Afnám verðtryggingar

Ég hef barist fyrir því um árabil að verðtrygging verði afnumin og samfara því að íslenska krónan yrði tengd alþjóðlegri mynt eða tekinn upp fjölþjóðlegur gjaldmiðill. Lengst af hefur mér fundist ég vera eins og hrópandinn í eyðimörkinni því að fáir hafa tekið undir með mér. Ég hef flutt ítrekað tillögur um málið á Alþingi en þær hafa dagað uppi í viðskiptanefnd og aldrei komið til efnislegrar afgreiðslu. Þó var ljóst að fyrri viðskiptaráðherra Björgvin G. Sigurðsson hafði ákveðinn áhuga á málinu.

Bjarni Benediktsson sem gefur kost á sér í formannskjöri í Sjálfstæðisflokknum hefur nú tekið undir þessa kröfu um afnám verðtryggingar. Í viðtali við Fréttablaðið í dag segir Bjarni "Því tel ég að við eigum að stefna að afnámi verðtryggingarinnar"   Mér þykir því líklegt að Sjálfstæðisflokkurinn geri það að stefnumáli sínu að verðtrygging verði afnumin.

Færa má gild rök fyrir því að orsök efnahagshrunsins og bágrar fjárhagsstöðu margra sé vegna hrunadansins í kring um sjálfstæða mynt og verðtrygginguna.

Lífskjör á Íslandi verða að vera sambærileg við það sem gerist í löndunum í næsta nágrenni við okkur. Þess vegna verða lánakjör að vera það líka og við verðum að búa við stöðugleika í myntkerfinu.

Það er kominn tími til að breyta og afnema verðtrygginguna.

Athugasemdir

[Halldór Jónsson, 21.3.2009 kl. 13:33]

Á þeim degi urðu þeir Herodes og Pílatus vinir !

Ég held að þið  Bjarni ættuð þá að gera okkur grein fyrir því hvernig verður með sparnaðinn í þjóðfélaginu. 

 Verður hægt að eiga pening á bók ?

Hvernig verður með íbúðalánin ?

Hvernig verður með lífeyrissjóðina ?

Fyrr en þetta liggur fyrir hjá ykkur tek ég ykkur ekki alvarlega.

[EE elle (IP-tala skráð) 21.3.2009 kl. 15:27]

Vil bara segja að ég gef lítið fyrir Bjarna Ben og af því þú minnist á  hann þarna. 

[Halldór Jónsson, 21.3.2009 kl. 20:18]

Fyrir mér er Bjarni búinn að fremja pólitískt Harakiri með þessum yfirlýsingum í Baugstíðindum í dag.

[Gunnar Rögnvaldsson, 21.3.2009 kl. 20:26]

Lífskjör á Íslandi verða að vera sambærileg við það sem gerist í löndunum í næsta nágrenni við okkur. Þess vegna verða lánakjör að vera það líka og við verðum að búa við stöðugleika í myntkerfinu.

Á að ná þeim markmiðum með því að brenna upp sparifé þeirra sparsömu, einu sinni enn. Eins og er þá eru innlánsvextir mjög neikvæðir í stórum hluta Evrópu. Peninganir rýrna og þeir munu rýrna miklu miklu meira þegar alþjóðleg verðbólga mun taka við sér í kjölfar risafenginna fjárútláta ríkissjóða um víða veröld.

Við þekkjum öll neikvæðu hliðarnar í verðtryggingu. En jákvæðu hliðarnar eru þó þær að sparnaður eflist, fólki er óhætt að eiga peninga og framboð af fjármagni til atvinnusköpunar er miklu miklu meira og betra.

Þeir sem trúa mér ekki ættu að reyna að selja óverðtryggð löng ríkisskuldabréf á næstunni. Þetta er núna um 1,5-2 trilljón dollara markaður á heimsvísu. Ríkissjóðir um víða veröld bjóða svona bréf, því annars gætu þær ekki selt skuldirnar sínar. Á almenningur að blæða einu sinni enn?? Eða ætlar ríkið einu sinni enn að koma almenningi á hausinn?

Það er vel hægt að fleyta stórauknu viti þá í verðbólgumarkmiðs-stefnu Seðlabanka Íslands sem byggir grunninn undir stýrivaxtastefnu Seðlabankans. Það eina sem til þarf er að hugsa smávegis. Að láta erlenda verðbólgu koma að fullu inn í CPI- vísitöluna er ekki sérlega vel hugsuð stefna fyrir land sem aldrei getur orðið bara sæmilegur kandidat í optimal currenct area. Þeir sem halda annað eru haldir alvarlegri hugsanavillu. Þeir neita einfaldlega að horfast í augu við staðreyndir. Þessir aðilar vilja ræna Íslandi öllum möguleikum til hagvaxtar, velmegunar og velferðar almenningi til handa um alla eilífð. Þeir hugsa ekki og ættu því að fá sér nýtt starf í gjaldþrota bönkum.

