Engar breytingar hjá VG

Er það ekki aldreilis merkilegt að þeir sem mest tala um breytingar skuli ekki gera neinar breytingar hjá sér. Listi VG í Norðausturkjördæmi verður óbreyttur að því er máli skiptir.  Ég óska Steingrími, Þuríði og Birni til hamingju með 1., 2. og þriðjasætið.  Ef til vill eru engir til að taka við kyndlinum af Steingrími J?

Steingrímur J. efstur í NA

Athugasemdir

[Þórbergur Torfason, 4.3.2009 kl. 23:32]

Merkilegra er þó Jón, að þú skulir vænta breytinga úr þessari átt. Hvað finnst þér helst valda því að þarna þurfi einhverju að breyta.      

Maður líttu þér ögn nær.

[Helga Jónsdóttir, 5.3.2009 kl. 00:06]

Er það ekki líka eini flokkurinn sem ekki tók þátt í sukkinu með ykkur Sjálfstæðismönnum, tel ekki tímann sem þú varst í öðrum flokkum þar sem hjarta þitt hefur alltaf slegið þeim megin. Sé ekki ástæðu til stórvægilegra breitinga hjá VG einmitt af þeirri ástæðu

[Jón Magnússon, 5.3.2009 kl. 00:43]

Hvað var VG að gera allan tímann í stjórnarandstöðunni? Voru þeir að bera fram einhverjar tillögur sem hefði einhverju breytt varðandi efnahagshrunið? Ekki minnist ég þess.

Hefði verið farið að þeirra tillögum þá hefði verið halli á ríkissjóði allan síðsta áratug nema skattar hefðu verið stórlega hækkaðir. Ný orku og stóriðjuver hefðu ekki verið byggð.

[Guðmundur Jónsson, 5.3.2009 kl. 08:54]

Ég er nú á því að það sé einna síst þörf á uppstokkun hjá VG en af því þú minnst á þeirra starf á alþingi þá má ef til vill banda á að sumir vinstrimennirnir reyndu að koma í veg fyrir eikavæðingu bankanna en það hefði eflaust getað forðað okkur frá bankahruninu í þeirri mynd sem það er. Hitt er aftur annað mál að það er ekkert í stefnum þessara flokka hvorki VG eða SF sem beinlínis hefði minkað hættuna á svona kerfishruni. Reyndar er hagstjórnar hluti stefnuskránna þeirra mjög þunnur. Ég sé þetta eiginlega þannig að við værum vísast verr sett fjárhagslega í dag hefði verið meiri vinstri slagsíða á hagstjórninni undanfarin áratug.