingum og slagorðabulli.

Það gera stuðningsmenn Síonistanna sem stjórna í ísrael, líka þeir sem búa hér á landi. Þeir gera fórnarlömb Síonsimanns að sökudólgum. Þeir gefa skít í mannréttindi Palestíinumanna.

[Ástþór Magnússon Wium, 28.12.2008 kl. 15:39]

Beinum áskorunum til Bessastaða:

Dorrit, ætlar þú að sitja aðgerðarlaus á meðan landsmenn þínir myrða þetta fólk?

Frú Dorrit Moussaieff, þú sem fædd og uppalin ert í Jerúsalem, ætlar þú að sitja aðgerðarlaus í "stórasta landi heims", friðareyjunni Íslandi á meðan "litlustu" sálir heims, stjórnvöldin í Ísrael, myrða fólkið í næsta húsi?

Ætlar þú Dorrit ekki að lyfta litlafingri þessum fórnarlömbum til hjálpar?

Ég skrifaði þér bréf fyrr á þessu ári og bað þig um að aðstoða okkur við að kynna boðskap Friðar 2000 í Mið Austurlöndum. Að kynna nýja hugmyndafræði í friðarmálum. Þú svaraðir ekki bréfinu? Hversvegna? Er hjarta þitt jafnkalt og steinninn sem þú keyptir á uppboðinu í London fyrir 735 milljónir?

Fyrir hönd Friðar 2000 ítrekað ég boðið um að aðstoða ykkur hjónin að Virkja Bessastaði til friðarmála.