Stjórnmálamenn: hættið vinsamlegast að yfirbjóða. Það eru skattgreiðendur og sparifjáreigendur sem þurfa að bogra þetta yfirboð ykkar!

Kveðjur

[Sigurður M Grétarsson, 21.3.2009 kl. 21:32]

Ég tel að það gagni lítið í þessu efni að tengja krónuna við ákveðna mynt. Það er vegna þess að ef gjaldeyrir fer að streyma meira úr landi en í það þá geta stjórnvöld alltaf breytt genginu í einu stökki við þessa mynt og þar með er komið gengistap og verðbólga, sem gerir krónuna verðminni. Því munu lánveitendur alltaf líta á það, sem áhættu að lána í íslenskum krónum ef ekki er meiri trygging á bakvið verðmæti krónunnar en yfirlýsing stjórnvalda um að gengi krónunnar eigi að vera fasti við ákveðna sterkari mynt.

Eina lausnin felst því í að taka upp aðra mynt en krónunna. Sterkasti leikurinn í því er að ganga í ESB og taka upp Evru. Þannig verðum við aðilar að þeim seðlabanka, sem gefur út þá mynd og þar með fáum við hlutdeild í myntsláttuhagnaðinum auk þess að viðkomandi seðlabanki er til þarutavarar fyrir okkar banka og þar með verður hættan á gjaldeyrisskorti minni en ella.

Að afnema verðtryggingu með íslensku krónunna, sem gjaldmiðil tel ég hins vegar vera óráð. Það er vegna þess að ég tel að það munu engir fagfjárfestar kaupa skuldabréfasafn með lánum til langst tíma í íslenskum krónum með föstum vöxtum. Þess vegna tel ég að ef við bönnum verðtryggingu þá fáum við í stað óverðtryggð lán með breytilegum vöxtum. Það að fara úr verðtryggðum húsnæðislánum í óverðtryggð húsnæðislán með breytilegum vöxtum tel ég vera að fara úr öskunni í eldin fyrir húsnæðiskaupendur. Slík lán verða með miklu meiri sveiflum í greiðslubyrði en verðtryggð lán ef til verðbólguskots kemur.

[Haraldur Haraldsson, 21.3.2009 kl. 22:03]

Halldór Jónsson tilheyrir þeim hópi þjóðfélagsþegna að hafa séð grátlega eftir sínum skuldum þegar verðbólgan kveikti í höfuðstólnum á sínum tíma. Þá komu jafnaldrar hans og samþykktu verðtrygginu á lánum og launum. En síðan ákváðu þeir hinu sömu að verðtrygging launa væru nú ekki gott og tómu það af. En vegna lífeyrissjóðanna sem þeir væru nú að fara njóta þá þyrfti að halda í verðtrygginguna.

Sem betur fer höfum við mann eins og Jón Magnússon sem hefur í langa tíð barist fyrir réttlæti og hef ég í langan tíma stutt hans tillögur! Hvers vegna?

Kæri Halldór.

Lánveitandi á íbúðarláni hefur verðtryggingu þannig að hver lánuð króna heldur sínu verðgildi. Að auki fær lánveitandinn a.m.k 4,5% aukalega vexti. Til þess að tryggja sig meira tekur hann lántakanda í sjálfskuldarábyrgð og veð í húsnæði. Hvernig í ósköpunum getur þessi lánveitandi tapað á þessari lántöku? Viðskipti er spil þar sem viss áhætta er við líði. Hvernig væri að það væri jafnvægi á milli lánveitanda og lántaka? Ef verðtrygging verður við líði á íbúðarlánum verðum við að hefja aftur verðtryggingu á launum og takmarka viðbætta vexti við 0,5-1%.

Jón....loksins eru ekki einungis einstaka menn farnir að taka upp þín baráttumál heldur einnig heilu flokkarnir.

