Klappstýra vinstri stjórnar.

Forseti lýðveldisins hefur tekið að sér nýtt hlutverk. Hann er ekki lengur klappstýra útrásarinnar og ferðast ekki lengur með einkaþotum útrásarvíkinga eða situr boð þeirra á dýrustu veitingastöðum veraldar eða býður þeim í dýrðleg boð á Bessastöðum.

Nú hefur forsetinn tekið að sér að vera klappstýra nýrrar vinstri stjórnar Samfylkingarinnar og Vinstri grænna og notar tækifærið í leiðinni til að koma að vægast sagt umdeildum lögskýringum á ýmsum ákvæðum stjórnarskrárinnar sem snertir valdsvið forseta og ríkisstjórnar.

Mér finnst einnig vægast sagt undarlegt að forsetinn skuli tjá sig með þeim hætti sem hann hefur gert um væntanlegar viðræður Samfylkingar og VG og hverjir muni styðja þá stjórn. Ég minnist þess ekki að fyrri forsetar hafi nokkru sinni blandað sér með sama hætti í þjóðmálaumræðuna eins og Ólafur Ragnar Grímsson.

Því miður þá ákvað forsetinn að fara þessa leið og fela fyrrum flokkssystkinum sínum að bræða sig saman í stað þess að láta á það reyna hvort hægt væri að koma á ábyrgri stjórn allra flokka til að leiða þjóðina áfram og út úr vandanum.

Þó að fráfarandi ríkisstjórn hafi vissulega verið vandræðastjórn þá er hætt við hér verði illa tjaldað til fárra nátta.

Athugasemdir

[Julius kristjansson (IP-tala skráð) 27.1.2009 kl. 13:06]

Sæll Jón. Hættu nú þessu helvítis kjaftæði,og drullist þið frjálslindir til að taka þátt í nýrri vðreisn.Í þessari grúbbu sem líkur eru á að sé að taka við,er fólk sem tilbúið er í að fara að endurheimta auðlindir,og er, eða var það ekki númer eitt hjá ykkur frjálslindum,að koma sjávar auðlindinni í hendurnar á eigendum aftur.

[Jón Magnússon, 27.1.2009 kl. 13:19]

Ég vona Júlíus að þú hafir rétt fyrir þér að VG og Samfylkingin virði mannréttindi og komi kvótanum til þjóðarinnar og komi á sambærilegri skipan á lánamál og er í nágrannalöndum okkar.

[Sigurður Sveinsson, 27.1.2009 kl. 13:50]

Forsetinn er kominn langt útfyrir verksvið sitt. Hinsvegar er ekkert óeðilegt við að hann hafi falið ISG umboðið. Það mikilvægasta af öllu er að þjóðin fái að kjósa svo fljótt sem mögulegt er.

[Jón Snæbjörnsson, 27.1.2009 kl. 14:30]

hver vermir hvaða stól nú ? hagfræðingur sem Fjármálaráðherra ?- landfræðingur sem Umhverfisráðerra ?  við bara höfum ekki efni á svona fíflagangi meir

velti fyrir mér hvort Atli og Steingrímur haldi áfram með uppteknum hætti og rétti Bretum puttann gagnvart Ice-Safe

[Sigurður Þórðarson, 27.1.2009 kl. 15:36]

Forsetinn er populisti en hann er klár.

Ég er næstum búinn að fyrirgefa forsetanum að hann skyldi hæla kvótakerfinu en það var stór biti að kyngja.

[Julius kristjansson (IP-tala skráð) 27.1.2009 kl. 18:13]

Aftur Jón. Það verður að láta renna í laugina ef á að sinda í henni,Get ekki trúað því að þú sért tilbúin til þess að vera með sparifé þitt í banka,með það á beinu að það rírni,Ef það á að afnema verðtryggingu af íbúðar lánum,eða bara af lánum alment.Þarf að byrja á byrjuninni.og ná verðbólgu á sama plan og er hjá nágrönnum okkar.það sem verra er nágranna lönd okkar eru flest í E.S.B. og þar er brúkuð  euora,viljum við þangað ?Og hvernig eigum við að komast,á sama verðbólgu plan og aðrar þjóðir ?

