Hvaða ábyrgð ber Ingibjörg sem Jóhanna ber ekki?

Ingibjörg Sólrún Gísladóttir ætlar að sækjast áfram eftir formennsku í Samfylkingunni. Þær Jóhanna Sigurðardóttir og Ingibjörg Sólrún virðast nú hafa gengið í stórveldabandalag innan Samfylkingarinnar gegn hugsanlegu framboði Jóns Baldvins Hannibalssonar.

 Jón Baldvin Hannibalsson heldur því fram að Ingibjörg Sólrún Gísladóttir eigi að víkja þar sem að hún þurfi að axla ábyrgð á efnahagshruninu. Á sama tíma segist Jón Baldvin styðja Jóhönnu Sigurðardóttur.

Spurning hlítur að vakna vegna þessara ummæla Jóns Baldvins hvaða ábyrgð þarf Ingibjörg Sólrún að axla sem að Jóhanna Sigurðardóttir þarf ekki að axla.  Sátu þær ekki saman í fráfarandi ríkisstjórn? Sátu þær ekki í ríkisstjórn þegar efnahagshrunið varð? Í hverju er ábyrgð Ingibjargar Sólrúnar fólgin?  Hvers vegna telur Jón Baldvin að Jóhanna Sigurðardóttir sé ábyrgðarlaus þó að hún sæti í þeirri sömu ríkisstjórn og Ingibjörg Sólrún? 

Er það ekki svo að beri Ingibjörg Sólrún Gísladóttir ábyrgð á efnahagshruninu vegna setu í síðustu ríkisstjórn, þá ber Jóhanna Sigurðardóttir það líka?

Ingibjörg býður sig fram

Athugasemdir

[Þórdís Bára Hannesdóttir, 28.2.2009 kl. 12:38]

Sammála þér í þetta sinn.  Rökhugsun Jóns er eithvað á skjön. skrýtið ef hann veit það ekki sjálfur.

[Sigurður Sveinsson, 28.2.2009 kl. 13:04]

Þessi þversögn liggur í augum uppi. Karlgreyið er bara að verða elliær.

[Vilhjálmur Örn Vilhjálmsson, 28.2.2009 kl. 14:23]

Samfylkingarpólitík er víst ekki alltaf nógu rökræn.

[Sigurjón, 28.2.2009 kl. 23:31]

Alveg sammála þér Jón.  Ég hef aldrei skilið þennan jóker sem Jóka hefur á hendi meðal landsmanna.  Alveg sama hvað hún gerir; hún er ávallt heilög Jóhanna...

[Kolla (IP-tala skráð) 1.3.2009 kl. 15:29]

Sigurjon, Johanna er vinnusöm og sjalfri ser samkvæm, annað en hægt er að segja um forsætisraðherrann fyrrverandi.