[Guðmundur Jónsson, 21.3.2009 kl. 22:44]

Verðtryggingin nú seinni ár er í raun hluti vandans og það verður að færa niður verðtryggð krónulán svo þau lækki eins og aðrar krónur hafa gert í verðbólgunni. Afnám vertryggingar nú er hinsvegar afleikur því hennar er þörf á næstu misserum vegna endurfjármögnum bankana. Ég bendi á þetta blogg mitt hér til að rökstyðja það

[Halldór Jónsson, 22.3.2009 kl. 12:06]

Hvernig líst þér á það Haraldur að lífeyrissjóðurinn þinn verði lánaður út til 20 ára án verðtryggingar ? Veist þú hver verðbólgan verður 2020 ?

4.5 % -8 % vextir ofaná verðtryggingu er líklega hæstu vextir sem til eru í heiminum utan Mafíunnar. En líklega hafa markaðsaðstæður orðið til þess að valið stendur milli þeirra og verðtryggingar eða enginna lána eins og staðan var þegar ég var ungur.

Mín kynslóð hafði minni aðgang að lánsfé eðlilega vegna þes að enginn vildi lána fé á neikvæðum vöxtum. Ég hugsa að Harladur vilji það ekki heldur fyrir hönd síns lífeyrissjóðs. Það væri ágætt að hann og Jón Magnússon svari því hvort þeir vilji að allir geti fengið Íbúðalánasjóðslán á 4.9% og verðtryggingu fyrir 80 % af kaupverði íbúðar eða kannske 25 %  hlutfall á neikvæðum niðurgreiddum vöxtum ? 

[Loftur Altice Þorsteinsson, 22.3.2009 kl. 15:46]

Að boða niðurfellingu lánavísitölunnar er annaðhvort pólitískt yfirboð eða heimska. Allir ættu að vita hverjar afleiðingarnar yrðu í verðbólgu-samfélagi. Hins vegar ef við tökum upp sterkan innlendan gjaldmiðil, sem nýtur bakstuðnings sterkrar erlendrar myntar, nýtur jafnframt stuðnings af Stjórnarskránni og er undir stjórn Myntráðs, er lánavísitala ónauðsynleg.

Ég held að það sé þetta sem þú ert að segja Jón. Fastgengið verður að koma á undan niðurfellingu vísitölubindingarinnar, eða réttara sagt vísitalan verður ónauðsynleg.

Sigurður kynntu þér hugmyndir mínar um Myntráð. Þú finnur mikið efni á blogginu mínu. Ef þú skilur ekki eitthvað af því, þá er ég alltaf reiðubúinn að útskýra málið.

[Gunnar Rögnvaldsson, 22.3.2009 kl. 17:19]

Kæri Loftur. Vinsamlegast ekki bera á borð fyrir okkur myntráð.

Ef þú veist bara snefil um þær forsendur sem þurfa að vera til staðar til að land geti tekið þátt í myntbandalagi eða myntráði þá ættir þú að vita um þá grunn staðreynd að Ísland fellur ENGAN veginn inn undir skilgreininguna sem candidat/þáttakandi í optimal currency area eða myntráði eða myntbandalagi. Til þess eru hætturnar á asymmetric shocks svo geigvænlegar að þetta myndi svara til að skera fæturnar undan spretthlaupara.

ÍSLAND GETUR ALDREI TEKIÐ ÞÁTT Í MYNTBANDALAGI EÐA MYNTRÁÐI án þess að velmegunarmöguleikar Íslands séu hálshoggnir um alla framtíð. Og ég endurtek: ÞAÐ ER ENGIN LEIÐ ÚT AFTUR. ENGIN!

Þið virðist ekki koma auga á hvað það var sem olli þeim óförum sem margt venjulegt ráðsett fólk á við að glíma núna. Nei, það komið þið ekki auga á. Það eru svo sannarlega EKKI hin verðtryggðu lán. Nei, það eru óverðtryggð myntlán í erlendum gjaldmiðli sem fólk fær laun sín EKKI útborguð í. Þeir sem ráðlögðu fólki að taka þessi lán eru núna gjaldþrota. Þeir eru gjaldþrota vegna þess að þeir eiga skilið að vera gjaldþrota því þeir voru lélegir kjánar. Bankanir voru bikkjur með hor í nefi og kryppu. Stjórnað af glæframönnum. Fjármálaeftirlitið var ennþá verra. Það var eins og dömubindi. Enda er búmerki Fjármálaeftirlitsins nákvæm eftirlíking af Always Ultra dömubindum. Aular með hor. Sama er að segja um bankamálaráðherrann sem var. Einnig auli með hor.

Afsakið orðbragðið, en það þýðir ekki að hengja bakara fyrir smið í það endalausa.

Komið til aftur til vits og rænu kæru stjórnmálamenn. Þið eruð vonlausir eins og er. Alveg clueless, því miður

Kveðjur