[Vilhjálmur Örn Vilhjálmsson, 27.1.2009 kl. 18:37]

Þetta voru mistök hjá el Presidente. Hann hjálpar líklega Steingrími og hjörð hans í úthaga eða á strandbeit í Þistilfirði, þegar startkaplinum frá IMF hefur verið skilað aftur.

[ásdís (IP-tala skráð) 27.1.2009 kl. 19:46]

Fyrst stjórnarskiptin eru afleiðing grjótkasts, og grjótkastararnir komnir með þá stjórn sem þeir vildu, liggur þá ekki beint við að nefna nýju stjórnina Grjótkastarastjórnina?

[Dunni, 27.1.2009 kl. 21:38]

"Ég minnist þess ekki að fyrri forsetar hafi nokkru sinni blandað sér með sama hætti í þjóðmálaumræðuna eins og Ólafur Ragnar Grímsson."

Þýðir þessi yrðing þín, Jón, að engin forseti má blanda sér í þjóðmálaumræðuna bara af því þig rekur ekki minni til að það hafi gerst áður.

Mér finnst mjög gott að forsetinn blandar sér í þjóðmálaumræðuna. Hann á að vera einn af okkur en ekki einangraður í fílabeinsturni eins og svo margir embættismenn óska sér heitast.

[Jón Magnússon, 27.1.2009 kl. 23:06]

Ég hef lengi verið á þeirri skoðun að við ættum að kjósa forseta sem myndaði ríkisstjórn og væri þá eins og forsætisráðherra núna en Alþingi væri betur aðskilið frá framkvæmdavaldinu þannig að maður gæti ekki verið bæði þingmaður og ráðherra.

[Guðrún María Óskarsdóttir., 27.1.2009 kl. 23:54]

Því miður er þetta alveg rétt Jón, og meðan ekki er búið að endurskoða þá stjórnskipan sem vera skal við lýði, þá er þessi " nýjung " út úr kú.

kv.Guðrún María.

[Snorri Gestsson, 28.1.2009 kl. 09:15]

Átta mig ekki alveg Jón, áttu við þjóðstjórn með Geir ? Væruð þið virkilega tilbúnir að mæra fólkið sem hefur ekkert gert annað en að halda í horfinu og illa það síðan allt fór til helv. engar tiltektir í kerfinu, status Q, á að leggja sjoppuna (FF) niður á vordögum ? eða reyna að standa í lappirnar og taka þátt ?

Get ekki séð að fólk þurfi að fara úr límingunum þótt liggi þokkalega á skemmtanastjóranum okkar, ekki er líklega svo gaman hjá honum dagsdaglega á nesinu.

[Kristján B. Albertsson (IP-tala skráð) 28.1.2009 kl. 11:46]

Ólafur Ragnar er Pútín Íslands.   Býður fjárglæframönnum í dýrindis veislur á kostnað skattborgaranna og býður glæpakvendinu Mörthu Stewart heim til sín, líka á kostnað skattborgaranna.

Auðvitða gleymir vinstrahyskið svoleiðis "smámunum" og fyrirgefur honum.  Hann er svo klár í þeirra augum.

Þetta sýnir bara hvað vinstrimenn eru miklur hræsnarar.  Þeir telja sig alltaf hafa einkarétt á sannleikanum og beita skoðanakúgunum og hótunum ef einhver dirfist að andmæla þeim.

Forsetinn, klappstýra útrásarfjárglæframannanna er en mesti tækifærsissini í heimi.  Hann ætti með réttu að segja af sér.  Það er einfaldlega krafa í þjóðinni um það, þó svo að vinstrahyskið dansi stríðsdans af ánægju með framferði hans.

Vinstristjórnin komst til valda með ofbeldi, og það hefur verið sagt um þá sem komast til valda með ofbeldi, þeir stjórna með ofbeldi.  Til eru mörg dæmi um þetta:

• Stjórn Nazista í Þýskalandi
• Stjórn Pinochets
• Ógnarstjórnir Sovéskra kommúnista
• Stjórn Kína

[Jón Magnússon, 28.1.2009 kl. 13:59]

Snorri ekki undir forustu Geirs eða Sjálfstæðisflokksins.

[Sif (IP-tala skráð) 28.1.2009 kl. 14:23]

Mikið er ég sammála þér, orðin þreytt á þessum forseta fyrir löngu!